灣仔東華李賜豪 vs 太古小學

豬Bmama

你好呀！想請問你仔仔當年是否第一輪入？如係的話，喺以幾多分呢？

我老公係舊生，有20分，我都想揀呢間，唔知成數高唔高。

我上網搵咗多耐，好似冇咩人討論咁呢間，介唔介意我問多少少呀。我想知學生英語水平如何？功課多嗎？小西灣有冇校車呢？老師有愛心嗎？

原帖由 Charlie1978 於 11-6-17 16:39 發表
李賜豪唔清楚...但大嗰件係太古，highly 推介!我鍾意佢地做到' 樂' '學'ah!阿哥日日都鍾意翻學啊!

豬Bmama

謝謝回覆。最初搵到啲評語都係好壞參半，我都有啲猶疑，而家聽到你話阿仔讀得開心，呢樣對我嚟講好重要。

講真，如果要入柴米呢啲勁學校，我咁啱都識人入面做，叩門都叫有啲機會，但入得去讀開唔開心又一件事，加上仲有細佬跟尾，兩兄弟一齊辛苦咁又何苦。

所以如果太古小學中上的話，又有父母分確保入的機會大啲，我諗我會試下。不過唯一擔心家住小西灣，返學都幾遠下。

原帖由 Charlie1978 於 11-6-22 17:03 發表
英文水平?唔知點為知高ah...不過阿仔好鐘意上英文堂，因為佢話老師好多野玩，上英文堂好開心lor!

同埋佢地d英文老師講d英文lerk lerk聲，唔怪得有咁多六年級入英中!(希望仔仔第日都順順利利la..)

愛心?佢地好多 ...

豬Bmama

charlie mama,

謝謝你。其實我大仔今年仲係K1，仲有時間揀，不過近排同62 & 99商量緊，如果真係讀呢間，咁下年好唔好收返太古城層樓自住(而家放租的)，但一家七口住600幾尺，62 & 99都好抗拒，加上佢地又覺得小西灣靜好多，好住啲。

但在我角度，要2個小朋友6年嚟咁辛苦日日晨早返學，真係好無謂。所以如果呢間唔ok,我會考慮港大同學會，起碼近啲，但要入又係勁多人爭。

不過而家聽到你的意見，知道小朋友讀得開心，咁同我理念好一致，我好大機會會揀，不過未來呢2年就要再為住屋而煩了。

豬Bmama

我都覺得小朋友要晨早8點返學，3點幾放學後仲要做功課溫書，真係辛苦過大人返工。所以在我角度，我會贊成搬近啲。

但老人家真係好固執的
1. 從經濟角度，太古城一定值租過小西灣(居屋來的)
2. 空間方面都係小西灣大好多
3. 居住環境，99話太古城啲車聲好嘈，而小西灣就靜好多
4. 最主要係佢地覺得有校巴的話，咁咪可以解決問題，但我就唔想2個小朋友6年長期咁辛苦搭車

而老公的角度，如果第一輪(可以跨區報的)已經入咗，咁咪唔使搬。若不幸唔入，到第二輪要申報地址的話，佢話為著機會大啲，佢都會搬。

但上個星期為著住屋問題，老人家已再三表態唔接受搬的。

原帖由 MrPAUL 於 11-6-24 14:35 發表
唔好意思，路經的！想分享下唔知可唔可以！
我覺得作為父母，住屋係其次，所以野都係睇小朋友讀書環境同佢能力應唔應付到學校ｏ既要求，讀得開心非常之緊要，既然太古城本身有樓又咁近學校仲諗咁多做咩呢！６２＆９９冇理由唔從孫仔角度出發架？佢 ...

豬Bmama

MrPaul,

想問下你的子女喺太古小學讀得開心嗎？另外，學校多唔多新移民學生？雖然咁問好似好衰，但大家都係家長，希望明白。

豬Bmama

多謝大家意見，想請問知唔知今年幾時有開放日呢？好想帶阿仔親身感受下。

另外，我就係怕越來越多人考，下年阿仔連20分都唔入就慘了。

MrPaul,你女女係唔係今年報考？咁佢有幾多分在手？