崇真面試，唉!

Cynthiasia

大家都每間學校都有唔同既印象, 好與唔好都係各自感覺, 我大女讀緊小學, 細女今年讀IK1, 我一直都無後悔當初選擇TT, 因為小朋友係讀得好開心, 畢左業既小朋友對學校有種情意結, 所以每年OPEN DAY有咁多人係有部分畢左業既學生返去探望老師, 從中可知道佢地對學校既歸屬感, 當然佢都有做得唔足夠既地方, 我相信無一間學校可以做到完美吧......
TT係少數夜晚INTERVIEW既學校, 其實我個人感覺十分體貼, 因為家長可以無需請假, 一早知道時間家長應該要為小朋友安排足夠休息時間去準備面試, 講真, 一到呢個時候每個都IN唔少學校, 請假都係一個問題.....我在TT已經係第6個年頭(大女幼稚園到依家), 普通話老師真係未接觸過好似樓主形容既咁普通話老師, 如果係香港既老師就有可能, 好似細女既班主任我都覺得唔係十分好, 口音完全聽到係香港人講普通話, 但另外有普通話老師, 所以我亦唔擔心小朋友既口音, 開學到依家都未夠2個月, 細女已經開始講普通話, 之前屋企完全無PTH既環境俾佢, 所以我都好滿意.....
每間學校收生既準則都唔同, 我地亦唔會知, 但我會同自己講, 間學校唔收我既小朋友唔代表佢唔叻, 只係喺果間學校既收生準則中我地達唔到佢既要求, 咁諗自己舒服好多, 祝大家好運!