有冇小朋友同我仔一樣？

小曳人

媽媽，你心目中點先叫資優呀？
記性好，認讀能力高，數感如何？係咪好細就自己睇書？

資優兒學習能力強，對好多事物都有興趣，有自學能力
你可以上HKAGE網站睇一睇資優特性，如有需要，可參與HKAGE或小童群益會嘅情緒小組


講真，有上面嘅能力，已經唔係普通人，但如果你唔鍾意用資優呢個字眼都無問題，但作為家長必須了解呢類小朋友EQ好多時都比較差，需要花多d精神時間去幫佢

小曳人

呢度應該大部份人都面對孩子情緒問題，我自己呢刻都搵人幫緊，其實hkage好多家長講座都有教家長處理小朋友情緒問題，我覺得係咪資優唔緊要，最緊要係佢教你幾招，你用過有無效！

如果你無打算做評估，我建議你俾空間佢自學就得，唔好打壓好奇心，多d俾佢學自理同做家務，多d教佢同理心，上到小學 (或者已經讀緊小一？) 問下老師佢嘅情況，你會得到較客觀嘅睇法

其實資優兒唔駛特別落力栽培，你容許佢自已學就得，只要keep得住佢對學習嘅興趣，就已經"夠叻"架喇~ 最怕係佢上堂覺得悶，搞事啫~ 如果係咁，就可能要加深，或者引導好奇心去其他地方...
如果你想知多d，或者想搵人幫手，試下接觸hkage，佢地有免費熱線服務，email都得，可能可以解決你部份疑慮