呈一派了卷，心情好似天氣一樣，灰爆

little_yolky

熱媽 發表於 18-6-7 15:01
中作失咗手，拉低了中文科。暑假都唔敢去玩！

唔好嚇我啦, 我今日先考中作, 下個禮拜先呈分呀。

little_yolky

熱媽 發表於 18-6-7 15:38
全科派晒，本身唔差的，但中作失咗手，就馬上低了一級。唉！

阿大剛剛放學返嚟, 我噚晚同佢溫中作, 俾我捉中咗題目, 好彩有教佢點作, 佢之前仲大支嘢話唔會作果題。


P.S. 我雖然 tip 中作文題目, 但我唔係補習天王。

little_yolky

熱媽 發表於 18-6-7 16:53
你就好啦，我地作文佔40%，陰公

吓? 40%咁甘? 咁...........扣得好杰嗎?

little_yolky

熱媽 發表於 18-6-7 17:17
點解你地咁叻，可以估中出咩題目？我真係無呢個能力！一D幫唔到個女

經過我年年月月既觀察同分析, 我哋學校一般作文考試都係作返學期內作過既大概題目。咁, 咪估囉。作文最緊要個大綱啫, 個框無錯, 就起碼唔會離題丫嘛。阿細小一時, 我都估中過英作題目了。

little_yolky

IloveJJ 發表於 18-6-7 17:23
噢，我仔試過，即係變了7字頭。老師講明，呢個最重要。
唉！聽到你咁講，攪到我都好緊張添!
...

真係好慘.................

little_yolky

IloveJJ 發表於 18-6-7 17:23
我哋學校就唔係啦！係作無作過既題目的。只能估係咩文。

題目緊係唔一樣, 但大同小異。例如上學期作過「如果我還有三天光明」, 考試考「如果我還有三天生命」。分析返佢學期內作既文章有咩問題, 點樣可以作得更好更有把握就得。今次真係大步lam過。

little_yolky

nicolemummy 發表於 18-6-7 17:31
我個個小六時最後一篇作文都係差唔多既題目。睇黎係小六特定Syllabus.
...

我阿女係小五..................

little_yolky

kawaii1128 發表於 18-6-7 17:34
呈一係定海神針............

現階段, 重點係要安慰樓主, 等佢有返色彩..............

little_yolky

IloveJJ 發表於 18-6-7 17:25
我仔上學期就係咁，A變B

其實, 就自我 tip 中題目, 阿女篇作文, 都只係會得80分或多少少, 佢哋老師俾分好鬼手緊。有一次, 作篇應用文, 同老師篇model answer 九成似, 都係得87分....................

little_yolky

瑩希媽媽 發表於 18-6-7 17:45
你咁西利，阿女今次無失手啦

佢下學期跌晒watt, 依家先要保住個江山先。

暑假之後, 呈二再一決雌雄。

little_yolky

瑩希媽媽 發表於 18-6-7 17:53
咁你要出手幫下佢啦，希望你女呈一順順利利

C6依家做緊嘢, 真係青春期撞正更年期, 兩個火星撞地球, 希望下個禮拜順順利利。weekend 我同佢溫中文了。因為今日考中作, 阿大個心唔定, 所以我陪佢瞓, 阿妹今朝見到(我陪阿妹瞓著咗然後靜雞雞去阿大度), 流眼淚, 話媽媽唔陪佢。

little_yolky

IloveJJ 發表於 18-6-7 17:57
我哋唔會呀！出好唔同嗰啲

所以咪大鑊, 仲佔40%。

little_yolky

IloveJJ 發表於 18-6-7 17:58
老師有model answer,我真係接受唔到作文有model answer

接受唔到? 有一年阿大個中文老師仲要小朋友背model answer添呀！你話死未。 但問題係, 我同你個model anser幾乎一樣, 點解得87分先！

little_yolky

IloveJJ 發表於 18-6-7 17:58
都係架!
不過考真正功力，唔係好過考背書讀書嗎？

但係一離題或有少少失誤, 就真係無仇報了。

little_yolky

IloveJJ 發表於 18-6-7 18:00
你老公做返野啦？咁即係無人睇佢哋晏晝?咁你唔好做啦！橫掂你咁鐘意做家務
...

C6做緊嘢=開工同阿女溫書。

little_yolky

瑩希媽媽 發表於 18-6-7 18:01
本帖最後由 瑩希媽媽 於 18-6-7 18:01 編輯

解釋返俾阿妹聽，阿妹應該接受，細果個好易呷醋咖，其實你 ...

咪係囉, 非常時期丫嘛。不過阿妹都明白的, 佢都好乖。

little_yolky

kirstyau 發表於 18-6-7 17:38
呈分唔係呀！ 50% 40% 5% 5%

咁........即係作文係50定40?

little_yolky

kirstyau 發表於 18-6-7 18:08
40

咁熱媽都唔駛咁傷心, 比重少D。

little_yolky

MrBeast 發表於 18-6-8 05:59
吓，個原意唔係不會一試定生死？真是比教局玩死

唔係咁既, 三次分收係累積的, 唔係某一次重要D。不過, 呈一考得好, 小朋友同家長個心會定D, 心理質素好D, 面對呈二呈三會從容D。而且, 好多時, 報直資都係只有呈一, 咁呈一相對就重要。至於自行, 就用呈一、呈二成績, 所以話呈一呈二重要就咁解。而大抽奬有運氣成份, 呈三只要唔跌band就得, 所以相對壓力無咁大。

little_yolky

cosyfook 發表於 18-6-11 16:34
今日第一日考，亞囡返嚟話有DD唔識，我未派卷就已經灰爆，個心好噏好噏，根本控制唔到自己咁緊張
...

過去咁既情況, 我係會一股作氣, 繼續鼓勵阿女向前衝.................派卷至同佢秋後算帳！！！