想問band 3學生叩門有機會去港同？

little_yolky

wacha 發表於 17-1-15 20:11
咁有無收過band 3生？

港同應該係B1成績喎。

little_yolky

mcl203 發表於 17-1-24 12:34
3A生抽到Band 1...理論上3C生同樣有機會派到
唔知直資可否享有相同幸運呢 ~~~

如果B3生入到B1校, 即係該區B1位極充裕, B2都入晒, 又或者部份B1/B2生為咗保住頭3派位選校太保守, 所以派晒B2生都仲有B1校剩, 咁至有B3生可以抽入。

不過, 我真誠地覺得係該B3學生惡夢既開始。

little_yolky

mcl203 發表於 17-1-24 13:31
走左幾多個...又得返幾多個...同直屬派位制度有乜直接關係...除非當年已申請會收B3生 ??
直屬派位 似乎又 ...

基本上直屬學校都收唔返晒所有B2生, 用自行位收B3生, 咁, 對B2生公平嗎?

little_yolky

王家爸爸 發表於 17-1-24 13:49
B3生可以入到B1校既勵志故事，雖然動聽，但係要再續故事一啲都唔容易。

始終, 公主同王子結婚之後, 過住幸福快樂既生活都係呃人既, 响埋一齊之後, 仲有大把嘢要適應。

little_yolky

mcl203 發表於 17-1-24 15:24
講吓啫...我都唔知架 ~~~

只係估估吓有D直屬中學都會收小學部學生多於直屬位...無乜途徑可以清楚學校係如 ...

聽講好多時自行會收一部份叻既B1生, 因為怕佢哋叻, 所以俾其他學校收咗, 另外仲有叩門位。直屬位只有乙部的85%, 都唔係好多下, 無理由收得晒B1+B2吧。

little_yolky

duckduckQ 發表於 17-1-24 23:25
咁我就唔明，因為我無大抽獎，我正係知當日放鎊佢開心到喊。

唉吔, 即係果個同學本身係B2 (maybe B2尾), 老師認為佢係B3頭囉, 因為老師個banding其實都係估估下, 有機會有少少出入, 咁佢係邊緣人, 實情係B2, 咁直屬咪有機會抽入囉！

仲有, 大抽奬無分ABC, 所以唔會話B3A有機會入, B3C無機會入。所以果位同學可能係B2C, 但入到, 另一位B2A既同學入唔到都有可能。

little_yolky

judy 發表於 17-1-25 10:25
其實，band2生最難填表，band3生反而無所謂，第一志願填band1又有咩所謂。

小六生，讀得六年書仔，咁快 ...

唔得架judy, 有D Band 3學校老師都好俾心機教, 校風都仲可以的, 所以B3生要揀呢類學校, 如果胡亂填表, 直插入B3C中學, 學壞咗就死喇。

如果你見識過真正B3生既成績, 就唔會話入到B1學校俾心機都追到。佢就係讀咗六年都無心機所以做B3, 或者讀咗六年都讀唔通, 所以做B3。B3生一定要慢慢嚟, 先可以追返上去架, 入B1學校真係幾難追的。

little_yolky

judy 發表於 17-1-25 11:09
B1C、B2A係最難。

以家長的定義，一個區通常只有幾家band1、幾家band2，然後是band3。

會的。

如果你係一名死黑仔B1生, 只填滿晒B1學校, 而好肯定全港18區都無一區係有30間B1學校的, 所以, 如果你堅持唔填B2學校, 只填B1, 而該區實情係B1位少於B1生, 就算係只少一個位都好, 因為你係死黑仔, 咁, 你表入面所有既B1學校輪到你攪珠時已經全部full晒, 如此, 你就會等到最後一位B3生抽完, 有位剩至是旦派個有剩位既學校俾你, 就入B3了, 明白未? 所以, 就算係B1生, 都要填B2學校。

little_yolky

lovebb2 發表於 17-1-25 15:32
b3生入b1校, 追得到的 如果有毅力, 但有幾多人有?

即係, 呢個世界有幾多凱特皇妃................

little_yolky

judy 發表於 17-1-25 16:01
一定唔會，你理解唔到而已。

香港唔係好多區有足夠B1位, 部份B1校又只能填乙一才有機會, 所以, B1生一定要填完B1校再填B2校, 至可以保證唔入B3學校, 唔可以認為自己係B1就只填B1校。

little_yolky

judy 發表於 17-1-25 11:53
唔笨就得啦。較難長時間集中精神，只佔少數吧。

至於無咁俾心機、貪玩等，小朋友個個都係啦。開竅早同晚 ...

B3生要考直資學校是多麼的難。你以為香港的直資banding區分唔明顯? 再明顯不過了, 比官津更明顯, 因為他們可以揀學生。
有時, B1同B3唔係70分同90分既分別, 可能係90分同唔合格既分別。你講得啱, 個個小朋友都鐘意玩, 點解有D係B1, 有D係B3, 一定有其他客觀既原因, 如果隻隻千里馬都可以遇到百樂當然好, 可惜千里馬易得, 但百樂難求啊。

little_yolky

王家爸爸 發表於 17-1-25 16:37
其實直資banding區分唔明顯又係另一個經常發生既誤會。原因係啲人揸住舊資料，唔知道情況有變，例 ...

其實間間學校都有banding, banding即係level, 學校集中水平接近既同學仔教, 咁會效果好好多。所以, 話港同有B3生, 我唔多信, 咁多B1生去考, 就算個B3生咀巴叻到曉飛, 都無可能收。又如話聖道迦南好多B1生讀, 一樣無乜可能, B1生响九龍城咁多學校揀, 無理由俾錢讀B2校。

little_yolky

Fanny_ma 發表於 17-1-25 17:25
個人觀感;聖道迦南好hardsell

各有各喜好, 始終有家長覺得好適合自己小朋友。

little_yolky

王家爸爸 發表於 17-1-25 17:34
我估係年代唔同，B3我唔知道，但係四、五年前，的確有聽過B2C左右入咗。我估當時港同係B2，收B2生好正常。 ...

所以一D presentation比較叻既小朋友考直資會著數好多。