求救，有關banding問題

little_yolky

Omerkion 發表於 17-4-11 09:24
我仔讀培正小學，昨日學校家長會通知我仔係band3頭學生，想請問學校公布之排位是否即是教統局既排位？因為 ...

你係培正小, 情況同其他小學唔一樣, 老師俾既banding應該係好準確。

因為, 雖然一般小學banding靠估算, 但因為培正好特別, 收返極大量培小學生, 學生banding教育局唔會俾小學, 但中學會知道, 中學無理由唔過料俾小學部, 所以, 培正小學老師應該掌握學生banding數據好準確, 唔係靠估。大抽獎你都係主力揀B2尾甚至B3頭, 最多叩門試下叩返培正, 因為我知道培正叩門都係只收培小學生。

little_yolky

Omerkion 發表於 17-4-12 10:28
有參加特異功能呀，但要等放榜日先知收唔收

聽樓上#12咁講, 你只差6名就B2, 因為今年會用2016 pre-s1新數據, 學校暫時係無新數據, 而你差咁少, 又有咁多培小同學仔考到神校, 可能除咗佢哋好神之外, 舊年個pre-s1好咗, 咁希望可以拉高小小個百份比, 如果拉得入B2, 就可以靠運氣抽直屬位了, 唯有一試乙一搏一搏, 反正如果你搏唔到, either係B3生或no.唔靚B2生, 咁抽B2頭學校都有D危, 你再問下學校老師搏唔搏得過, 但你乙二、乙三、乙四就要揀得慎重D了。

不過, 都要注意可能只係個別同學仔pre-s1考得好, 個對應分令今年相對名次既同學全港位置高咗, 所以神咗。但整體平均個百份比唔一定有明顯既改變。


你有特異功能, 仲可以叩門睇下有無機。天佑。

little_yolky

CheungAA 發表於 17-4-11 09:50
微調後是升是降, 無人答到你, 太多外在因素影響. 其實B2或B3生, 最好在自行階段了段. 如在自行階段太進取,  ...

培正小學既學生, 正常唔係想跳船, 都一定自行揀培正, 唔小心自行俾外校收咗, 大抽獎就無機了。

而且, 培正同其他B1校唔一樣, 佢哋收返大量B2生, 所以B2/B3生入到去, 都唔會喊足六年, 因為都係小學班同學仔, 唔會有人俾面色你睇的。樓主小朋友可能呈二前都係B2生, 所以一定係搏原校升。就算B3生, 都會諗搏呈三有進步。

little_yolky

Omerkion 發表於 17-4-13 12:19
正想填九龍塘中學

請問各位有什麼意見？因我還考慮另外幾間中學

你真係人生交叉點！

你仔仔個case我噚晚諗咗好耐...............如果最後佢係B2, 咁其實有機會入返自己學校, 因為, 真係只差幾個位, 又要係單數年。但如果揀咗乙一培中, 乙二就必須要揀B3校了, 林大輝如果收咗都會係一個好選擇, 林大輝班仔係活潑D既。如果直係放棄培中, 可能有機會執雞入到B2校都未定。所以, 真係要睇你乙一放唔放培中。


BTW, 你揀既何官、胡兆熾、陳喇都係B2熱門, 如果真係B3生, 就揀一間搏下好喇, 如果乙一揀培中, 就一間都唔好搏了, 仲有陳喇係英中, 阿仔英文唔好就唔好揀了。九龍塘中學、基道成績都唔錯, B2中尾生都好鐘意揀, 可能真係要搵返D B3學校考慮下了。


揀乜學校之前, 你要先決定放唔放棄培中！

little_yolky

yvon 發表於 17-4-12 19:49
不明白甚麼雙數年, banding再執位?  246都可能是B2?

因為只有雙數年(例如2016升中)既小朋友要考pre-s1, 計banding係用兩年既pre-s1數據, 所以, 雙數年升中既小朋友用既數據同對上一年單數年既師兄師姐係一樣, 易估得準確D。單數年則會用對上一年小六生既pre-s1數據(即今年2017會用2014及2016兩年數據), 因為有新數據, 可升可跌, 就算一向穩陣既一線學校, 對於邊緣人嚟講都有好大影響, 可以係救命索, 亦可以係攞命藤。

little_yolky

hkpapa852 發表於 17-4-13 13:35
最重要係, 即使學校既師兄姊Pre-S1成績有進步, 但唔知同區其它人成績是否也一樣進步, 甚至更加大進.

另外, ...

所以都係靠搏。
如果搏到就有機會抽直屬位, 但搏唔到就無機會執雞入B2學校, 可能好既B3學校都無乜位了。

無端端又整多間學校入嚟KLN3, 我諗到阿女時要更保守了。

little_yolky

hkpapa852 發表於 17-4-13 14:56
新加入既學校, 到低係小池大魚, 定係大池大魚都未有人知...... 不過間學校自己應有概念
...

我已經同阿女講小心D, 小四開始計成績, 上學期佢跌咗, 喊到眼都腫埋。

little_yolky

Omerkion 發表於 17-4-13 15:27
好感激你詳細分析，但上次培小已告訴我係屬於babd3學生，仲教我地band3既學生乙二唔好揀培中，但乙一就冇 ...

培小學生乙二當然唔應該揀培中, 揀都揀乙一啦。
都係果句, 要睇你搏唔搏, 到最後如果真係B3升唔到, 就用唔到個直屬額, 就要直入乙二, 但其他B3學生乙一已經填B2執雞, 你就無得執, 所以乙二你要直接填B3學校了。但可能你一直都無諗過仔仔係B3, 所以完全無了解過區內B3學校既校風, 所以你要考慮一下乙二點揀。或者直接放棄直屬位, 乙一就揀間無咁熱門既B2, 甚至校風好既B3。