[討論]借地扯嘅道德觀及價值觀

crystalwsm

唉，真係好似晌度聊交嗌咁，其實呢個問題有咩意思呢? 多又點、少又點?

crystalwsm

樓主其實你想點呢? 又要開個 post 出嚟問有無人借地址，而家又無人晌度承認有，又無人認同呢個行為，你無啦啦晌度亂鬧一餐，我覺得你有D精神分裂

原帖由 onl02142010 於 10-12-4 23:14 發表
哦，
原來你哋都覺得無問題！？
你哋都無覺得羞恥？
亦都無覺得損害咗人哋嘅機會？

crystalwsm

原帖由 lauerica 於 10-12-4 19:26 發表
即係叫犯左法既人係度認罪呀？問果個都傻既，答果個重傻，你唔問下邊個靠關系入左名校，有都唔會答你啦。

crystalwsm

其實都係佢問完之後又晌度亂鬧一餐

原帖由 IJai 於 10-12-5 02:14 發表
bean 有人答你係 ga

crystalwsm

首先，係唔係覺得你係到鬧人，各位網友自然會衡量，唔到我去評論。
第二，你想知有幾多人係咁？你想知係無問題架，只要有人答你咪得囉！
第三，你話想討論價值觀同道德，都無問題架，但你個 topic係 "做一下統計先"，可能我理解能力差，我睇唔到邊度有討論借地址嘅價值觀同道德嘅意思。
第四，我唔覺得你鬧緊我，我又無借地址，無啦啦點會對號入座
第五，出 post邊個包保有人答你架！呢樣我覺得好正確。
第六，"精神分裂"係一個症狀，唔係一個鬧人嘅詞語，X線、白X、低X呢D先至係鬧人嘅詞語，如果你覺得我係鬧你，咁你誤會咗啦！！

原帖由 onl02142010 於 10-12-5 09:34 發表


你覺得我係到鬧人？
我淨係喺度想知有幾多人係咁！？
討論一下價值觀同道得嗟……
你覺得我鬧你？
出Post邊個包保有人一定答你！？
“精神分裂”呢句就唔知係咪鬧我啦？？？ ...

crystalwsm

利益申報先，小囡得15分，無借過亦無打算借地址，無宗教信仰亦無打算信教攞宗教分，老公識得赤柱某名校嘅校長同個女，但sorry，無打算靠關係入，甚至無報到呢間學校，15分自行當然 fail，而家等緊大抽獎.......

首先，我唔係鬧人(上一個 post 已經講咗)，身上亦都無屎，更加唔係賊，所以唔洗捉賊。至於你話 "唔好以為多人鬧就係啱"，咁當然啦，但我睇唔到有乜人晌度鬧，其實大家嘅疑問都係想知樓主想點？如果佢個目的係想 "討論下借地址嘅價值觀同道德"，咁個 topic就唔係 "做一下統計先"，當然，呢個係我個人睇法.......

借地址、假宗教呢D當然係犯法同唔要得嘅行為，觀乎回覆嘅網友，從來無人承認同認同呢種行為，所以之後樓主話 "哦，原來你哋都覺得無問題！？你哋都無覺得羞恥？亦都無覺得損害咗人哋嘅機會？"
又要怕，又要做，道德上你仲衰過個果D開假道班、借肚果D人？因為你無錢，又無關系？" 呢D說話，我都唔知佢同邊個講？係唔係無人同佢討論，就代表大家有做，又或者默認呢種行為，唔係呀話，D理解能力咁差！！

其實除咗樓主之外，你亦如是，什麼 "你地唔認唔重要, 到時到侯就要揾保姆車、校車，咪又係穿底！
到時遇到呢班小朋友, 我必定同個別學校、小一派位組投訴, 咪咁老定！" 我亦都係唔知你想同邊個講？定係你想強制回覆呢個 topic 嘅網友都有借過地址？我唔知道，不過我唔會對號入座囉，你要調查，你要投訴，十萬個隨便！！

以上乃個人意見，不喜請隨便插！！

原帖由 McDonna 於 10-12-5 15:18 發表
我覺得樓主嘅目的當然唔係做統計！
但鬧人嘅, 你地是否身有屎、嗰種賊喴捉賊呢？
唔好以為多人鬧就係啱！
借地址、假登記本身就係自私、犯法嘅行為！ 可能大家覺得，為仔女嘅將來，個個都係咁，無可厚非。
儘管掩住良心、只要達到 ...

[ 本帖最後由 crystalwsm 於 10-12-11 02:19 編輯 ]

crystalwsm

首先我嘅立場係唔認同借地址同假信教，自己亦無做呢樣嘢，而家乖乖咁等緊大抽獎.........

其實mcheung1講得非常之啱，小一派位100%，有50%屬於自行，而自行嘅20%係計分位，首先計分唔一定住果區，住其他區都可以申請，另外30%係世襲，假設呢30%世襲位係以前第二區計分位嘅弟妹，咁呢50%自行位全部都係其他區有乜出奇？？

再者，餘下嘅抽獎位有10%晌甲部比其他區選擇，呢10%大約係全級5%嘅學額，即係話，全級有機會超過55%嘅小朋友都係來自其他區(未計世襲超收生)。如果喇沙有180個位，55%即係99個，咁請於開學日逐個問，問下佢係世襲定係計分定係抽獎入嚟，抽獎係甲部定乙部，如果問到第100個都係住晌其他區，咁果100個裏面嘅其中一個就有可能係借地址，仲唔知果個係咪世襲嘅超收生，但如果真係咁都比你問到，請你立即向個別學校、小一派位組投訴，呢項咁偉大嘅工程，真係辛苦你啦

原帖由 McDonna 於 10-12-5 15:18 發表
我覺得樓主嘅目的當然唔係做統計！
但鬧人嘅, 你地是否身有屎、嗰種賊喴捉賊呢？
唔好以為多人鬧就係啱！
借地址、假登記本身就係自私、犯法嘅行為！ 可能大家覺得，為仔女嘅將來，個個都係咁，無可厚非。
儘管掩住良心、只要達到 ...

[ 本帖最後由 crystalwsm 於 10-12-11 02:15 編輯 ]

crystalwsm

恭喜哂你抽到自行，我而家DSS同私校都仲未有offer，都係埋心水等大抽獎


其實呢個 topic 我只係想以事論事，同意你嘅講法，有D網友留言嘅目的其實係想 "警告"人，唔好意圖或企圖去借地址，比佢知道你就大鑊！但我覺得唔應該 "先入為主" 去假設人哋有做呢件事，當正人哋係疑犯咁，討論還討論，咁樣諗人哋仲借D2發爛渣真係心地唔好，佢哋嘅諗法好似中國法律咁，假設疑犯係有罪，你要舉證去證明自己無罪，有呢D咁樣諗法嘅人，佢哋個價值觀都唔荒正面得去邊.........


同意Gerard 所講，好多DSS同私校都好好，大可以靠自己嘅實力考入去，入唔到就等大抽獎，如果結果都不如理想，可以P2時考插班，就算比你咁好彩派到名校，又唔代表你可以直升中一，其實呢D道理，好多家長都知，之不過所謂官/津嘅名校，佢哋確實係有方法令到小朋友讀書叻D，呢樣係毋庸置疑，如果唔係點解間間官 / 津都係靠彩數收小朋友(叩門除外)，永遠係果幾間名校D小朋友叻D?


所以如果唔洗錢，個個家長都希望自己嘅小朋友入到D資源好D、師資質素高D、又有方法教到小朋友讀書叻D嘅學校，所以話呢，借地址報名校呢種行為仍然係時有發生嘅!!


以上乃個人意見，不喜請隨便插！！

原帖由 rainy0429 於 10-12-10 01:35 發表
crystalwsm:真係好喜歡你嘅直率! 等我都"討論"吓先!
我都利益申報,我女亦係只有15分,住新界,冇錢搬去41網,響現行制度,我哋被津貼嘅傳統名校排除在外...
為免"自殺",故自行交o左去九龍塘聖家,咁好彩我女15分都抽得中, ...

[ 本帖最後由 crystalwsm 於 10-12-11 10:49 編輯 ]

crystalwsm

樓主其實我真係好想知道你講緊邊個 "明知行為錯，但仍然去做"？

請問你又點知 "佢" 做咗又唔認？

如果你係認定佢有做嘅話，點解你又唔舉報 "佢"，剩係識晌度發嗡風？？？

crystalwsm

算把啦，D人鐘意特登開個新 account 撩交嗌，初時仲掛羊頭賣狗肉 "做一下統計先，今年小一攪珠又有幾多人攞咗人哋地扯呢？請留言表態投票…" 等人跌入呢個陷阱，但之後無人啋佢，佢就開始露出真面目係度亂咁吠 ，你都係由得佢啦

原帖由 Zata 於 10-12-13 21:44 發表
我有幾“唔好咁憎人富貴厭人窮啦！”？

既然你有好offer在手，理應氣定神閒，悠然自得。何故還唸唸有詞、忿忿不平？？

只是樓主好像知道誰家犯規作假，勵他早日"舉報打假"速戰速決嘛！免得費神代他人大抱不平。
好奇心想問樓主 ...

crystalwsm

隨便你點講，睇你呢個 account 剩係回覆呢個topic，就知你特登開新 account 撩交嗌，呢個係事實，不只我一人認同~~

小女入到 KTS真係好開心，亦十分高興知道你無揀到KTS，唔想同一D橫蠻無理嘅人打交道，好多謝你咁早話比我聽，令我如釋重負，而令我更加放心比囡囡入讀KTS

樓主，請你諗清楚自己想講D乜同表達D乜，呢道大部份嘅媽媽都好肯分享及互相支持，我自己都得益不少，唔好一開始就諗衰人哋，唔好係又鬧唔係又鬧，如果你覺得你自己啱晒，又咁有道理嘅話咪光明正大討論囉，洗乜特登開新 account發表，乜個題目唔見得光咩？定係你一心諗住插人？睇怕你咁嘅價值觀都好難教好小朋友，樓主，回頭是岸未為晚也！

這個題目我已回應了多次，唔再作無謂嘅爭論啦，反正你講D乜或者做D乜都影響唔到我，你鐘意點講隨便你，我情願留番多D時間陪吓阿囡，好過晌呢個討論中浪費時間，唔再回應啦，祝你好運

[ 本帖最後由 crystalwsm 於 10-12-16 01:30 編輯 ]