教女教到好沮喪

little_yolky

mlca1314 發表於 15-4-15 01:54
呢輪敎女數學教到好沮喪，教極都話吾明吾識，唉～～～

你教到沮喪都已經好溫柔敦厚了, 我教到火滾。

噚晚有條文字題, 題目開頭已經話超市買兩件貨平$2。咁阿媽買咗兩件, 問要俾幾多錢。佢唔記得減兩蚊。我已經唔出聲, 用筆劃住「買兩件貨平$2」, 再响題目度打交叉表示計錯咗, 咁佢望下, 跟手就問：即係點計呀。即時扯火, 腦都唔用, 鬧咗兩句, 即刻識計, 仲要喊晒話我衰, 鬧人, 佢又唔諗下自己唔用腦袋

little_yolky

JJDBB 發表於 15-4-15 10:19
邊有咁易呀，你对住佢地都是從她們身上学習。好多事情，情緒……都要處理。有時，我們自己都未能處理得到自 ...

响孩子身上學習呢句好真, 我近排有一個體會。

話說C6其中一科考試唔合格, 要re-take, 我心裡面已經講咗18個字既粗口, 因為一來嘥時間, 二來又要俾過學費。但老細(都識C6)叫我唔好鬧佢, 安慰下佢啦。咁我放工就買咗個芝士蛋糕。


我家好少吃蛋糕, 細囡見到就問有咩事慶祝。我就回答話：唔係慶祝, 係爸爸考試唔合格, 我哋安慰佢, 鼓勵佢下次努力D, 可以合格。
以上係我盡最大既努力, 諗到安慰人既方法同說話了。


精彩既嚟喇, 大囡即刻話：爸爸上次攞D, 今次攞F, 加埋係E, 所以爸爸係合格既。
我話考試要次次計分, 唔可以拉埋D分計, 所以爸爸今次係唔合格。
其實大囡早就知爸爸唔合格, 諗緊嘢想安慰爸爸, 等佢feel better。
大囡跟住就話：其實爸爸好叻, 因為我哋個個都唔識日文, 得佢一個識, 所以爸爸係好叻既。


我頓時五體投地, 真心誠意地第一次佩服大囡, 點解可以諗得出咁既安慰說話, 居然可以咁溫柔。真係人有唔同既才能, 諗得出讚美人說話既, 仲要係考試唔合格既人, 都真係一種才能。我要好好學習。

little_yolky

MASAYA  今晚再買個蛋糕，拜師啦   發表於 28 秒前


佢個水平實在太高了, 我真係怕我有生之年都學唔會。

little_yolky

nayeliyan 發表於 15-4-15 22:45
教功課真係好辛苦 搞到交係好差 日日教日日罵 ！仲要細妹喺度噪住 完全係癲狂症



  ...

真係辛苦, 好彩我哋妹妹好醒, 見勢色唔對, 即刻閃人, 唔好被殃及池魚。我剩係教數學專科都搞到血壓高, 真係難為要教全科既媽咪。

BTW, 唔知點解, 响EK好少聽聞教小朋友功課教到發顛既爸爸, 各位爸爸可唔可以傳授好脾氣秘技。

little_yolky

媽媽已經拎定花生等睇戲  <====== 呢句好衰




我家爸爸已經被我禁止教阿女功課。話說阿女小一時有TSA數, 教極唔識, 免自己發火, 唔教, 去煮飯。隔一陣, 阿女好開心走嚟同我講：媽咪, 我終於識計喇, 我個答案同爸爸個答案一樣的。我再望一下, 真係發瘟, 計錯數, 爸爸D數學水平同阿囡一樣。

little_yolky

Charlotte_mom 發表於 15-4-16 09:52
我在公司笑左出黎

個女幼稚園時, 有日我約左朋友食飯, 叫隻佬幫我睇佢做 ...

果次慘都爸爸同阿囡左一個, 右一個, 同時要教番佢哋小一TSA。好彩爸爸一講就明, 但阿囡似乎唔多明。結果都係爸爸勝一疇


仲有一次, 小二上學期, 題目話一班小朋友玩兵捉賊, 7個躲埋咗, 5個响外面追跑, 當時一共有幾多小朋友玩, 仲有埋張圖, 阿囡答12個, 咁緊係錯啦, 最經典係爸爸問：乜唔係12個咩, 點解錯！！！！！！！我只有好無奈地答：仲有負責捉人果個細路呢，兩爸囡一齊同聲：係喎！

little_yolky

nofrills 發表於 15-4-16 12:04
題目:一班小朋友玩兵捉賊, 7個躲埋咗, 5個响外面追跑, 當時一共有幾多小朋友玩

我覺得答12個冇問題禾! 5個 ...

反正張圖入面係有13個人, 同埋, 小學跟model answer, 無得講的。

little_yolky

nofrills 發表於 15-4-16 13:43
回覆 little_yolky 的帖子

小二數學題又何必出得咁蠱惑，有時都唔好怪D小朋友唔明。

躲响樹面, 草叢後面, 椅後面等等, 剩係見到條頭髮, 鞋, 衫咁。最攞命咪就係俾埋張圖, 阿囡都以為係裝飾, 無諗過要數囉

little_yolky

魚兒小寶貝 發表於 15-4-16 22:44
男孩女孩天生就有分別架啦，女仔數感冇咁好係好正常既事，當你明白呢點就冇咁激氣啦，唔明就算啦跳左佢，做 ...

其實都係關人既事, 唔關性別事。

家姐：數學教到嘔血, 但其他行為表現100分
阿妹：數學一點就明, 但真係曳到好似隻仔咁, 我從未見過咁曳既女仔。

所以, 天係公平的, 所有細路都要父母教到嘔血, 係睇嘔邊樣。

little_yolky

wan_sosin 發表於 15-4-16 17:08
當家中有兩個相差遠的孩子,就會覺得好難明那個慢一點的發生什麼事,我就是那個慢一點的,我有個超強嘅哥哥,我 ...

見到你經歷, 我諗起我阿妹。

我有兩個妹, 大妹畫畫靚D, 細妹全個小學階段各方面都蠢D。有一次阿妹上堂要畫鴨仔, 佢唔識畫, 老師問佢：家姐識畫鴨仔, 點解你唔識畫。

真係唔知想細路點答佢。阿妹好唔開心。