小朋友係學校比同學圍摳

軒蕎媽媽

小兒今年讀小一,比同學圍摳件事發生係9月13日,而呢件事係我仔心裹面而存下陰影,直到琴日,經我不停既追問,校長同主任先同我見面,而到終校長睇完我個仔份驗傷報告,我得到既答覆係你小朋友既傷勢都只係D(魚)傷,唔係好嚴重唧,(驗傷報告只止寫咁),校方亦質疑返咁問我會唔會係我既小朋友將件事講得嚴重左?會唔會係家長你對呢件事太過緊張?會唔會你既小朋友知你又或者想你緊張佢,佢先同你講話怕左個4個打佢既同學?除左以上既說話,亦對我講左好多好不負責任既說話,我真係好想知道,作為一間學校既校長,佢既答覆有冇問題?聽到校方既回應,我既心真係好痛,對學校既處事態度好失望,因為自從圍摳件事發生,個仔返學我每日都擔心,我所有朋友都叫我要轉校,我係咪應該要幫佢轉校呢?有冇人可以幫下我???有冇人可以教我點做?請大家幫幫我,教教我!!!

軒蕎媽媽

原帖由 thomasha 於 10-10-1 02:38 發表
相當同意這位爸爸所說的，特別是關於教導孩子怎樣面對困難甚至暴力。

據我理解樓主所說，校方想將事件淡化。我想家長要先理解事情的始末，不能單憑孩子受傷就下判斷。校方有否召見有關的孩子們甚至目擊證人，讓他們有機會講 ...

校長同主任冇問5個小朋友,班主任有問晒5個小朋友發生咩事,佢亦都知道我個仔係因為點解比個4個小朋友打,但我唔明點解校方比我既回應係咁???發生件咁既事,校方冇主動見家長.班主任都只係叫小朋友係張草紙上寫幾年幾月幾日幾點係課室打人,然後叫小朋友簽名,再叫家長簽名,我係到放學先知我個仔係早上比人打,當時我就同個仔立即入校務處話要見班主任,之後班主任都同我講左點解會發生件咁既事,當時佢係證實左我個仔係比4個同學打,我亦有問得好清楚我個仔有冇還有,還手時有冇打親人,因為我覺得如果我個仔係還手時打親人,都必須同人地道歉.
但老師話以佢聽返黎,我個仔一開始比人推去老師枱,已經撞到腰同腳所以跌左係地下,其後佢都係訓左係地下比人打同比人踢,到佢還手時佢係用手撥開個4個打佢既人,冇打到人.咁之後我再問班主任我個仔究竟有冇錯,佢話冇,咁我先帶個仔走,而且當時我諗住老師會有佢既處理方法,我又唔想搞大件事,點知要我不停既追問同一位熱心於教育既老師同主任講,拖到前日校方先有人見我,但我估唔到校方會係咁既回應...我個心真係好痛!我不停咁問自己,點解要比錢揀呢間學校???究竟我個仔如果仲係呢間學校讀,除左學術上,係品行上學校有咩可以教到佢???

[ 本帖最後由 軒蕎媽媽 於 10-10-2 01:33 編輯 ]

軒蕎媽媽

係度多謝你寶貴既意見!但我想(情)清幾件事!

1.係呢件事上,我冇講過大話,我有驗傷報告的,如果你地任何人有質疑我既說話,我不介意pm驗傷報告比你地.

2.我唔係因為想搞大件事先上BK講出黎,我真係好驚又唔知點做好先上BK找意見.

3.件事係9月13日發生,如果我係個一心搞事既家長,好老實講,一開始我就已經去政府醫院驗傷而唔係去診所,亦都報左警好耐,亦都唔會比學校拖到今時今日.

4.直到呢一刻,小兒仍然有頭痛,發惡夢,時有高燒,醫生都建議我帶仔仔入院做身體檢查,我都仲(游)疑,難道我咁都仲叫唔夠客觀嗎?
難道我真的沒有幫人地既小朋友諗過他們的將來嗎?

5.今次那個叫人打我仔既同學其實唔係第一次傷害我仔的了,之前已經有一次事件發生,但個次我經班主任了解後,老師話事情係因為我個仔隻手過了個位同學既枱,所以個同學就用鉛筆拮我仔隻手,扭佢隻手同打佢背脊,我覺得個仔亦有錯,所以比個個同學扭(魚)左隻手同打我都已經忍了,難道我也做錯了嗎?

到現在,見到每日仔仔都有頭痛,發惡夢,時有高燒,我都只係偷偷地哭,仍冇做一個身為母親應該做既事,難道我還叫沒替別人想過嗎???

我真係好想問下,若果它日同樣既事情發生係你兒女身上,你既處事態度又會怎樣呢?