表揚基新中學校長協助警方打擊毒品

maglam1985

原帖由 SunshineMom 於 09-11-27 13:36 發表
校長們, 家長們:

基新中學校長因學校名稱曝光, 自覺太傻、太天真, 後悔協助警方。身為母親, 我希望校長們明白, 泄密是不對, 但幫助下一代打擊毒品罪行, 是最重要的, 更是公民責任, 古今中外, 吸毒是嚴重罪行, 影響 ...

絕對同意!
校方肯同警方合作, 證明呢間學校係一間肯正視同全力打擊學生吸毒問題嘅學校, 經過今次, 相信毒販都唔咁攪呢間學校, 如果我喺呢區住,個仔係六年級, 我都會揀呢間中學。

佢好過有啲學校, 隱瞞情況, 個仔/女喺度讀俾毒販攪都唔知。

好似今年初喇沙書院有個中四學生被學校老師發現蔵有毒品, 學校於是報警。!雖然傳媒大肆報導, 有似有損名聲, 但我就我好欣賞學校的做法, 好等其他學生有所警惕, 俾學生知學校唔會包庇及隱瞞呢啲事。

所以校長其實唔駛後悔, 成間學校嘅師生唔好為呢件事為恥!

maglam1985

原帖由 樂樂 於 09-11-27 15:51 發表


呢間係band 3 頭中學,如果你個仔唔係band 3,你還會選佢嗎?
e + 咁多學生吸毒,由其是北區,佢憑咩話佢學校冇一個學生吸毒呀?

1. 梗係講如果我個仔係band 3學生要揀學校時, 我會揀呢間學校。既然好似好多學校話有學生濫藥/吸毒嘅問題, 俾我就會揀一間校方會正視問題存在嘅學校。
2. 佢(校長)都冇話佢學校有冇學生吸毒, 只係冇學生俾警察拉。

留意:"由其"的寫法應是"尤其"

maglam1985

原帖由 樂樂 於 09-11-28 13:44 發表
. 梗係講如果我個仔係band 3學生要揀學校時, 我會揀呢間學校。既然好似好多學校話有學生濫藥/吸毒嘅問題, 俾我就會揀一間校方會正視問題存在嘅學校。
2. 佢(校長)都冇話佢學校有冇學生吸毒, 只係冇學生俾警察拉。

...

"尤"的倉頡碼是: 戈大山