唉！好煩，女兒常被同一老師針對！

MaMaTracy

唉, 我個仔都係呀, 今年已經6年級啦, 唔知話個班主任好定唔好...話說上星期一, 阿仔被寫手冊欠交作文,但其實阿仔已經做咗, 我仲幫佢對添,點知老師話沒有5個4字詞語, 所以當欠交, 咁我咪打電話問吓老師點解囉...我就問佢其實小朋友有做到作文只係唔合附妳嘅要求, 咁最多咪重作囉, 點解要當欠交?佢即時起"綱"話由開學嗰時已經講咗每次作文要有5個4字詞語, 就算全班最曳嗰個都知啦, 係妳個仔冇做到, 咁我咪同佢講我個仔係冇記性,但而家6年班啦, 我需要攞住成績表見人, 咁可唔可以用另外d方法去輔助吓我個仔?

我其實最主要目的係話點解有做功課,妳要當欠交?唔通出去考公開試, d學生做咗作文, 只係詞不達意, 唔會話佢absent架嘛. 咁妳咪扣分囉.仲有呀, 個班主任仲要喺全班同學面前,將件事攞出嚟講,要全班同學講究竟我個仔有冇錯, 阿仔返嚟同我講唔開心, 話好似自己係罪犯, 俾人批判緊.跟住呢兩個星期吓吓"釘"住阿仔, 呢個星期返4日, 3日寫欠交功課, 1日話佢早會傾計,上堂又講d說話"腰"阿仔...我問阿仔駛唔駛媽咪同老師傾吓, 佢話唔好, 費事又喺全班面前講...唉, 都唔知同唔同校長投訢,個老師真係好唔專業,仲話係音樂系碩士添

原帖由 joey1010 於 09-3-11 17:18 發表
自從上次當面向這位老師說不是後，我女兒開始受罪！