應否幫小學生取得好成績?

little_yolky

palmchristy 發表於 17-3-14 16:44
其實一直都有掙扎, 雖然已經過左呢個階段, 就係: 究竟應否幫小朋友在小學階段取得好成績.

經驗話我知: 小 ...

我又覺得小朋友有無自信心同佢係咪好成績無必然關係喎。

我大女小一成績都係一般, 不過佢對學業好緊張, 好努力, 因為我同佢講讀書要靠佢自己, 阿媽我唔得閑, 阿爸又只會教錯佢, 見佢努力, 我又會勁讚佢(原來呢個年代, 小朋友自己努力溫書做功課, 係好神奇既事), 所以, 佢又更加上心。呢個我覺得係性格既問題。至於佢既自信, 係由佢興趣班比賽得獎攞返嚟既, 同學業又無乜關係。


細女仲勁, 讀書唔多掂, 但自信心爆晒棚, 不過, 佢就真係間唔中要跟下, 唔係就真係可以錯得好離譜。但就算係錯得好離譜, 甚至唔合格, 佢都仲係咁有自信, 有時我真係好佩服佢既。呢D都應該又係性格問題。

little_yolky

hkpapa852 發表於 17-3-14 17:10
我既諗法係, 只要唔會令小朋友增加太多壓力, 我認為可以.

我自己到依家都無俾小朋友去補習, 只係安排小朋 ...

原來我又谷過你, 我有俾佢補英語會話。

little_yolky

MrBeast 發表於 17-3-14 17:43
我見身邊某些谷谷例子，做到父母要求，會收到手指公和稱讚，起初子女係好受，亦受谷，正因為咁，如你所說， ...

係, 小朋友成長開始反抗真係好麻煩, 我果個無端端變得好黏身, 要我幫手佢學習同溫習。阿妹已經煩得我要死, 仲要同阿妹睇書, 真係邊有咁多時間理佢。

即時將個波丟咗俾C6, 但係, 我都係見C6揸住本常識書問佢問題佢答, 同佢自己溫都唔知有乜分別, 但佢就係都要黏住我哋, 反判期真係好奇怪, 唔知佢諗乜。

little_yolky

S-Kwok 發表於 17-3-15 07:54
引證自己的存在價值表現

咁理論性既？平時返學行去校巴站, 佢都係拖爸爸, 近日又要行快D, 要拖住我, 同妹妹講：我霸住媽咪一隻手先。你知啦, 荒山野嶺D行人路好窄, 三個人拖住行真係好迫既。

little_yolky

S-Kwok 發表於 17-3-15 09:19
睇書話青春期會有“who am I ?”、"證明自己嘅重要性"……呢啲想法

但係, 呢D咁深既問題, 我依家都未解答到........................

little_yolky

IloveJJ 發表於 17-3-15 10:18
我會選擇某程度既幫。
例如，如果佢係上堂聽唔明（因為唔專心/發夢），咁我會教佢。但佢唔專心所以唔知要交 ...

呢樣你講起我又想起, D小朋友上堂唔知係咪真係發夢喎, 因為谷入面成日有家長問D嘢, 阿細話其實老師上堂有講, 但同學仔又唔知點解好似無聽過咁, 好神奇。

little_yolky

palmchristy 發表於 17-3-15 10:10
呢個好似係一個好的循環.

只係擔心小朋友會唔會俾好大壓力自己? 另外萬一有日個循環破左, 例如某次唔知點 ...

唔............只係某「一」次, 應該問題唔會好大吧, 點會因為一次半次影響埋自信。尤其去到高小, 自己衰D乜而影響該次成績, 佢哋心裡有數的。咪下次努力囉。

little_yolky

YanKanMom 發表於 17-3-15 11:08
唔出奇啊, 我囝正是其中一個上堂發大夢的表表者呢!

咦? 乜真係咁common? 唔怪得要有whatsapp谷既出現啦。好, 今晚返去又搵位入讚下阿細先。雖然佢唔鐘意溫書, 但佢次次都解答到其他家長既提問, 即係佢上當發夢之餘, 耳仔都仲有一半功能聽緊嘢既。

little_yolky

October. 發表於 17-3-15 12:24
如果純粹要自信,又唔至淨係成績好先俾到既, 運動、音樂及其它技能出色的話,都可以令人提高自信心及自我形像 ...

咁又回歸起點。

如果小朋友已經好努力, 自動自覺, 不過, 因為依家求學不是求分數, 係求名次, 同學仔個個阿媽發功輸入強大內功心法, 如此, 你會幫小朋友一把, 輸入你既內功心法, 抑或讓佢自己盡力, 到時乜band就乜band?

little_yolky

hkpapa852 發表於 17-3-15 12:56
其實我覺得有3個層次:
聽到（有留心聽書）,記得（有記住老師教過乜嘢）,識用（識得係做功課, 測考時用番）
...

阿細上堂發夢架..........因為上次家長日班主任講佢上堂成日遊魂 , 不過, 就唔知點解佢聽得到(因為遊魂即無可能留心聽書啦)。班主任都話, 見佢遊魂叫佢起身答問題, 佢又即刻可以回魂答到, 所以無佢符。不過, 佢未去到第3個層次, 有時要我再教一下, mark低個重點。不過都好彩, 講一下佢就明白, 唔似家姐當年, 激到我飛起, 教極都唔識。

little_yolky

Ahbee02 發表於 17-3-15 13:55
我都甘認為。讀書係靠平時，吾係考試時靠父母去谷，去幫溫書。
但我又有D矛盾，一方面係孩子某些科目基礎沒 ...

個人意見而已。
1. 某些科目基礎沒有打好, 當然要打返好。
2. 呈分呢, 真係要谷一谷了。考完呈三先放手啦。

little_yolky

Ahbee02 發表於 17-3-15 14:27
我問返自己，可吾可以接受阿女入吾到B1，答案係可以。所以，有時我好矛盾，甘需吾需要谷呢？ ...

我個最大既問題老師都話係穩定性不足。佢穩定時係B1B, 唔穩定係B1C, 如果谷一谷+上穩定可以上B1A應該無問題。所以, 我依家只係諗保持穩定性, 抑或谷上B1A而已。因為, 我target間學校係B1C, 佢target間學校係B1A。

little_yolky

Ahbee02 發表於 17-3-15 14:42
你阿細個腦裡邊裝左天線嘎！我個細既都係甘，佢地係有本事一心二用，個腦同時處理吸收吾同野。 ...

即係好似當年李國章咁, 响立法會一邊玩手機, 但又聽到議員講D乜.........但最後都係要俾人鬧。

little_yolky

wan_sosin 發表於 17-3-15 13:27
到底老師口中嘅遊魂，是否判斷準確？老師總是覺得學生眼定定望實老師，先叫留心！其實四圍望唔等於對耳仔 ...

你講開呢樣嘢, 我又記起, 阿細同我有個共同點, 係發夢時人哋以為我諗緊嘢, 諗緊嘢時人哋以為我發夢。我都唔知點解人哋會有咁既誤解。有次, 陪阿細做功課, 佢揸住枝筆發呆, 俾我鬧咗佢一餐, 原來佢响度諗緊條數點計, 俾佢鬧返轉頭。

不過, 抄寫時揸住枝筆發呆就肯定係遊魂, 因為抄寫唔駛用腦既。

little_yolky

palmchristy 發表於 17-3-15 15:33
如果講進步, 咁會唔會一開始等個小朋友靠自己考出一個普通成績, 然後再引導佢地進步, 從而令佢一直保持進 ...

真係失禮晒, 我C6係用呢招。我哋自小一放手, 你知啦, 邊有人咁沙泡, 所以, 阿大當年個成績肯定係好極有限。佢小一考個28返嚟, C6話好丫, 年廿八, 洗邋遢。阿女你年年考廿八就得, 三十都無所謂, 你有二十八名既進步空間, 好輕鬆, 做人唔好咁辛苦, 年年考第一好大壓力既。到二年班, 因為個數學老師教得唔好(仲要連續兩年係佢教), 數學持續低迷, 考試仲驚現45！我哋沉著應戰, 一邊努力協助提升強項：即睇多D書。佢下學期都叫收復失地。
之後, 好彩三年級數學換咗個科主任教, 真係唔一樣, 解釋得好清楚, 咁佢就無咁憎數學, 各科亦持續地進步。可能, C6個諗法係啱既都唔定。

little_yolky

wan_sosin 發表於 17-3-15 14:39
你期望小朋友一心一意，但小朋友本質天生的。只係盡量在本質下揾方法做得好些。
有社工同我傾過我仔多心嘅 ...

咁你囝囝有無試過寫兩版抄寫做咗45分鐘? 成日行來行去攞擦膠、攞筆刨? 你點應付?


佢好離奇既, 如果當日功課好易做又唔多, 佢係做得勁快靚正既。但一有唔識, 佢就會click住响度, 唔會先做簡單果D先, 係都要諗到先會繼續, 已經話過好多次了。測考又係咁, 如果中途遇到唔識既, 佢會無晒心機, 唔會鬥志頑強, 專心做好其他, 份卷就唔駛恨, 無眼睇。

little_yolky

wan_sosin 發表於 17-3-15 17:18
我隻仔好快手，因為佢個人好心急，甚少拖慢嚟做，但因為太快就好易錯，我最近經常提佢要慢D做準確D.
你細 ...

你講到阿細對自己有要求, 我又諗起一樣嘢。
上個禮拜, 阿大唱校際, 我直頭叫佢早退幫佢開聲。咁難得, 因為係小息, 我就事先約好阿妹响學校門口見。但等咗10分鐘都唔見人, C6話緊係掛住玩唔記得約咗我。我心裡納悶, 因為阿細最愛媽媽, 無理由既。咁我叫阿大上課室搵佢, 同佢講媽媽要走喇。之後, 好彩家姐個同學走過嚟同我講：XX上課室搵妹妹都無用喇, 原來佢俾副校捉咗走罰企。


咁我走過去罰企區, 見到阿細响度喊。原來佢落堂好開心, 即刻跑落樓梯諗住見媽咪, 但好衰唔衰去到操場俾副校見到, 話佢跑, 罰企！佢喊得好可憐。副校唔識我, 見到我攬住佢, 問我：佢喊呀? 我就用好凶既眼神同佢講：係呀, 我哋約好响門口見, 所以佢一落堂就行快兩步想落嚟見媽咪呀, 唔係玩呀！


最堅係, 原來阿細個位係見到我, 但佢故意呢埋, 唔俾我見到, 然後自己喊, 話唔想俾媽咪見到佢俾人罰企, 真係吹脹。我叫佢下次如果再有咁情況, 要大叫媽咪, 等媽咪去救佢。

little_yolky

2jkidsfather 發表於 17-3-16 08:58
"應否幫小學生取得好成績?"
應該。為何要看他/她在小學階段便承受大挫折?中學生都未必能承受。 ...

如果以現時既標準, 初小成績90至係達標, 95至係好, 95以上至可以令父母開心, 咁, 我又唔覺得小朋友沒有「好成績」會有大挫折喎。小朋友可能有某D問題, 如果溫完書都係得7X, 甚至6X, 父母唔覺得佢哋有問題, 咁小朋友其實大部份都唔會感受挫折的。小朋友最大既挫折係, 已經有95, 但係阿媽要求科科96, 否則會被鬧, 咁, 佢就算係全級最高分, 都肯定有挫折了。

little_yolky

IloveJJ 發表於 17-3-16 09:27
有一種例外架，就係:自我要求好高既小朋友。
好似我細仔，佢上學期成績好好，今次測驗，佢就自己話:其實第 ...

其實第一次考得好，都唔係幾好，咁我今次如果考得唔好咪弊? <========= 所以我C6有時都講得啱, 起點低D, 個人無咁辛苦, 仲可能攞埋個飛躍進步獎。

little_yolky

shadeslayer 發表於 17-3-16 20:12
本帖最後由 shadeslayer 於 17-3-16 20:12 編輯

轉數快, 獨立思考, 創意, 綜合能力, 溝通好, 對身边事 ...

除咗綜合能力我未見到以外, 阿細有齊你全部講既特徵, 可惜佢係唔肯專心溫書呢, 叫佢學校功課堂做多D功課, 佢就走去畫心意咭, 畫書仔, 永遠都唔會將個精神放响學科上面。