兆麟聖彼得堂 06 k1入來傾下丫

hviy

我大女生得比較高,佢K1夏季都買L碼俾佢,咁咪冬季都照買全部"L"囉,點知件校褸好大件    要摺2吓袖...不過諗住會着幾年同件褸可以長d咪無換囉....點知佢K3時己經係全班最高,但件校褸仲係未啱着     e+阿妹又細粒咗d....所以都頭痕緊買唔買     

不過佢件尊領冷衫都算幾平架,出面買要$60

hviy

luluma,

入去睇吓
http://210.17.247.164/sfs3/modules/book/qbook.php

你個女講緊今期唐詩"嫦娥"嘅內容呀   

hviy

dolphin,

校務處有本book list架,問佢囉就會俾你睇,一次最多借6本,如果有人借咗就有幾多借幾多,借唔到嘅會自動right off, 要再入紙申請,主任話網上或到學校借都要大約2 working day至會有人電話通知取書   

Book list入面有d書係只准學生借嘅, 小朋友係分開男,女仔借書日, 有名牌就可以借....仲要做閱讀報告架

hviy

dolphin,

係西裝料,唔係絨,我都無理佢,日日洗....
男仔冬天係工人褲條腰無咁緊啩 因我2個都係女,所以無留意到添...長小小可以改加麻

hviy

今日學校派咗嗰燈籠,阿女好開心呀       

hviy

beautymother,

校褸M碼都ok架啦...凍起上嚟都帶冷帽,着羽絨變晒雪人啦~~~      件校褸都係幫學校出比賽時着得最多    好多時厚底衫+尊領+校裙+紅冷衫+襪褲都ok架,課室都好暖,校褸係返學放學時着一陣咋...

hviy

唔係好著.....係平過响出面自己買啫 我得一套咋,唔係太凍都係着恤衫,較凍至轉着樽領,洗咗唔乾就羊毛底衫+裇衫+冷外套+校褸   

hviy

catnapper,

舊年嘅K1下學期開始有跳舞班啦,反應仲好熱烈添    我諗今年都一樣卦    K1會星期六上午學.

親子閱讀計劃:如果搭校車,應該會放入小朋友書包

hviy

"中秋節"係教材的節日小書,在最後一頁己印上"己授",即唔使再帶   

阿女都借咗一本親子閱讀計畫的書返嚟    但係就無要求做讀書報告,我諗應該未需要咁快做住...因為又要畫畫又要油顏色....佢地現階段應該仲未可以做到   


祝大家"中秋節快樂" 噚晚買咗好多螢光棒同閃燈公仔,今晚同婆婆做完節後可以去公園玩餐飽           

hviy

李志謙同劉孟蛟都有睇過,不過我就唔鐘意劉孟蛟成日都俾抗生素    李志謙係大女3.5yrs有次發燒唔退,入咗荃灣港安7日嘅主診e生,佢都好細心,但我當時因有個細B响屋企,又成日check呢樣照嗰樣,到出院都揾唔到發燒嘅原因,都係狂吊退燒药至可以7日免強出院,可能倍住大女7日7夜,又掛住細女...咁啱細女嗰第三日又發燒,睇住同房有好多小朋友都係3,4日出院,所以對佢有d唔like    另外,出到荃灣都唔方便囉...

我同事介紹我去恆福2/F司徒惠強,佢e小朋友感冒好ok架,不過药水嘅份量較多,餵药好辛苦    而柏麗23/F余秋良都ok架,有好多同學仔都睇佢...

其實我唔係幾鐘意食西葯架,除非係病得好重,如果唔係都係靠煲多d湯水囉,呢排轉天氣,2個女都有d咳,就成日煲羅漢果   

hviy

june_june,

睇完你個post,就即刻問阿女今日响學校係咪有小朋友咬人??佢話係喎,仲話哥哥喊呀    問佢喊嗰個哥哥叫乜名,佢話咪係哥哥囉    跟住細細力咁拍吓我:乖啦~~唔好喊     

唔怕啦~~起碼有我個囡錫番你囝囝先啦     

hviy

june_june,

食完西药好發散架,身體會變得虛弱,記住煲翻d營養湯水俾佢補充返呀~~BK都有好多topic講,不妨參考吓    而我就成日帶住本細細本嘅"止咳湯水"嘅書,咁去到街市都有idea去買材料嚟煲.

我間中都會買寶礦力俾佢地飲,因為睇過一篇文章,內容提及如一個人的電解質偏低,就會出現頭痛訊號,一般成人會食止痛药片,但一粒止痛葯需要5年時間才會在人體內完全被分解,而有好多e生都唔食止痛药而飲寶礦力+温水,份量1:1,可以更快補充體力          所以....見到佢地想作病時都會俾佢地飲...頂住先   

hviy

非女,

我個女都係得33個月大咋,都係咁俾佢飲    寶礦力都算係健康飲品,唔屬汽水卦   

有人教我用椰子燉田雞公,如果屋企有電子燉盅會易做d,大椰子一個,叫檔口幫忙在頂開蓋作燉盅,另買田雞公2-3隻,用原個椰子連內面的水慢慢放入田雞及一茶匙川貝,燉1.5小時就得,如果椰子夠大,可有4碗湯 通常我都會留番個椰子起肉第二日再買隻鷓鴣+川貝再煲多一次,一樣咁好味           

阿女有咳就一定買鮮百合加入的菜度炒俾佢食,中國古方都係用百合泥俾bb作食療 (係我mami教嘅    )

佢好番就煲北芪党参牛鰍魚補番個肺    不過要留意吓好多時小朋友咳係鼻水倒流,唔係真正嘅氣管問題,止咗鼻水就唔會咳架,如佢真係氣管咳,就試吓响佢訓覺時用條大手帕,好以西部牛仔咁縛响頸度,因呼吸唔暢順會好易用口呼吸,再吸入冷空氣而令喉部冷親,所以會咳,呢招連大人都用得着架   

hviy

塗顏色???    印咗"已授"係唔洗再帶

celia_ip 寫道:
天氣忽冷忽熱,各位同學仔, 好好保重身體呀~~

課本印咗"已授", 係咪可以叫小朋友塗顏色架??! 好似家長日o個日聽老師講過.....

hviy

celia_ip,

煲湯都係成日睇住食療書至識咋    我會揀d用新鮮材料又易做又好味嗰d嚟煲囉    而阿媽教,煲乜野湯都落片陳皮,可除痰順氣,同埋感冒未清唔食得雞,所以改用鷓鴣,可清熱化痰   

書包嘅重量就真係無計啦~~功課都係2樣...ok啦,阿女都係自己做,次次都油到亂七八糟,到我發現時己經救唔翻    不過算啦~~我都唔會迫佢一定要做得好靚,最緊要佢鐘意做同自己做就收貨lu...填色比賽佢地仲未可以自己完成,仲要親子(即阿媽做)可以試吓叫佢選顏色,你幫佢油出面,叫佢油入面,等佢有份參與一齊完成作品,而填色比賽係自由參加,唔算功課架   

學費減免真係好難至申請到    要幾乎赤貧至得,中產真係唔駛諗   

hviy

St.Peter係非牟利架    咁睇嚟出年都可以每個月慳到約$1000喎      正   

hviy

Hi pancy    welcome   

hviy

非女,

做乜咁客氣喎~~最緊要唔好話我8就得啦       

希望個個仔仔女女快d好番....如果唔係mami仲辛苦呀~~~      其實都唔關返咗學至多咗病,轉天氣都係差d架,我大女年年都係咁,呢2年開始有d麻木...無以前咁緊張,甚至有時會學d朋友咁,俾佢食兒童止咳水呀,川貝枇杷膏呀,感冒初起就食保嬰丹或感冒冲劑呀咁...貪佢药力輕同份量少    總之盡量都唔食抗生素,通常重症至會睇兒科專科囉   

hviy

beautymother,

今朝唔好意思,掛住問主任有關語言發展嘅野,都唔得閑同你講早晨添   

hviy

luma,

其實化痰湯水都不外乎嗰幾未啫,羅漢果,無花果,川貝,陳皮,海底椰,沙參玉竹,淮山百合,雪梨,鱷魚肉,海龍海馬....而煲湯肉就用鷓鴣,鵪鶉,水鴨,生魚,呢d不單止清熱化痰,仲無工人養殖,唔似雞鴨咁多賀爾蒙....自由配搭都得,最緊要易煲,好飲,無壓力,易解決     

有無幫細女拍痰呀~~其實佢疴到出嚟都ok架啦...最緊要係飲多d水,因為佢地飲奶都係好難清d痰架,我知有d人會煲羅漢果水俾BB當水飲,重見佢個B飲到好滋味添     

june-june & catnapper,

乜你咁快就睇定小學    連保圓個topic都睇埋    勁~~ 有乜野想問呢??? e+學費$800,出年$880. 面試題目都算ok架,小朋友可以應付,最緊要佢肯開金口,英問英答,普問普答就得