因為中文科，同個女關係好差

little_yolky

IloveJJ 發表於 17-6-7 10:26
咁中文常識我都係叫佢哋讀完，再同佢默，或者問書啫!我指既外判，係完全唔問唔理。

你大女唔係數學唔得嗎 ...

你大女唔係數學唔得嗎？點解你都叫佢自己溫?唔睇下佢點唔識? <==== 我有跟架, 佢做錯果D如果唔係加減乘除計錯數, 我會解釋架。我哋學校B個分較低, 如果全部B就可以外判, 咁連阿細都唔駛跟了。

little_yolky

simonwan 發表於 17-6-8 04:36
我仔中文閲讀無問題，反而唔知點解，好多字唔識寫！

一至三年級，我主要教佢讀經典啓蒙書，無親自教佢寫 ...

無親自教佢寫字，留翻比學校教，我以爲無問題 <========== 呢D叫「一指錯滿盤皆落索」

英文你個自訂課程可唔可以過兩招嚟參考一下, 我唔多掂。

little_yolky

simonwan 發表於 17-6-8 04:36
我仔中文閲讀無問題，反而唔知點解，好多字唔識寫！

一至三年級，我主要教佢讀經典啓蒙書，無親自教佢寫 ...

最憤怒係中文背默明明教科書入面有古詩詞, 老師硬係唔揀, 係都要揀D不倫不類既白話文, 可能佢哋覺得係長先好, 叫小朋友背咁短, 好似益咗佢哋咁, 點都要背長D既白話文。

little_yolky

judy 發表於 17-6-8 12:37
阿仔每次考試, 總花大量時間寫返詞語.

點解咁慘? 每教完一課記一課咪好D。

little_yolky

simonwan 發表於 17-6-9 00:06
關於教阿仔英文，其實無嘜特別，總之唔跟學校課程就系自定課程

原來我就係差咗你最後果句！

我家請了菲傭, 而且, 佢哋自出娘胎, 要睇電視就一定只可以睇英文台, 阿細細個時想睇電視, 都會同我講：媽咪, 我想學英文。所以, 都叫做主攻聽說。可惜, 我就係無恒常同佢哋伴讀英文書。真係棋差一著！阿細之前學校考試有讀題, 因為佢耳仔好掂, 所以只有默書低分, 其他都OK, 但今年無讀題, 靠自己睇就一下子跌咗好多了。到最後, 都係要多睇書至得。

little_yolky

simonwan 發表於 17-6-9 00:18
初小就教文體、主旨、修詞法、句式。
錯！錯！錯！

什麼六何法, 何佢個死人頭, 根本係用英文方法嚟教。

little_yolky

wan_sosin 發表於 17-6-9 00:46
你所講教錯的，學校考試就是考這些，連文章內容都要考，唔多明白普通一篇文章，為何要記得內容。
作文其中 ...

咁應用文又真係要有特定格式既................

我哋學校咁古老但中文都唔會考課文內容, 不供詞填充填得啱都算啱。所以難怪我哋學校學生中文比較好。

little_yolky

wan_sosin 發表於 17-6-9 10:20
應用文當然要記格式，但是否要小二，小三就要學呢?學唔緊要，是否要去考呢?10歲未夠的小朋友，唔識應用文 ...

當然知道係關TSA事。不過, 因為阿細佢成日寫信、寫便條俾我, 成日練習, 所以佢應用文D格式好熟, 佢係寓學習於日常生活。
我又咁睇, 應用文有得跟, 一般格式啱, 內容無漏, 都唔會低分唔會離題, 搶分呀。

little_yolky

wan_sosin 發表於 17-6-9 10:23
中學學嘅文章，點同小學，小學文章內容通常是同日常生活有關，要記得文中呀小明同那個親戚去沙灘玩，係沒 ...

點解你哋學校要考課文內容咁神奇。

little_yolky

wan_sosin 發表於 17-6-9 10:33
所以話你兩個女好正囉，有幾多個小朋友會用正規格式寫信比家人?
甚至唔會寫添啦
...

鼓勵佢哋丫嘛。

阿細成日會畫畫、摺紙、做圖工送俾我, 然後外加一封多謝信。雖然佢識字唔多, 所以內容來來去去都係果D, 但個格式就係跟足上堂指引架, 上款-問候語-內容-祝頌語-下款-日期, 全部有齊架。


至於阿大, 佢雖然無寫嘢俾我, 但只要有指引俾佢, 佢就會跟到好足, 所以應用文係佢最愛。佢真係好啱打政府工。

little_yolky

wan_sosin 發表於 17-6-9 10:53
要明白男仔唔會咁鍾意跟足規矩，對佢哋嚟講，無聊之至。
我仔一定係搵位走嘅人，邊度會理。
當然去到考試 ...

所以我一直都話, 小學中文科係考中文, 常識科係考中文, 數學科都係考中文(應用題), 所以中文好著數好多。

little_yolky

IloveJJ 發表於 17-6-9 11:13
我哋學校都唔考課文內容，但要不供詞填充(填得合理既有分)，另外真係要背既，係課文理解。呢部分係好似我 ...

我哋連呢part都無。所以中文係去考天才。