送飯去學校/學校飯盒

little_yolky

王家爸爸 發表於 14-8-9 01:52
我仔學校轉過3間飯商，都好差

我哋學校想投標供應商, 每間要整幾樣餸出嚟, 學校就選一批同學老師打分, 所以啲飯幾好食, 仲要有A, B, C, D餐, 其中話明D餐份量較少, 適合細食同學。

little_yolky

siujanjan 發表於 14-8-11 10:09
原本諗住訂飯, 聽完大家咁講又有D擔心

如果小朋友帶保溫壺, 其他同學食學校飯盒, 佢會唔會唔想呢? 會唔會 ...

我就係咁慘, 阿女升小一個暑假, 預備朝朝5:00起身整日式便當佢帶返學, 係咁刨書+練習, 操咗一個暑假, 開學第一個月怕阿女多嘢拎, 唔習慣, 所以訂咗一個月飯, 點知阿女話：媽咪, 你唔好辛苦啦, 我訂飯同同學仔一齊食就得喇。我練咗咁耐真係好傷心。

little_yolky

clly 發表於 14-8-13 20:42
阿女好孝順或者1個月訂飯，1個月帶飯，咁你就可以有得發揮！

佢想同同學仔一齊食, 食咗一年食到肥施大隻

little_yolky

siujanjan 發表於 14-8-14 12:16
你好有心機呀
我諗住D餸煮飯時一齊蒸埋咋... 簡單快捷

因為係日式便當, 所以要神咁早起身即日煮, 然後最大問題係要攤凍至可以閊蓋, 唔係會臭, 最長時間係cool down。諗住日式便當健康啲, 唔駛好似依家肥施大隻, 睇佢跳芭蕾舞仲點跳得起

little_yolky

LeeCC 發表於 14-8-14 16:06
日式飯盒是否凍食？冬天咪好凍？
有咩菜式可參考下？

係呀, 係凍食的, 一般日本人冬天就會一邊吃一邊飲熱茶。
至於菜式, 以健康為大前題, 一個飯盒分為10分, 迎合中國人的胃口, 小朋友的飯盒應該5份飯、1份肉/蛋白質、1份豆類/堅果類、3份蔬菜, 例如：飯團＋蛋卷1件+烤魚1件+五目豆+車厘茄+水煮西蘭花

如果想肉多啲, 就唔要豆類(雖然豆類好有益), 咁可以：飯+飯素+光波爐烤雞塊+沙律+醃蘿蔔

冬天就想食多啲肉, 咁可以煮薯仔燉肉、築前煮等等又多蔬菜又有肉的料理, 不過因為煮時間耐, 所以要早一晚煮好, 第二天徹底加熱, 再放涼。
我仲學咗好多, 但阿囡要訂飯

因為冬天朝早好凍, 所以冬天時, 我就煮飯俾阿女同老公做早餐(因為老公送阿女坐校車, 所以先至煮埋俾佢食), 例如：味噌湯一小碗、白飯、醃菜/紫菜、荷包蛋/煎三文魚一小塊, 食完個身當堂暖晒, 唔驚10度出去等校車。

little_yolky

momama 發表於 14-8-14 19:25
其實日式飯盒放涼後幾個鐘再食有冇問題？運送要小心？

日本人幾千年都係咁, 佢哋係全世界平均壽命最長的國家。

little_yolky

pinkdoll 發表於 14-8-25 16:55
用曲奇模CUT啲圖案出嚟(E.G用 蘿蔔, 橙籠椒, 蛋皮等等), 然後將圖型放咗飯面/餸面, 小朋友已經會好開心. : ...

係呀, 我平日煎隻荷包蛋, 用個心型模, 佢已經開心到跳下跳下。

little_yolky

pinkdoll 發表於 14-8-25 16:49
如果太辛苦, 唔好日日整造型飯團, 有時整平面造型, 一樣好靚架.

係普通造型而已, 因為要放涼, 所以先徙時間。有一次, 佢同我講, 要個公主造型便當, 我問佢係唔係儍咗。