聖羅撒小學 CHAT ROOM

wankwok

cameo,

今日派o個兩份卷,成績都okay啦,都係錯埋d發夢嘢，例如爸媽就寫咗公媽，其他主要d字寫得唔好，扣咗不少0.5去。

其實小行長明你嬲佢d咩，又肯承諾，佢真係好乖同成熟。我個女對自己d成績唔太著緊，而且仲有d無厘頭，佢竟然話測驗都幾好玩，佢當係玩?真係奇怪?佢覺得我地緊張d分好奇怪，仲話有人高分又有人低少少分，有咩出奇?唔緊要啦!

你講小行長答中文"中秋節"o個題，你講得好好笑，或者佢覺得月餅似蛋榚啊!我個女常識有一題問月餅係咩味道，佢揀咗咸呀，我問佢點解，佢話佢靜係食個蛋黃，而個蛋黃係咸嘅,,,,,,,,,其實惗深一層，呢d係童真呀!

為咗本數學作業，我都發咗一陣"癲"呀! 真慘! 寃枉咗個女。不過佢真係唔識驚，唔明白會俾老師寫手冊係咩，只係望住我係到"發癲"。   

wankwok

Kuseiszeto

電腦壞了兩日，之後大女要趕功課，剛剛才看到你們的發表。

cameo的評價一直都很中肯及客觀，她的意見較我的可取。我個女怪怪地，不大可以以她作準則呀!不過即管講一下給你作另類參攷，ha~ha~

我個女放學返嚟就會即刻做功課(我唔噝屋企情況下，如果我噝度，就攪攪陣作對)，通常45分鐘左右完成，跟住工人姐姐帶佢同細佬落樓下公園玩個幾兩個鐘，之後佢地自己食飯同沖涼先，我地放工返嚟檢查功課，有嘢改佢都肯改，但佢升上小學後d字寫得差咗，初初會想佢擦咗重寫，但後尾為免影響佢信心及心情便算了。佢地細的兩個8:30至9:00便瞓覺，其實對佢地d時間唔多。逄星期三5:30小女警會學琴，直到宣家上了8堂，暫時okay啩，因為千祁唔可以問佢太多，因為佢會自然攪作對，又唔話俾你聽學d咩，求其佢肯學就算。暫時完全唔覺佢有功課壓力，但如果測驗默書叫佢溫書，佢會袱咗噝枱瞓，瞓一輪先同你溫下，佢自己仲未知分數高低嘅重要，只求自己覺得享受嘅就做多d，好彩佢有興趣做下d工作紙類型嘅嘢，所以测驗仲可以以此作溫書媒介。

另外因為佢咁怪，我慳番唔洗理佢咁多，以免傷感情。不過有時真係幾無奈。

佢好鍾意返學，老師同學佢都鍾意，呢點令我放心好多。希望佢社交方面上可以漸有改善就好lu。

wankwok

cameo,

如果時間及環境許可的話，我覺得陪佢地做功課其實無所謂，好似我大女讀初小時，簡直要"寸步不離"，但去到高小已經開始"少女"，要求私隱了，他們的童年其實好快就過去了。

小行長的表現其實太太正常，真係"有血有肉"，而小女警就活喺佢自己"圈"住嘅世界，精神上堅持停留BB階段，但行為上又要自己"獨斷獨行"，不太與人溝通，欠缺自我表達，非常矛盾及難以明白。好多時我們俾佢攪到"哭笑不得"呀!舉例，以我自己揍大女經驗及看別人的小孩子，去到三四歲已經常會打電話俾父母，問下你喺邊，或者問下功課，又或者詐下嬌....等，但小女警現在6歲幾，打電話俾我地嘅次數可以用手指數到，而掉轉我地打電話俾佢，佢又不太願意同你講。試過k1有同學打電話俾佢傾，佢問人地打嚟仲咩?真係俾佢激死!

wankwok

cameo,

小行長真係好懂事又較成熟，我相信小女警並未太明白「生離死別」，而小行長對小狗的感情很真誠，而你們還會替牠辦後事，牠活像是你們一家人般，我想小行長一定是個滿有愛心的小女孩呢!

小女警去旅行回來也有表示開心，但我給她預備的午餐(壽司)卻原封不動，回來當下午茶才全部幹掉了。問佢點解唔食，佢竟然話唔夠時間。

之前也有提及，小女警鍾意同d幼兒玩，包括3歲半的細佬，同埋細佬d兩至四歲幼兒朋友都係佢玩伴，佢同家姐就不太夾，畢竟她們距離大，家姐都讀中學，其實唔啱玩，而且小女警性格唔多理人，家姐無耐性同佢溝通，家姐明顯較鍚細佬，因為細佬好多嘢講，頑皮得嚟好攪笑。

wankwok

cameo,

你同小行長d心情好d未呀？小狗喺天堂都唔希望你地因佢嘅離去而對你地有太大嘅影響，佢都希望鍚佢嘅你地開開心心生活的。

我爸爸也很愛小動物，我地小時候家中亦有一大堆小動物，小狗、小貓、小龜、金魚、雀仔 、小白兔......好不熱鬧，雖然媽咪唔係幾鍾意，但亦會對其中一d特別懂事的狗貓有偏愛。小時候也曾經歷多次小動物嘅離去，還記得我和妹妹會喊得好緊要，媽咪唔鍾意我地咁樣，要我地理智去面對。相比我妹妹，我對小動物嘅鍾愛程度較低，亦會好似媽咪咁有所偏心。現在年紀大了，竟然會驚起來，尢其係貓，唔知點解，仲係好驚個隻，自己都好唔明。

小女警做了件令我地哭笑不分的錯事，看看林老師今日會點罰佢，希望唔好咁重手啦!

Anyway, 你唔好咁唔開心，因為你同小行長關係好密切，會影響佢呀!

wankwok

cameo,

想問下小行長有無樂思噝書包? 手冊寫咗要改正，但搵唔到本樂思呀?

謝謝!

wankwok

cameo,

唔該哂! 小女警都同小行長嘅講法一樣，不過穩陣d都係問下你。

wankwok

cameo,

又調咗位咩? 都無聽小女警講過呀!

以前小女警間幼稚園冬天係著灰長襪或是灰襪褲，真係比藍色易買d，我噝吉之島只見有白色同灰色，上兩個禮拜喺沙田馬莎買了一pack兩對，售價HK$110.-，因為未著過，所以話唔到俾你知是否okay，但點都要買定，萬一凍起來就敝，另外亦買了一對薄d嘅芭蕾襪，質地薄d同滑d。我記得大女細個時貪馬莎d通花白襪靚，而且價錢又貴d，估計會好睇又好著，點之著一次喊一次，原來係襪頭織到一舊舊線，頂住d腳趾唔舒服，所以之後無噝馬莎買番學襪lu，希望今次買d襪褲好著。

其實著絲襪加短白襪怪唔怪呀?去邊度買小朋友絲襪呢?

wankwok

cameo,

入去呢個網址看一看，好得意呀!

http://www.neopets.com

wankwok

camo,

你話好想知小女警做錯咩事呀?

please check your PM!

wankwok

cameo,

黑色襪褲都得咩? 無聽小女警提起，佢淨係話今日打針好多人喊，校長好好人入課室探佢地，安慰d小朋友。佢話小行長都有喊，但喊得最犀利係全海明，佢自己無喊，於是同d無喊嘅同學一齊安慰d喊嘅。

佢仲話Judy Lam好叻(佢開學無耐就有讚呢個同學，話佢又乖又叻又做班長，但就無一齊玩)，老師送咗4張獎勵卡俾Judy，佢自己都有一張英文科嘅，我估可能有張卡，所以今日心情好好，比平日講多咗幾倍嘢我知。

wankwok

Ting_ma ,

好開心又多個1D班嘅媽咪噝到一齊分享呀!
我都pm左我個e-mail address俾你呀,唔該你。

wankwok

cameo,

多謝你嘅pm。真係覺得你好有心來與別人分享及分析問題，尤其見過你係一個外表好時尚，又年輕美麗，真係估唔到對細佬仔有無比愛心及耐心呀!係我真心話呀。

wankwok

cameo,

唔好意思，又有事想問，就係今日中文生字究竟係五行定六行呢？小女警只圈了五組詞語，但手冊話寫六行。
謝謝!

wankwok

咁就放心lu~~

雖然小女警好肯定話係得五行，但都係問下穩陣d。

今日小行長有無講見牙醫的情況你知呀?真係俾小女警激死，明明擺咗支牙擦入書包，又係無搵清楚就話無戴，結果要護士姐姐俾一隻佢用。