.

os_ecu

BBKDWLAM 發表於 17-4-13 14:01
大家選邊間中學總有原因，其實呢個本身就係答案。

如果中學出名成績好，佢咪係選成績好的學生。

同意 >> "香港情況根本係中學選靚麵粉去做靚麵包。"

神校有能力去專揀一啲佢哋缺少既專材嚟壯大自己既校隊去學界攞牌;  因為好成績既佢哋已經夠多了. 等於剨禾青一樣盡收天下兵器.

返主題，我估自行揀學生都係成績行先，rank order 夠前一定佔優 (40%)，其次就係面試表現, 主要睇英文表達能力, 解難能力 (30%), 再落嚟係特異功能 (30%). 興趣玩下嗰啲唔計, 啲獎如果啱學校口味又有可能加分 (例如佢管弦樂團缺巴松管，而你又咁啱校際攞咗牌，咁就肯定佔大優勢).

呢啲間間校唔同，好睇當時情況 (同場有乜競爭對手)，不過做好學業成績，操好英文對答應該係最重要.

os_ecu

little_yolky 發表於 17-4-13 15:17
但係依樓主講, 級3同級1X, 中學自行時個ranking可能只係前後腳, 或差幾個位, 就就同校, 都無理由咁黑仔級4-1X都一齊考同一間, 更惶論唔同校添, 中學睇個次第, 差得幾個位又唔係差幾十個位, 可能面試都好重要了。當然, 你要打低前面果十幾名, 面試要好標青至得, 又有幾多個咁口齒伶俐, 講嘢又有point丫

Rank order 係 全港/全區 排位，你嚮本校後佢一名，出到大海可能後佢十幾名其實可以好 significant 差別好大的. 學校跟 rank order 咁 shortlist 咗最 top N 嗰啲人嚟 in,  級3入圍，1x嗰個可能連入場面試機會都無.  

只於係咪考埋同一間，強校 (估樓主小朋友係B1A都應該係喉住嗰幾間架嘞) 全港只係嗰十零間，自行你得嗰兩個 choices, 同校差唔多 background / standing 考埋同一兩間絕唔出奇喎.


去到最後成績其實知晒，要鬥就只會係鬥特別技能(獎)多同埋面試表現既唧.

os_ecu

saetang 發表於 17-4-13 17:58
非常感謝以上各位既回覆！

我女學校有幾個同學一齊去考同一間既band1A學校，有啲排名級頭幾，而我女就排級 ...

有無特異功能 ? 如果有可以追返 rank order 較後所失既分.

至於面試表現就真係好主觀的. 面試嗰位老師覺得你好就係好, 無怎客觀準則 (即係唔係多嘢講就得). 但係以我理解首先你要唔怕醜肯講 & 識得操詞; 英文會話能力強 (平時都有多講或者訓練), 詞彙豐富, 表達流暢真係會加分.

據睇完某啲 B1A 強校簡介會後了解, 會放片俾你睇問你睇到乜嘢, 如果識主動發掘問題, 見微知著亦會加分. 呢方面就有少少係天份了.

努力 & Good Luck !!

os_ecu

章太郎 發表於 17-4-13 18:07
音藝，真係好多男生的死穴。我都有幻想過真正的中學係會睇清楚，逐份睇，小朋友次第好可能係比音藝拖低， ...

對學校嚟講, Rank order 真係一個好方便既工具,

試想佢有幾百份自行表, 入晒人名同佢個rank order 去一個 excel,   sort 一個 column 再 cut 就得到一個都幾客觀既candidate list 去 in 了. 你話幾大 incentive 去用呢.  所以有傳有啲強校 級十 之後無得 in 不無道理. 個filter 跟本一開始就落咗去個 rank order 度.  特異功能只係俾佢撈啲漏網之魚.

Btw , 音樂視藝好似 weighting 係好低既, (音 2, VA 3), 男仔主科夠強都應該未至於俾呢兩科拉低既.

os_ecu

greentea000 發表於 17-4-13 18:32
你呢2個假設已經預設左立場
咁成績好又面試好呢？成績稍遜又面試差呢？

樓主都係擔心自行有無機上嚟舒發下，俾我都會心卦卦嘅。

B1A生比起其他嘅同學的確考慮多啲，邊個唔想入神校吖。

os_ecu

asweetmom 發表於 17-4-19 09:20
回覆 annakit 的帖子
例如要求畫「母子」
A作品<畫功好+創意表達
極簡單線條勾勒一個孕婦個肚裏面有個嬰兒；跳躍袋鼠媽媽肚伸出袋鼠仔個頭 ；爬樹中樹熊媽媽咩住樹熊仔。
B作品<畫功好+有感染力
阿媽舉高個仔，兩個都好開心 ; 阿仔笑住跑向阿媽，阿媽伸開雙手迎接；母子溫馨閱讀。
C作品<畫功普通+畫面平實
兩母子拖手，有笑容，仲有幾個心心<我女作品(￣∇￣)

因為我女C，我就無詳細睇D同E，集中睇B同A。文字表達，希望你睇到ABC分別。

好難得有老師清晰講解 VA marking scheme, 好有根有據，唔係完全個人主觀意見.　Thanks !!

os_ecu

55104035 發表於 17-4-19 11:01
老師偏心一定有, 有某些同學VA做工一般也取A, 中文作文也有99分, 都係果句, 喜歡就是喜歡.

我試過用同一 ...

同意有時做嘢 衰啲講 真係要 "投其所好" (同工作上要夾老細一樣), 唔可以包拗頸.

所以要摸清學校老師口味好重要.佢肯好似上面嗰位媽咪既學校咁攪個 talk 解釋清楚就 perfect池 了

os_ecu

little_yolky 發表於 17-4-20 14:27
但係我哋學校個talk, 老師話個個都係藝術家, 唔會有核突既畫, 大家用心畫, 可以創意無限, 我哋唔會俾框架框 ...

的確係任你創意無限,但去到俾分都仲係會有方法去分 A/B/C/D/E. 佢唔會明示暗示你去為啲分數畫畫唧.

一方面佢唔想局限你小朋友既創意, 另一方面佢又要呈分. 對老師嚟講兩樣嘢其實無衝突的,

(e.g. 你天馬行空唔一定會 A)

os_ecu

wbmom 發表於 17-4-20 17:46
之前聼老師講，視藝呈分的評分大慨分幾個範疇：

構圖，顔色運用，技巧，創意。我唔記得係4個定5個範疇，每個比重一樣，即4個就每個範疇25%，5個就20% each。

對我呢些美術白癡，老師用最簡單最基本的解釋.......

構圖： 不要在一噠地方畫太多野，另一邊空LL，要睇得舒服

顔色運用：要有底色，即不要有一噠地方完全冇著色

技巧： 例如漸變(sorry, 真係唔記得）

創意：最基本要貼題，如果唔係，幾有創意都冇用


希望以上可幫到一些視藝極差的朋友吧！

幾好喎, 有晒 guideline. 呢個係一個好好既 reference. Thanks