九龍真光小學/聖羅撒/陳守仁

camry16618

不是賣花讚花香,我個仔都是讀陳守仁,由於是英小,又有同學仔是外籍人仕,好多時都要用英文溝通,除了上中文用普通話教授,其它科目都要用英語連上PE堂都是,所以英語表達能力特別強,去學校面試時我個仔用英語同普通話是最有信心,返而中文就弱小小,唯一可惜是坊間對陳守仁認識不多,所以小朋友出去見學校真是要依靠自己平時有無努力讀書又或是在課外活動有什麼強行!我認識上一年有個學生(大約全級3X/1X)考到華仁,我問他中學生活如何?他說在華仁學習很開心,今年全級成績是2X,全班就第一,原因是其他同學好多都是來自德信又或是中文小學,由於上堂是要用英文教授,所以其他同學會比較吃力!.如果要揀小學,我覺得英小比較重要,其它就要看你自己如何取捨!

camry16618

別人的我就不太清楚,但我自己經歷就是一定要去推動小朋友平時要溫室+補習,看看自己小朋友興趣在那一方面,加以培訓成為專一強行,到時去見學校都多D野寫!我認識有一位同學,她以前是同我個仔一間幼稚園同一班,跟住畢業後大家都上陳守仁,她的成績由小一至小六都是全級3名之內,我問她媽咪有什麼方法妳個女會咁叻?她媽咪說個女3年級時已經自己會做好功課,她的功課不讓媽咪跟進,只會給老師改錯.她從小就有跟公文補習普通話,所以普通話不比我個仔差(我孩子當年在深圳出生,媽咪從小就跟仔仔用普通話溝通),而且還有學習唱歌跟跳舞,真的不好意思,兩項都在香港公開比賽(應該是學界)都奪得第一,我問過她爸爸囡囡學咁多會唔會好辛苦?他爸爸話學習唱歌跟跳舞是她興趣,我沒有強迫她練習,她有空時就自己會去玩玩唱歌跟跳舞.今年去見st.paul co-education我同佢個女都有份見,佢個女就比st.paul co-education收了,我個仔連waiting list 都無,真係UPSET!陳守仁全級10名內有2個去考都只是waiting list,佢個女的媽媽話其實是想個女入女拔,結果真是比佢考到,但是佢囡囡話鍾意paul co-education.真係羨慕死人!我仔仔連IN男拔都無機會,所以,你話陳守仁出路如何,真的要好睇妳小朋友自己本身同你如何去培育.如果真的沒有選擇可以揀顔寶鈴,因為顔寶鈴校長年年都會到陳守仁招攬我們學生!

camry16618

忘記了仲有一間東九龍匯基書院,間學校都OK,我個仔都有去IN,仔仔話interview無難度SO EASY, 已經收到錄取信,但不會去讀,因為要去搏其它學校!

原帖由 share123 於 10-3-17 13:00 發表


我想問下,如果囡囡去TSL,中學有咩出路呀?