會讀2010 K1報到區

teenasmum

早兩日同我鄰居陳太閒聊，佢細女讀緊胡素貞二年級，佢同我講好多時中午湊佢個女返學都會遇到我個女放學，仲話俾我知佢細女果班考前幾名都係金巴倫出黎，叫我唔好諗轉校，呢間好呀，一於繼續讀啦！佢細女以前讀的幼稚園（碧濤）太hea，一上小學就追得非常辛苦。

我心諗，難得我個女咁鍾意間學校，我從來都冇諗過同佢轉校喎，不過呀陳太咁權威我當然冇say no啦。

講真，小朋友考第幾我同佢老豆都冇乜所謂，我比較重視小朋友能力到時，學校是否把握到時機俾佢地作新嘗試，適當地刺激佢地，帶起佢地對學習既興趣。因為等小朋友自己乜都做到時先教，佢地就會悶到抽筋，自己有自己玩睬你都傻，久而久之就慣左用呢種態度對教佢地既人，hea慣曬，一換教學環境就好難適應。

So far我都仍然同意學校的教育方向，班主任對小朋友亦好愛錫好關注，個人對學校整體都幾滿意。

teenasmum

我只能講講我個女既情況，佢家陣讀緊N1，功課未能夠話主動拎出黎做，但表現得好鍾意做，我晚晚自己陪佢做功課，都係三五分鐘就做完，最耐都唔過十分鐘，有時我會行開拎d野，返黎已經見佢自己做完。

佢個人原本做野好求其，返左學幾個月，放聖誕假前我發覺佢開始主動清理檯面（我從來冇乜要求佢，佢老豆亦會自動同佢清理），果一連串動作真係睇得我有少少感動，我同佢老豆講：「佢tidy up呀！！！」一個學期未完已經有咁既進步，我已經好安慰。相信佢讀完L2，再讀埋U3，發展會更全面。

以前我都有d疑惑，d家長淨係話金巴倫出黎既學生英文一定冇問題，咁其他方面呢？我家陣諗，可能家長都同我一樣，對學校既教學同照顧已經好信任，放心將時間投入其他方面。我都好耐冇上黎喇，見各位媽咪好似我舊年咁頭痕，先出黎講幾句。

原帖由 lenny1130 於 09-12-21 23:00 發表
teenasmum,

我想問....金巴倫讀既小朋友..自律性高唔高...返屋企會唔會自動自覺做功課...
其實我都好擔心教佢做功課既問題....如果下下都要等我地返黎先肯做功課...就慘啦...有時OT都唔知點算....因為KV同KM啲comme ...

[ 本帖最後由 teenasmum 於 09-12-22 09:28 編輯 ]

teenasmum

係呀，自由參加，放學同下晝班一齊放，坐返學架校車返屋企。