讀名校也不外如是。

little_yolky

ha8mo 發表於 15-1-5 19:37
我覺得除左個女仔阿媽講野口技低之外，其他任何人同埋學校都冇問題

噤著住校服食嘢係唔係都係D差D嘅學校 <----- 呢句都唔可以話個女仔無問題啦話！！！



連我幼稚園個囡, 都知道講人壞話要細細聲啦, 明顯地, 咁大聲係想講俾人聽到啫。
BTW, 對母子都算好品, 俾我叉咗佢哋好耐。

little_yolky

naughtybj 發表於 15-1-6 15:03
唔係唔應該講人壞話嗎？

細路仔有乜可能唔講是非, 阿邊個邊個同學仔幾曳, 又阿邊個邊個同學仔點唔同佢玩。

有一次幾大鑊, 响小巴度見到芭蕾舞同學仔, 人哋阿媽同阿女打招呼, 坐我哋前面, 點知阿囡細細聲同我講：個女仔好曳既。嚇到我, 幾驚人哋聽到。咪即刻叫佢唔好出聲, 事後同佢講, 唔好咁講人哋, 俾人哋媽咪聽到會好傷心。

little_yolky

hkpapa852 發表於 15-1-6 15:17
如果電梯無話不准飲食, 而我係個男仔個阿媽, 我會同個仔咁講:
阿仔, 學校唔夠好唔定要, 最緊要人品好. 記住 ...

儍既, 教精佢咪即係塞錢入佢袋, 等佢以後都係咁, 撞吓板至好。

little_yolky

MASAYA 發表於 15-1-13 16:47
如果學校係呢個意思，著唔著校服都唔應該餐廳以外地方食野，咁校規叫同學唔好著校服0係街食野，反而學校顯 ...

唔係只為校譽的, 係教禮儀。

記得小學時, 學校超級嚴, 當然著住校服唔俾响街食嘢係指定動作。有一次早會, 校長開咪鬧人, 話响街食嘢, 食到滿口肥油, 汚糟邋遢, 當然都有講D汁滴到件校服汚糟晒。以前既人, 外出衣服整潔好重要, 我阿爸好少鬧人, 但有一次無熨校服, 校服有D皺, 俾佢鬧到狗血淋頭。你唔好同我bargain話食面包無汁, 總之校規一定係為求管理方便, 一刀切。至於無著校服响街食嘢, 就唔係學校管到既範圍, 係阿媽管理既範圍喇。不過, 我估唔到, 依家30年後都仲有呢D校規。


我老公都話响街一邊行一邊食嘢唔好睇, 要坐定定响公園食就得。佢好老土

little_yolky

MASAYA 發表於 15-2-5 12:26
原意係教禮儀，但一件事點解要分著校服同冇著校服去教？
著校服唔好打尖

分別係呢D無禮儀既嘢, 你著住校服做會影衰埋學校

名校效應你近日咪响另一帖見識到囉


BTW, 男仔真係唔多考慮禮儀的, 女仔會姿整D

little_yolky

MASAYA 發表於 15-2-5 12:34
所以我咪話學校咁規定似係為校譽多過教禮儀囉，我先咁回你之嘛

我諗兩樣都有既