考直資:培基/崇真/滙基(匯基)東九龍/赤柱聖士提反St Stephen

little_yolky

小時了了 發表於 17-2-1 17:46
樓主校網北區重災區幼稚園, 小學及中學都極之唔夠學位, Band 1 好多時派去 B 2 中中. 直資 B 2 都係英中,  ...

此時此刻, 你係唔會明白神既決定, 我都要過咗廿幾年, 至明白當日神既安排！

另一方面, 直資面試同官津自行唔一樣, 佢哋面試比重大D, 你都了解囡囡易緊張, 而且, 好多時點解人哋B2有位, 可能係小朋友面試叻之餘, 佢哋學校出名, 中學對該小學既學生較有信心, 所以自然較優勝。

little_yolky

總之：

謀事在人, 成事在天！

little_yolky

小時了了 發表於 17-2-2 15:38
就係前年係 EK 識嘅同阿女同校嘅網友PM同我講佢仔仔全級約50名培基最後階段通知佢收佢. 而阿女講佢學校舊年 ...

前年同舊年, 學童少, 呢點係重中之重, 要計算入內。到我女既時候, 真係in都無得in。

再者, 你睇下培基分得咁多輪收生, 即係有唔少人唔要offer, 機會仍然存在。如果阿女好鐘意, 叫佢唔好咁hea, 要繼續努力, 考好呈三同畢業試, 去叩門。個心散咗好難收得返。依家有一鳥在手, 要努力但無壓力, 放鬆心情去衝, 至係最高境界既表現。


要睇阿女肯唔肯去努力, 要睇佢有幾鐘意培基！都係果句, 謀事在人, 成事在天！

little_yolky

AABBCCabcabc123 發表於 17-3-13 11:31
多謝 wongkaka, 李國寶面試日期是4月8日, 這日期剛好是我女兒小學的遊學團的時段. 不讓她去遊學團, 肯定她 ...

六年班咁大個女, 應該識諗了吧。我女女之前只係三年級, 為準備校際音樂節, 二個月唔食凍嘢, 煎炸嘢養聲, 比賽咁小事小朋友都識注意, 何況升中? 茲事體大。

little_yolky

hkpapa852 發表於 17-3-13 15:50
有心想做既事, 就算再困難, 總有方法去完成; 無心想做既事, 就算再容易, 都有幾萬個理由唔去做

如果阿女覺 ...

最擔心就係小朋友唔係對學校無興趣, 而係根本無著緊自己個升中, 呢個先係最弊。

little_yolky

mcl203 發表於 17-3-13 16:17
從小同仔女講...佢地明唔明乜叫做中學...

大女~無咁聰明
我：讀書係你自己架, 唔好旨意媽咪幫你乜嘢。功課自己做、書自己溫、書包自己執、手冊自己check, 媽咪係幫你簽名咋。有咩做得唔好, 你自己同老師解釋呀。
(大女真係好上心, 由小一樣樣做到足)


細女~聰明好多
(以上相同說話同細女講)
細女：哦。(然後繼續玩)

little_yolky

hkpapa852 發表於 17-3-13 17:34
幫佢地定目標要用D"方法"既

帶埋佢地去D目標中學同非目標中學去睇吓(最緊要揀D校舍/設施之類既嘢一睇就已 ...

咁真係好彩我大女老實啫。我先帶咗佢去非目標聯繫中學A參觀, 你知啦, 又大又靚。後來睇咗另一間目標中學B好細, 佢就話：媽咪, 之後睇既學校有無大過A校架。

好彩, 講咗俾佢知A校成績之後, 帶佢去睇C, D, E中學, 雖然無A校咁大咁靚, 但佢都老老實實定咗正確既目標啫。

little_yolky

IloveJJ 發表於 17-3-14 09:01
你可以咁講既，但你無可能樣樣小事都要罰得好重架!而且如果係女仔，佢哋一般係唔需要罰得重，只係話下佢已 ...

唔係架, 我細女都係咁架, 佢唔係個名叫 "細女" , 佢真係女仔嚟架。

我已經罰得好重, 拍枱拍到自己隻手傷咗, 睇咗兩日鐵打。但佢到下次, 真係又係玩咗先架。

little_yolky

greentea000 發表於 17-3-13 22:34
又估唔到你係咁評價兩個女聽話係無咁聰明，唔受教係聰明好多

咁聽話果個係無咁聰明丫嘛, 不過, 你指條路佢, 佢就唔會行歪, 會好努力咁完成。

至於細果個, 一識行就開始整蠱人, 教新嘢一點就明, 仲好鐘意試新嘢, 不過, 係唔聽你講, 要自己試之嘛。

little_yolky

IloveJJ 發表於 17-3-14 11:23
我知，我咪成日話你女係「仔」性格囉！
我呢，大仔就係仔性格，即係好粗心大意好快唔記得教訓嗰種，好處係 ...

原來你大仔性格似我細女, 細仔性格似我大女。係呀, 鬧完佢轉個頭又好開心架。大女好小氣架。

little_yolky

greentea000 發表於 17-3-14 22:29
我而家會好留意家族中乖巧又成績好既，以防萬一。呢種類別思想單一，以為人生係一條直路，抗壓低，平時又收 ...

大女..........其實.......條路都唔係好直既。

因為佢係11月底細B, 讀果間幼稚園又大部份係大B, 所以, 能力一開始就拉得好遠。佢有D似姚明, 因為姚明生得高, 成日俾教練擲去高一級練習, 佢因為細過人, 當然差D, 但放返响同齡, 就超晒班。細女有今日既水平, 都追到氣咳架。比賽屢敗屢戰, 總之, 乜嘢都係努力再努力。不過, 佢個抗壓能力係低過妹妹既, 妹妹EQ真係強人嚟, 永遠自我感覺良好型。

little_yolky

小時了了 發表於 17-3-10 22:21
耶和華說：我的意念非同你們的意念；我的道路非同你們的道路。 天怎樣高過地，照樣，我的道路高過你們的道 ...

所以, 都話唔需要擔心, 一切交俾個天。朋友當初問我阿大有乜特異功能考到私小, 我就話係誠心禱告, 佢哋以為我昆佢哋, 其實我已經將重中之重講咗俾佢哋聽。
只要你對天父有信心, 衪必定為你安排最好的。

little_yolky

mcl203 發表於 17-4-10 16:28
始終2-3線直資D註冊學生可以变化好大吖...一間直資有位就連鎖效應...面試完官津又抽飛 ~~~
...

但我又唔明白了, 有D直資比較遲先call waiting, 咁你唔俾返人, 人哋點去B直資註冊?

little_yolky

simbafelix 發表於 17-4-10 21:13
始終直資要交學費，雖然當初報得就預咗要俾，但如果同學們經過自行面試或呈三後有信心入到心儀的官津校， ...

但係唔一定係想抽飛玩大抽獎, 如果人哋call緊waiting, 咁SPCC話收我, 你又話唔俾交咗, 咁想點先?! 同你死過喎。