今日東方爆料, 名幼稚園(Yxxk)幫今年報考小一的小朋友假洗禮

maglam1985

原帖由 Kittymummy 於 10-10-1 13:40 發表
其實我唔明白, 點解家長們咁鍾意幫小朋友搵教會學校 ? 我就唔想叫亞女讀多科, 所以從未諗過選擇教會學校.

因為好多名校都有宗教背景。

約克間唔中就上報紙, 係負面果隻, 明掠水都去讀,  冇得好講。約克係牟利幼稚園, 但都唔駛賺到咁盡, 個校長撐大眼講大話, 真恥教育界之恥!  我希望警方介入調查有冇欺詐成份, 教區就告佢誹謗!

10年前佢已經係搶錢學校, 督學嚟查時要啲學生走鬼去另一間班房, 等督學走去另一班班房, 就由秘道番嚟, 例如教署只批一班30人, 竟可超收多一倍甚至兩倍, 咁多學生一班, 點可以有好嘅教學質素呀? 所以我冇考呢間學校, 而家個仔已讀初中, 都可以讀天主教名校, 個人觀感覺得讀名幼稚冇乜用, 反而小學緊要啲, 而學生個人努力更重要。

我已十年前向當時的教署(當時未有教育局)投訴呢個不公平的計分制度, 但時至今日,問題仍存在, 教育局應就今次事件, 重新釐訂計分制度。 其實有宗教背景的學校應揾一啲沒有宗教信仰的學生先啱, 因為咁先可以吸納多啲信徒, 如果好似而家咁, 只吸納咗不知所謂嘅"偽教徒"