点樣令小朋友講英文比較native?

yfchoy

要令小朋友講到native english，多聽多講多睇係不二法門，但要令小朋友有興趣學才是最重要。可能大家會話好難令小朋友有興趣，怎樣令小朋友有興趣相信只有家長自己才最清楚，但有一點要令小朋友明白，英文並不可怕而且幾好聽，好似唱歌仔咁，嘗試找尋當中的趣味。我暫時仍未令女兒提起興趣，唯有選擇一些佢喜歡既卡通既英文書睇，初時睇圖，遲啲希望可以睇埋字。
不過，我以過來人可跟樓主說，我學的英語雖然生字唔算多和深，但一出口總能騙得到人們以為我在外國很久，聽落一點都唔似香港人講英語(去了澳洲3年半讀書)。可能樓主以為我的口音是在留學學回來，但是錯了！我的口音是在中三時跟學校英文老師經常談話開始(我的中學是一間當年band 5學校)，大部份同學都唔理該英文老師(佢是黑皮膚人，唔清楚是哪國藉，但口音絕對冇問題)。每天我都諗問題跟老師溝通，而且我喜歡英文歌，會跟住流行曲哼，有歌詞就跟歌詞，會看西片，邊追字幕邊聽邊學佢哋講話的語氣。後來，每天都會睇6點明珠台的外國肥皂劇(當年有一時段必播)，有時有字幕，冇既就要靠估。久而久之，跟本不再需要扮外國人既口音都會有自己既一套出嚟，而講出嚟既感覺係絕對唔覺係做作。因為當講英文時的語氣就係有感情，正如跟朋友一般談話係唔會完全冇感情，一切都嚟得好自然。我記得曾經有一位導師(當時讀VTC緊酒店課程)要求我哋每日讀一段英文報紙報導出來時，佢一聽我讀英文即刻問咗句我係咪係外國返嚟，但其實當時我從未去過外國呢！雖然有時我仍會詞不達意，但跟外國人談話時佢哋好多時都唔介意自己表達得唔好。學任何語言都好，最緊要胆大多講。好多人既通病係怕講錯被人笑，但我發現這情況通常會出現返係香港人自己身上，笑別人說得唔啱。但小朋友一般來說都唔會怕講錯話(除非好怕醜)，所以多鼓勵佢哋多聽多講多接觸，為佢哋建立信心，就算講錯都唔怕被人笑(笑人的人才是愚蠢的人)，佢哋會學得很快！我爸爸從我自細開始咩歌都會聽，聽到很多好聽英文舊歌。興趣不自覺地由此而起。但有一點一定要明白，若果發現自己的英語口音不太好又不想小朋友學不正的口音，盡可能別以英語跟小朋友對話(我自己都唔會同囡囡講英文，除了讀書時。老公外國生活十幾年亦唔會同囡囡講英語，除咗好嬲時佢就會不自覺地講英文罵人)，學習外語會話，通常都係先模仿當地人口音，熟能生巧，多練習，慢慢就完全不用去想怎樣先講得像native speaker。

yfchoy

MASAYA 發表於 14-9-23 11:07
多謝分享，我鍾意睇人地自己既故事多過育兒心得

多謝欣賞，所以我覺得，若果營造到一個類似外國的環境俾小朋友去不自覺地適應固然係好，但這是被動的，倒不及小朋友自己去尋求知識的好和珍惜。若然一切只是環境所迫而去學，一旦發現英語不再較以前的常用(如轉了中文學校)，小朋友會盡量去避免接觸，久而久之就會生疏。若本身對英文是有興趣，總會揾方法去接觸，呢樣就係主動和被動學習既分別和效益。我到現在為止仍不停找一些外國drama去睇，去學一些新的詞彙。
以上可能大家未必十分認同(十分明白好難去令小朋友對英文產生興趣，我都嘗試緊，但個人經驗話我知能令小朋友有興趣學習才是最好)，不喜勿插。

yfchoy

anthony010103 發表於 14-9-23 23:31
但是從肥皂劇怎學到外國人用多連音連句，connected speech？

其實你可細心留意，英語、普通話和廣東話的會話分別，你會發現一樣嘢，外國人常常說普通話較廣東話容易，因為廣東話太多口語化。另外，廣東話的音普遍都係平音(單一音調)，但普通話和英語一樣係有高低大細音調，所以外國人學普通話會話都會易上手啲。香港人講英文係一隻隻字"dun"出嚟(我只係講話自己講得唔好聽既人，請勿插我)，聽落當然唔好聽，就筧唔"dun"出嚟，都會好刻意咁用高低音去講，全部公式化，如：以前學校老師教講英文發問問題時，一定話最好隻字個音要高，但諗諗若所有都平音咁講，突然最尾個字高音，係人聽到都覺唔舒服。我初時係只睇電影，因為較多資訊告知好唔好睇，而睇電視學英文其實係需要好長時間專心去聽和睇。首先，你真係要當睇英文片係娛樂緊自己而非學英文，有慾望去想知道佢哋講既嘢，所以我當時都係有選擇地睇自己喜歡肥皂劇。我諗頭一年我都只可跟到字幕去了解劇情，有時候你會發現有些好短小既句子(演員的一些感情表達)，我就由嗰啲去開始學習佢哋既Ascent，學佢哋講，初初係怪怪的，不要害怕，其實久而久之，當加埋自己既感覺在說話中時就不自覺有自己的一套。另外，不能決小的是跟流行曲唱歌(我初時聽慢舊歌，好多歌手都唱得好發音清晰，跟住一跟聽流行曲慢到快，但我絕對rap唔到)，模仿佢哋既聲和神韻，這是很有用的。初時我會建議跟native speaker講，但熟練後就一定不能跟，你用廣東話談話都唔會每句話都諗用咩唔氣好啦！
其實香港人的會話可能講得不好聽，但在於文法上好多時比外國人講究好多(尤其美國人)，因為外國人好習以為常地講一些話(如A+B就一定跟C，但未必會去了解點解會咁)，所以英式英語係比美式英語講既時候優雅動聽多(可惜我聽的全是美劇，所以我相信我的口音都是美式多，有時講得太"LUR"俾老公笑我唔知講乜)。

yfchoy

tutik 發表於 14-9-23 15:14
回覆 mansum92 的帖子

同意，小小愚見，我上個暑假跟小兒學Ipa, 也有提到口語問題，即句子中 Linking, 重 ...

十分同意，現在出了很多英文故事連audio book，我都係全部將佢錄落IPOD比囡囡自己跟住本書嚟睇(雖然佢唔係成日睇，但因為聽多了，記了故事再睇書講出嚟都有8成準，但唔知佢係靠記憶讀定係認得啲字)。揾啲小朋友有興趣既書，我之前就買咗10本8本迪士尼系列書和公主系列書，全部故事由女女揀。初時唔肯聽住嚟睇，後來因為家裡冇人可以講俾佢聽和睇(我在職，家裡冇姐姐，女女在家時一定係忙做家務)，佢就開始要自己嚟。有時瞓覺佢瞓唔着都會播故事佢聽(當bedtime story)，慢慢小朋友就會接受咗呢種講故事形式。若找audio book，最好揾係大人發音而非小孩，因為小孩會話不太清楚。

yfchoy

phyllislau 發表於 14-9-24 12:21
我之前買咗set oxford reading tree. 張CD放埋一邊，以架聽你地講完，等我叫囡囡每日跟住呢讀先



  ...

你要比耐性佢去做，初時小女點都唔肯自己睇，要人陪先睇。過一段時間(放咗係度半年)，可能接觸嗰啲故事多咗(人大咗)，我又開始減佢既睇電視時間但俾佢做其他嘢，佢玩到太無聊唔知做乜好又想聽故仔，就自己攞本故事書睇圖畫，慢慢地，覺得只看圖畫冇人講唔好睇但又冇人得閒講佢聽，佢就開始攞番部IPOD嚟聽住睇(我初時冇錄晒，因為佢唔睇，跟住佢開始想睇時我就錄晒落去，小朋友又喜歡搞IPOD，但我的IPOD係咩都冇，得啲畫畫遊戲係裡面)，可以周圍攞住嚟聽，係佢認為最輕鬆既情況去睇(有時佢會係梳化睇，有時走上床睇)，總之務求佢突然想聽就隨時有人講到佢聽，聽熟咗就算揾唔到IPOD都可以自己睇。近期佢鍾意畫畫就將啲audio book放埋一邊，最多睇吓Frozen (唔知幾時會出audio book呢？)。另外，小朋友有時喜愛扮老師，呢點都可以用嚟鼓勵佢哋睇完故事書講番俾大人聽。
我唔太清楚oxford點提示小朋友睇哪頁，但迪士尼嗰本就每講完一版就"叮"一聲。

yfchoy

Feelinggreat 發表於 14-9-25 16:02
佢大幾大先? 6-7歲小一前都仲還可以只靠睇電視, 到大個D要深層思考, 果D英文唔夠用架啦...



  ...

講得冇錯，睇電視係唔會教到文法，因為睇緊既大多數都唔係文學作品改編。睇電視聽歌係學佢哋既slang或一般對話方式`。但樓主一路講緊既都只係講，而一般外國人好小會理文法如何，所以要深層思考為何這樣講係要靠睇文法書之類。而要寫作好係一定要多睇書和練習，會話聆聽好就要多聽多講多睇TV，兩樣可說是完全不同學習方式。

yfchoy

shirley2014 發表於 14-9-28 08:56
是不是錄D有聲有畫的？如何做？可否詳細D，我女少在這些環境學英文，自己也講吾好，所以少教，出去學又不願 ...

除了電視卡通和電影，只會有聲的CD和書。我現在冇強迫佢去聽英文(當佢抗拒時)，俾佢聽多啲公主故事既中文版，慢慢才要佢聽英文(說找不到中文版，唔見咗)。當佢開始對某故事上癮的話，就算有中文就英文都要。有些故事書是連CD的，用software轉檔放在IPOD，可以佢喜愛隨時聽。小朋友是否很細(要陪才肯出去學)？有時小朋友真的未準備好，大人若不介意，不防放慢下來，待佢哋大些，心態有機會改變，就會容易好多。總之現在要慢慢從不同途徑浸入英語，讓小朋友識應先。

yfchoy

shirley2014 發表於 14-9-29 13:45
三歲讀K1，之前在另外一間學校上過N班，返幼稚園無問題，但要去上英文、芭蕾舞、返教會同D小朋友玩就吾得， ...

小朋友抗拒睇字，好快冇興趣唔睇，或者講講吓佢就問其他嘢‥‥呢啲問題我經歷過。不過好彩女女由細在嬰園長大，早已習慣沒有我在身邊跟老師或其他小朋友相處。其實暫時未必做到啲乜(我嗰時後來都由得佢)，有諗過唔想再留啲書，但到K3後期，囡囡開始自己從睇迪士尼書。由於在校學既字開始多，同學之前亦不停講啲佢未必清楚既故事，初時會叫我講，我拒絕多幾次，有時又唔得閒同佢睇，慢慢就會開始去自己揾嘢睇，不管睇圖好定文字好，比佢哋自己攞住嚟睇，現在剛小一開始，我發現其實佢比我預期佢識既字要多的呢！開始對字有感覺便可以同佢講，媽媽好忙碌(真的比佢感覺妳是真的)，讓佢自己先睇一陣。

yfchoy

shirley2014 發表於 14-10-8 13:49
請問點轉換，即CD轉換格式可以在手機播放，THX

可用I-Tune轉換，加埋相都得

yfchoy

放Android機都得，只要揾到條Path，檔案係MP3格式。我成日張啲歌咁樣轉