請問將軍澳邊間小學好

wingwing2009

我係路過的, 小兒讀馮晴的, 就小兒黎講, 佢係15分第一階段入馮晴, 之後大抽獎有幾位小朋友一齊入都係第一志願入的, (有一個只係區內揀佢, 區外揀左第2間做第一志願).  佢每日返學都好開心, 適應得都好好, 我又覺得唔係太谷小朋友, 又有好多出外學習既機會.  小朋友都算ok.

至於tko 天主教, 有小朋友係兩次都冇揀佢做第一志願, 抽到好後志願 (田xx) 最後一叩門天主教即收...(係上年的事)天主教係好谷的, 好多測驗, 幾個week 一次, 仲有考試..小朋友多數要放學去補習班 (我識over 5個小朋友讀都係要補習..因為唔補攪唔掂, 仲要係個個小朋友都已經係讀得書果d..)

ec 係冇幫學生呈分了, 但可以request 參加呈分, 如果家長選擇呈分, 咁ec 中學講明唔會收此類學生, 所以一諗住要呈分就要"去意已決", 冇得回頭. (係朋友個囝係度讀講的)

LHT 亦識有小朋友係度讀, 也是讀得好開心, 家長話個小朋友冇乜點讀書, 但考全級首3名(她的小朋友係活潑好動的小朋友, 亦係讀政府幼稚園上LHT 的...)

[ 本帖最後由 wingwing2009 於 11-4-4 17:36 編輯 ]

wingwing2009

ddvbb,

以我聽囝囝講, 校長一D 都唔惡架喎, 不過我見過佢話過一個入學校時冇叫佢早晨的學生..不過唔係惡果種.  呢間學校既老師/主任我諗係嚴, 唔係惡.  我個囝成日口多多架..不過D老師都係話佢愛發表意見, 都好positive.  亦見過校長同佢傾偈, 抱實佢果隻, 嚇鬼死,仲以為佢做錯乜野...嘻..

易罰都算係易, 所以我話佢地係嚴, 因為佢地執小朋友D行為都好緊下..好易比摘名, 我個囝都試過好多次...但係佢地亦都會獎勵小朋友..所以我見D小朋友都好開心返學.

再講, 佢地教學方式現在都算活動, 上堂會有小組, 出外學習機會都成日有, e.g. 去花展, 出外寫生, 去police station, fire station, post office, art center...etc..我都覺得幾密下...(這都是我囝這小一生的活動)  我都覺得幾好..

"Wingwing2009,
想請教下你, 既然你小兒正在馮晴讀, 有冇想到兒子說校長很惡, 很專制, 罵學生(午會後), 有易罰學生之類的事情呢? 因我在disscuss 個邊見到比問題談得很熱烈.

先謝!"