蔡繼有 2010/11已被取錄小一家長請報到 !!!

Penguin88

小兒今年二年級，舊年打番學校office問有關冬天校服問題，有問過可唔可以唔買校褸，個職員好似覺得我問得好奇，佢答我話校褸係整套校服嘅一部份，應該要買。其後觀察亦發覺大部份學生都有著校褸，尤其是唔係凍到要著down jacket嘅時候著校褸都適合。

另外，問過蔡主任有關down jacket，佢係話買藍色，反而冇話要啡色。至於長褲，我係買街外嘅，因為校服公司賣嘅雖然比較好睇因為質地同校服短褲一樣，但正因為咁我嫌佢太薄唔夠暖。

大家可參考。

Penguin88

原帖由 HeiHeiMa 於 10-10-17 15:59 發表
請問down jacket如果係寶藍色得唔得呢?
長褲係咪一定要exactly短褲果種啡色?

我都唔知寶藍色得唔得，但我覺得喺呢方面學校唔係執得好緊，應該都可以。
至於長褲，好難搵得到短褲嗰種啡色，我都係買深啡色，冇問題。

Penguin88

原帖由 HeiHeiMa 於 10-10-17 23:46 發表
Penguin88:
唔該晒!
請問你小朋友係咪全個冬季都係著長褲? 我囝囝唔肯著短褲, 如果著條同校服公司唔同o既啡色, 唔知會唔會太礙眼呢!

rhythmwawa:
請問果d質地係咪厚d? ...

理論上係13度以下先可以著長褲，但學校比市區凍啲，如果市區有14/15度仍然著長褲都應該OK。成個冬天著長褲可能唔係幾好，好似剛換季時通常都未係好凍，個個都著短褲，咁你囝囝著長褲會好突出。而且主任見多數人都著短褲得幾個著長褲時都會出聲。當然如果有特別理由可以同學校講。

如果只係小朋友唔鍾意著短褲，咁你咪俾佢著長褲，等老師出聲話得唔得。老師講一句好過阿媽講10句。