新聞透視：「不快樂童年」

little_yolky

elizatyy 發表於 14-3-5 19:16
BB3, 4個大就返playgroup, 未夠2歲就要interview Nursury, 入到KG就要測驗考試、5歲去in 10間小學、到小學 ...

幾搞笑, 囡囡芭蕾playgroup同學仔個妹妹in幼稚園, 問佢香港特首係邊個。真係死未。

little_yolky

ha8mo 發表於 14-3-6 14:51
二線先至得人驚喎

搵D擺明hea的啦

有時都唔可以保證！

我朋友揀小學時知自己囝囝唔專心有special need, 所以搵間15分都入到0既愛心二線hea學校。如願順利入讀。點知入去小一時, 校長退休, 換咗新校長變咗進取型, 依家佢連份工都辭埋帶住兩個細路, 日日係咁 "神"。

little_yolky

5tgb 發表於 14-3-12 13:34
回覆 awah112 的帖子

我由此至终都是支持多元學習，努力提升學習興趣。討論區內不是每件事都要親身經歷過 ...

未看過本書, 就不可以寫書評了。

每個節目, 每本書, 每個科學實驗都有自己預設既立場, 從預設立場中看清事實的真相, 就係知識份子的責任了。贊成劇中那位係好爸爸, 但係做家長真係要學, 沒有生下小孩就識做家長的。如果係我既情況, 幫小朋友減壓, 我唔會買玩具, 我會帶佢去公園玩半日。

little_yolky

Obiepapa 發表於 14-3-11 19:56
其實大部分小學都甘谷嗎？應該不大谷的津校還有很多吧。

官津學校唔谷的真係唔多了。

例如, Band 1濳質的小朋友入咗Band 2學校, 當然唔會覺得谷。但係又有幾多係咁。我家姐前年好努力咁响同區周圍搵學校, 因為覺得自己阿囝唔係讀書既料, 所以想搵一間唔駛叩門15分都入既愛心學校。去年9月讀小一至今一個學期, 學校話愛心愉快教學, 但係上學期考完試家長日, 當住小朋友面前話佢點樣點樣唔掂, 其實都只係肥咗一科中文而已, 其他都合格, 數學仲唔錯添。主要係因為說好既考試範圍同真實有出入, 例如話考第5-10課, 但原來之前1-4課都要考埋, 咁5-10課題目全部識做, 課外題或範圍外無溫果啲就死咗。學校又請包尾的一批家長上堂, 教佢哋點樣為小朋友準備考試。佢小朋友唔生事, 但係被欺凌, 成日被男同學搶茶點, 整跌, 整爛文具, 家姐同老師反映, 老師又無理無跟進。小朋友依家好無自信, 你話做家長仲有咩辦法, 揀學校時只可以睇到表面, 又無讀過, 同真實真係有距離。對於遲熟的男孩子而言, 好多學校都係谷了。唉！

little_yolky

JJDBB 發表於 14-3-17 11:40
我們個区，二線小學谷喎，反而我囡自己小學學得開心，又有聯系中学；我自己選這間，知佢5太谷，升中有少少 ...

我好想同你扼扼手。我又係揀咗間唔谷又有聯繫中學0既學校俾阿囡。校長話, 一般聯繫中學都會收番小學揀佢哋的學生, 都未用晒啲quota(因為 "人望高處", 成績標青的去咗高處), 所以我都好老定。阿囡so far小一下學期, 仲笑騎騎咁做功課同返學, 又有時間學自己的興趣, 都so far so good。

至於我自己呢, 係高調型, 阿囡成績唔係好, 中游咁啦, 無得俾我高調, 咁我就日日諗般若經冷靜下自己。

little_yolky

JJDBB 發表於 14-3-21 16:49
我囡都讀得好開心同樣樣都有信心。

我囡囡雖然讀得好開心, 但無乜信心喎 可能係因為11月底細B原故。

little_yolky

momama 發表於 14-3-24 21:58
阿女就係管理唔到自己！如我跟足佢做功課讀書係可以有好成績，但我寧願由得佢錯由得佢用自己嘅方法，成績一 ...

你幫佢剪短啲頭髮可以凶少一樣

little_yolky

bartsimpson0317 發表於 14-3-25 23:16
快樂的童年。好多失敗的成年。

其實我都好掙扎, 是不是要有快樂的童年呢? 但越快樂越墜落, 長大以後他們用什麼跟別人競爭呢? 小時唔讀書, 大時做運輸, 但係到佢哋大咗能吃得了苦嗎? 做得了運輸業嗎? 好似自己, 雖然童年成年都唔快樂, 但係起碼有張靚沙紙, 有份工可以保障生活。唉, 真不知道了。

我現在仍堅持放養教育, 但在社會大氣候中隨波逐流, 不知道可以把持到什麼時候, 所以迷域時要常常上blog, 得其他家長的支持, 才能走下去。但一看到像你的留言, 內心又會動搖了。