其實大家知唔知道各 banding 平均分

maglam1985

原帖由 ricetaster 於 10-4-30 10:17 發表
係睇你同一名次, 你前兩屆師兄師姊在中一分班試嘅分數(2年平均分), 加TSA嘅校評水準調整。  呈分試只係令學生分到全級名次, 真正個分係之前兩屆同名次師兄師姊嘅平均分, 如果你之前同名次師兄師姐中一分班試考得差,  ...

據我所知TSA係唔計。

[ 本帖最後由 maglam1985 於 10-5-2 15:11 編輯 ]

maglam1985

原帖由 lam110hk 於 10-4-30 16:59 發表


咁諗住呈分試, 應該係用同一份試卷去做評測先叫岩,
冇諗過原來會學校自己出返試卷.........

如果出同一份卷咁就不如走番以前嘅路, 考一次升中試就得喇! 況且每間學校嘅課程進度不一, 又唔係同時間考呈分試, 點可能呀?

佢係將三次呈分試再加上前兩年師兄/姐考嘅中一分班試作為分數調整, 再喺甲部全港分三個組別, 派完甲部, 再喺未有學位嘅學生以本區再分三個組別而派位。

maglam1985

原帖由 wi-wi 於 10-4-30 10:50 發表


咁其實先生既資料有冇出入既呢?先生話我囡係第一個BAND3生 有冇機會上BAND2?

WiWi,

其實無話考第幾就係BAND 1, 考第幾就係BAND 2, 因為學校都係根據歷年派位情況話你知大概嘅所屬別, 學校叫你揀低一個組別本來係好事（如果對BAND １至同BAND ２嘅邊緣人嚟講）, 但係佢唔記得你個女係BAND 2同BAND 3嘅邊緣人, 而又冇BAND 4。你應該揀BAND 2嘅學校，因為你個女有可能調整後升上BAND 2，咁你揀咗BAND 3嘅學校唔係好傻囉！如果囡囡真係入咗BAND 3嗰組，咁都係派BAND 3學校。
除非你睇死個女一定係BAND 3，又心儀一間BAND 3學校，咁就揀佢，如果囡囡最終係BAND  2，咁佢就多數如願，因為派完所BAND  2學生先派位俾BAND  ３學生。

唔知你明唔明我意思呢？

maglam1985

原帖由 CCCHUNG 於 10-5-2 14:24 發表
Hi,
我囡平均分83- 84 左右 中(B) 英 (B)  數 (A)  常 (B)
88 - 90 for 音 視 ..
Is it means BAND 2 or Band 1 bottom.
THANKS

呢樣真係要視乎學校歷年派位情況而定，唔可以以分數定，例如：今年有１００個學生，歷年派位情況係頭５０名係ＢＡＮＤ１學校，次３０名係ＢＡＮＤ　２，最後２０個就係ＢＡＮＤ　３，而同學大部份考９０分，你個仔／女考８０名，咁佢就係ＢＡＮＤ　３學生，而如果大部份同學考得７０幾分，你個仔／女排名３０，咁佢就係ＢＡＮＤ　１生。　

我唔知你講嘅平均係唔係將中英數常加埋然後除４呢？因為絕大部份小學都係中英數各Ｘ９，常識Ｘ６，視藝Ｘ３，音樂Ｘ２。

你最好問學校佢嘅排名同埋對應歷年派位嘅組別。

maglam1985

我個仔小學時學校已經話咗TSA唔計分，不過都要學生努力，為學校而戰，因為教育局會俾番啲成績學校，等學校知道自己同全港小學嘅比較，而且會提出對學校改善意嘅意見。俾你做校長，唔通你見間間小學努力操卷，自己唔理咩，而且如果校長唔理，啲家長又會投訴，話做乜人哋間學校操哂卷，你哋唔理啲學生，況且仲有校董會呢關。　

老師話中一分班試就會有兩個作用，一係用作中學分班用，因為有啲中學會以此成績呢分班，尤其有精英班嘅學校，第二就係俾教育局呢調整派位嘅分數，會影響師弟師妹嘅派位，呢個試全港同做一份卷，可以分出高下，呢個試嘅結果只係會講俾中學聽，唔會話俾小學知，所以學校特別囑咐學生要考好啲。

我覺得用誤導呢個字眼係比較嚴重咗啲，我諗呢位家長都係聽人講，所以資料有誤。佢嘅出發點都係都想幫大家。

[ 本帖最後由 maglam1985 於 10-5-7 00:08 編輯 ]