請問有無媽咪知道美孚"地利亞英文小學暨幼稚園"

靚媽唔易做

我岩岩打去問過吓, 佢話佢地有學卷, 課程同出面一般攞學卷既幼稚園無分別, 但就強在英文, 因有6成學生都非本地, 所以除咗中文堂, 大部份時間都係講英文, 而出年都係$8xx學費, 聽落都幾抵.

我都好少聽人提起呢間, 但一講起就好自然話聯合國學校, 所以攪到都心大心細........咁你會唔會報呢?

原帖由 ^.^morris 於 08-9-1 16:40 發表
請問有無媽咪知道美孚"地利亞英文小學暨幼稚園"係一間咩形式既學校...

又或者有無小朋友讀近...

thank you

靚媽唔易做

哈哈, 我尋日打去約咗下個sat interview, 唔理咁多, 去昅一昅咩環境, 感覺唔好最多唔讀姐.

另外, 我亦問咗我家姐, 佢個仔有個同學以前就係讀呢間幼稚園, 佢話佢爸爸既comment都唔錯, 話佢d聽同講既英文都幾好, 中文就真係淺咗d, 要自己比多d時間教, 但上到一年班都ok(佢係讀普通政府小學的), 我家姐話可能佢個仔聰明, 整體成績都唔錯喎.

其實如果屋企樓下有好既幼稚園我都想揀, 因又使浪費晒d時間同錢去搭車, 可惜美孚無乜邊間好, 咁既然呢間強項係英文, 總比起宣美同嘉心有d優勝, 試下都無妨, 遲d再慢慢考慮囉.

原帖由 ^.^morris 於 08-10-10 10:32 發表
hello..靚媽,我都未知報唔報,因我擔心亞仔d中文問題,我想了解多d先......
我諗可能d家長聽到地利亞依個名已經驚左,因中學i部既image唔係咁好....所以未無人提啦


...

靚媽唔易做

無問題.

不過我諗一般都會收囉, 因佢都唔同其它學校要group晒一埋人先見, 只要你打電話去問o個日有無位, 佢地有都見.

不過我諗住橫掂近, 去睇下環境同我女like唔like姐.

anyway, 我in完再同你share啦.

原帖由 ^.^morris 於 08-10-10 12:20 發表
靚媽我唔係住美孚既....我住shatin,但諗住搬屋...又聽人講依間學校ok,所以咪........

喂喂靚媽你in完講嚟聽下.....

靚媽唔易做

我咁岩上個sat有事無去in, 改咗下個sat先去, in完再話你聽呀.

靚媽唔易做

星期六終於去咗地利亞啦, 其實唔可以叫interview, 因都唔似其它學校要個小朋友坐低問問題, 我阿囡成場就係係度玩玩具.

我地足足坐咗成個鐘有多, 個老師一開始就問我地兩公婆點解會考慮呢間學校, 跟住佢就介紹學校既教學模式, 評估方法(我覺得將中英數既評估分得再仔細, 如聽, 講, 讀, 寫幾好)相對其它學圈既幼稚園有咩優勢, 分析我地唔應該只睇幼稚園, 要長遠d睇埋小學, 講出依家政府所行既教育制度問題(如幼稚園採用活動教學, 但小學無變, 所以好多時小朋友上到小學銜接唔到)等問題.......

首先佢sell間學校一定有, 但聽落我兩公婆都受, 因暫時未有一間幼稚園肯晒d咁既時間同你解釋咁多, 間間都係填form, interview, 取錄與否.......但佢講完之後我真係了解多咗, 感覺唔錯.........如有興趣可以同佢地約個時間傾吓(個老師話歡迎平時上課時間去, 可現在了解d小朋友上堂).

原帖由 ^.^morris 於 08-10-23 10:45 發表
hello..靚媽,你有無去in呀....

靚媽唔易做

我諗我都會考慮的, 一來近, 二來如果讀遠d而有學卷既幼稚園, 大家既課程都一樣, 點解唔揀間用英文上堂既幼稚園喎, 加上佢都有小學(不過暫時黎講我自己都會prefer揀返d政府小學既).

環境方面, 你當然唔好expect佢好大, 因佢都係平台度的, 不過相對其它3間幼稚園佢最大, 感覺都寬倘, 舒服.

原帖由 ^.^morris 於 08-11-3 17:50 發表
靚媽係呀...咁聽你講都好似幾ok喎....:D
環境可以嗎?:loveliness:

靚媽唔易做

請問st. nicholas中文係咩呀?

我自己覺得你想佢入名校小學就梗係揀返d名牌幼稚園啦, 呢個世界好現實既, 當你去叩門o個陣, 一個係讀sat cat, 另一個讀地利亞, 可能實際係地利亞個叻d, 但我諗佢地會收st. cat個多d囉, 因出名, 唔係點會學費咁貴都咁多人爭住入呢?

原帖由 Makmavis 於 08-11-4 23:21 發表
我上星期六己面試, 都好全面, 又平英文好, 但由於my son is accepted by ST. NICHOLAS in KOWLOON TONG, all my friend commented to go Kowloon Tong is better, as their school brand name is not good, i am wor ...

靚媽唔易做

哦, 呢間我都有聽過, 但無報.........名牌學校中我只係報咗根德園, 心目中亦想入呢間, 但岩岩睇到話成3,000份application, 要分3日in, 聽到都有d驚.

anyway, 入唔到根德園我就會考慮地利亞, 因一來我都唔係要個女入拔粹, maryknoll o個類, 只係想佢有返d強項之處(好似地利亞咁英文強), 咁上到小學就唔使追得咁辛苦姐.

原帖由 Makmavis 於 08-11-6 10:20 發表
金巴倫英文幼稚園, 但相對根德園/ST. CAT., 排第二.
但英文,普通話不錯.
Thanks!
MM

靚媽唔易做

講真, 咁多人in既學校, 佢又邊會慢慢同你嗲呀(好似地利亞, 佢就係名氣唔夠, 所以同每個家長慢慢講囉)......可能我本身有心理準備呢間唔會好熱情, 所以又無乜特別感覺, 只係in完輕鬆晒乍.

民生我都有in, 但我感覺個流程仲差過根德, 又嘈又亂又唔知佢收生準則, 同埋聽聞佢d課程唔深的, 所以只覺普通....

anyway, 咁多間都收至諗啦......最重要有地利亞呢間做backup姐, 哈哈~

原帖由 ^.^morris 於 08-11-10 13:24 發表
我噚日都in完根德,比我既感覺都係麻麻,好似食快餐咁...老師又無愛心..雖然亞仔都有答老師問題重有唱歌,但當interview完之後,我對依間學校整體都唔係比想像之中咁好....睇下民生收唔收,先再算...而地利亞係最後 ...

靚媽唔易做

我都係住美孚, 但唔知點解成日忽略地利亞, 直至上次開呢個topic既媽咪提醒我先記得.......加埋聽完ms miu咁詳細解釋, 我同老公都有唔錯既印象, 所以美孚k1只考慮呢間.

朗思我前排也打去問過, 但當時接電話那位女士給我印象麻麻, 感覺唔休做, 無耐性答你只想盡快收線, 所以無再考慮.

宣美, 我家姐個大仔以前係度讀過, 佢唔encourage我個女讀, 話個校長成日想將呢間學校做到band 1咁款, 所以佢想收d叻學生, 佢雖然有n班, 但都要求個小朋友戎咗片先得.  我家姐個仔o個時讀書係麻麻, 個校長居然暗示佢個仔成績跟唔上, 想佢幫個仔轉學校, 嬲爆.

嘉心佢個細仔讀過, 由n班到k1, n班佢comment唔錯, 因感覺d老師幾有耐性幫佢個仔戎片, 但上到k1 d老師麻麻, 曾經有個老師笑佢個仔係豬腩肉(但佢個仔唔係好肥o個種), 攪到佢個仔自尊心受損, 佢都有投訴, 不過最終轉埋校.

我女依家都讀緊n班, 見佢都好有進步, 但有時學校有function同佢返去, 感覺校長+老師說話唔得大體, 所以唔諗住讀k班.

佳寶聽聞超細, 又近馬路, 所以唔會考慮.

原帖由 phoebepyl 於 08-11-13 15:37 發表
hi,all,
我自己是住在美孚的，所以美孚的幼稚園我差不多都和仔仔都去看過。
仔仔在盈暉台朗思讀過playgroup,感覺環境和英文都不錯,不過k1的學費很貴，如果經濟許可，我想這家應該是不錯；
在美孚，我和老公首選是地利亞，因爲看 ...

靚媽唔易做

哈哈, 我個是囡囡黎的(唔使唔好意思), 佢係讀nursery b班, 唔知係咪同你個仔一班.

我仲未交留位費呀, 因睇錯咗, 以為佢係尋日先交, 點知原來係尋日之前都交得, 所以打咗去話明天去交.

唔係呀媽, 宣x唔係真係咁串呀, 乜n班唔係幫人湊仔架咩, 使唔使收d咁smart呀, 講真, smart o個d都未必揀佢啦.  有日我去佢隔離間酒樓飲茶, 咁岩佢地open day, 我入出望咗一望, 感覺局促, 雖然佢area係大過嘉心, 但嘉心望落好似舒服d喎, 因佢可以望到出面既環, 開揚好多喎, 但d miss就後生過嘉心既.

係呢, 你除咗地利亞, 仲有無報其它呀?

原帖由 phoebepyl 於 08-11-14 14:29 發表
你個仔現在是不是在嘉心讀N班？如果是，可能和我仔仔是同班同學呢，如果明年一起讀地利亞，那就更加巧了。
上次在街上碰到一個媽咪，說宣X不收他的兒子N班，嫌他不大懂得説話，那個媽咪説得眼紅紅。
上星期六我去地利亞交留位費，剛 ...

靚媽唔易做

我都會去呀, 睇下到時有無機會識到啦.

咁岩既, 我女都係22號1:30 pm in培正呀, 你仔呢........聽聞真係超多人in, 所以我都諗住當行個圈咁架乍, 因機會真係微乎其微.

我都無諗住讀地利亞小同中學架, 不過依家乜d派位唔係靠運架咩, 佢都唔需要知你讀邊間幼稚園, 我想讀間有名氣d係預咗派唔到心儀小學去叩門都易d架乍.

但尋晚同阿女去咗海港城toilet時, 遇到個叉妹比咗個唔好印象我, 佢約4,5歲, 當我女要出門口時佢居然想推我個女, 跟住望一望我, 我話佢impolite佢都唔驚, 出到去仲走埋我女身邊想攪佢(唔似想同佢玩o個種), 要我啤住佢佢先肯走.......攪到我有d怕萬一阿女真係讀咗會被佢地影響咗, 變得粗暴同naughty........唉.

原帖由 phoebepyl 於 08-11-14 17:46 發表
我個仔好像是A班。 29號秋季旅行你會去嗎？到時候可能會見到你呢，哈哈。
美孚所有幼稚園我都有報，不過，如果在美孚，我首選是地利亞，所以其他我都沒交留位費。
本來我還想報禮賢，不過INTERVIEW的日子是平日，我上班要請假，就不去 ...

靚媽唔易做

如無意外我應該會放棄呢間的, 因心儀間收咗啦.

再細心想, 我諗我個女未必岩讀呢間學校的, 因係街見到o個種"妹妹"都幾naughty, 暫時黎講我女算係聽話o個種, 我真係會擔心佢會被人影響變得naughty及野蠻.

靚媽唔易做

乜咁多人報架, 但我諗都好多我呢類家長用佢作後備, 有心儀既學校收就放棄的.

係呢, 你有無平日去睇d小朋友上堂情況呀, miss miu好似好encourage我地去睇咁喎.

原帖由 bb1 於 08-12-11 00:00 發表

有諗過,但佢上午班已FULL晒,考慮緊下午班.
其實金巴倫都收咗,但學費貴,且英語環境對比這間欠了少許優勢.
但亦有擔心怕此校的英語不夠純正....:(

靚媽唔易做

咁你有無留意一班有幾多人呀, 邊個種族既人多呀?

另外, 我頭先就係係度諗, 唔知會唔會因有人參觀所以老師要事先叫班學生要乖咁囉(只是我自己多心乍).

原帖由 phoebepyl 於 08-12-11 11:59 發表
我自己也有點擔心，話曬自己個仔播，我上次有親自去視察過，ms miu說他們的小朋友都很乖，我自己看過，也覺得他們很靜，排隊很有秩序，而且坐定定。
每家學校都有優缺點，我自己比較喜歡近家裏，而且英文又好的。








...

靚媽唔易做

咁你有無考其它心儀學校呀?

原帖由 ^.^morris 於 08-12-12 17:58 發表
我到而家都重係十五十六.....