基福 Vs聖安德烈

kathysuen

基x前身一半係基X下午班，並不是你們想像的好，你地只係比聖紀文吸引左，睇漏了另一半所帶來的影響！

我八六年入讀基X上午班，那時只有善X係響噹噹的，其餘可以話係村童及壞分子就讀！基愛下午班係出名曳的，三年級時我放學他們返學，已經可以粗口滿天飛，當然上午班也不是乖得很，但始終好好多！

不講太遠，我細佬01年入讀基X下午班，那時他是一個非常乖巧的小朋友，但不足半個學期，他已經可以係學校賭公字，幾個同學一齊呃乖同學的小食，甚至恐嚇，學校無理，只係同學媽咪打來才知這樣子，但事件原來已經係持續左一個月啊！我知本性壞就容易出事，但我亦相信除了家庭教育，學校好唔好都好重要，同埋近諸者赤近墨者黑！直至02年我爸爸過身，一個七歲多的小朋友，沒有了爸爸，學校知道後並沒有請社工輔導，更加不聞不問，直到六年級他過我到住了一個學期，我才知道這間學校只會顧乖的，壞的就自生自滅，總之你有返學坐係到就得啦！我問佢班主任點解唔搵社工處理這班學生的情緒及操守，他支悟以對，也沒有答我問題匆匆掛線！那年仲有差不多半個學期就畢業，搬去新校舍，好壞就更加明顯啦，幸運地聖XX的同學只係由聖XX老師教返，並不是混合一起，升中了，成班廿幾人決定一齊入陳XX，我聽到後就問點解，佢話成班人一齊好玩囉！阿sir話最好啦，你地成班最好一齊呀！(內裡意思你們自己諗吧)！好了升中啦！成班有十幾人如願入到陳XX，但不到兩個月已經被差館接收啦，學校叫佢地不停請事假直到法庭有定案先決定要唔要求退學，成班十二歲兒童，為什麼會這樣，除了本質壞，家庭責任外，學校是否真的可以愛理不理甚至處身事外，所以揀學校唔好睇近幾年口卑，最好睇埋佢歷史，否則就誤了自己小朋友的一生。我只係講事實，唔鍾意聽請恕罪！