有無媽咪會放棄KV,SC既學位, 唔交留位費?

囡囡婷婷

我都會放棄SC AM offer,交KV AM OFFER 留位費

囡囡婷婷

這純是個人感覺, 兩間都係好學校, 只係睇自己想要咩, 我可以分享下我的諗法:
我同老公選擇kv, 係因為覺得kv整體中規中矩, 我深信kv唔會令小朋友唔開心, 唔活潑, 小朋友的求知慾好大, 對於學習只會感興趣及挑戰性, 而不會感壓力, 我對於kv 所謂的"谷", 只係學習的其中一個方法,  我唯一有一個考慮係讀完kv, 確實要搵一間中上程度的小學接上, 因為都明白kv係3年的幼稚園生活, 培養小朋友有極高求知慾, 令佢地停唔到下來, 如果搵一間普通小學, 小朋友會頓失興趣, 我地都計劃了多種課外活動俾囡囡, 但就唔會係學術方面
至於sc, 我同老公係初期時係選擇sc, 因為活動教學, 外國人多, 有西方教學感覺, 但係sc所收取的學費, 我覺得已經超出其價值所在, 論活動教學, 我較欣賞啟思小學附屬幼稚園, 奈何活動教學太自由, 小朋友的自控能力難分辨學習時學習, 遊戲時遊戲的觀念, 其次係承接小一時,係會有難度, 人都會喇,感困擾時, 有的會逃避, 有的會挑戰.
小朋友在開始學習的初期, 係唔會有惰性, 佢地漸漸接觸外界多左, 模仿他人多左, 就會知道咩叫惰性, 我地相信kv係依方面做的根基會好d.
最後, 我地會照報協恩, 依個先係我地最終目標.