2011/12 (1A )家長請進～

SamsonWatty

運動會唔係太多家長去，往年經驗全校家長加埋都係一至兩個看台，大多都係差不多十點半後到，因為大概一點放學，起碼唔駛悶太耐。最重要係同阿仔要分開坐，唔比家長去學生看台。

我個人認為反而遲下嘅親子旅行就最好一定參加。

SamsonWatty

各位小一家長大家千祈唔好太擔心，其實學校都好配合大家，我哋學校差唔多十月至有第一次默書。

我仔仔今年五年級，我可以同大家分享一吓本人同仔仔溫習默書嘅心得：

如果英默，隔星期二默，首先我會默之前的星期四同佢串熟先【因為星期四剛剛默完中文，所以夜晚可以溫】，跟住一定要默，因為用口串有可能佢識串，但當叫佢默出來可能有好大分別，所以星期五晚會同佢默一次，如果認為課文太長，可以同佢默一部份先，跟住休息三十分鐘左右再默其他，星期六或日再温番錯嘅字，星期一晚重覆再默一次，到咗星期二早上默嘅時候應該仲有記憶，成績唔會太差。【不過一定做功課唔可以太慢至有時間温習】

至於中默，隔星期四默，當默完英默嘅星期三晚可以開始每晚温小部份，到咗下一個星期一要同佢默一次，星期三再默一次，至於一年級嘅默書範圍我唔記得太清楚，不過一定唔會太多。

總之大家記住中默同英默都是一樣，都係每段考紀錄最高分兩次嘅分數除二為平均分，再加考試嘅分數，兩個分數加埋除二就係成績表嘅默書分數。