語障寶寶應該選擇什麼幼稚園?? (好唔開心呢!!)

Poto123

我都面對同一問題, 我個囡囡3歲5個月, 仲係單字得黎唔正, 近來我地覺得佢開始努力想講, 但我地唔係好明佢講乜.
老師有問我, 我話我地排緊期做assessment, 但老師給我的回應係, 做完後記得話比佢聽個結果. 我前兩天去接囡囡放學, 同老師講我地決定揾私人機構做治療, 老師仲話你將囡囡每次做完治療的功課比一份佢, 佢話等我地同你一齊訓練佢, 家校合作. 聽完都好感動.
我都覺得你講得啱, 應該同佢轉一間可以合作既幼稚園都好緊要.

原帖由 pccmama 於 09-9-27 22:10 發表
carsten,
過來人經驗, 建議你轉校, 因一個有語障的小朋友更加需要老師的接納及鼓勵, 個老師三日唔埋兩日就打黎, 又咁又咁, 你諗下, 對住你家長都咁樣, 對住小朋友會點呢?!
我個仔兩歲幾讀樓下一間好普通的幼兒園,  ...

Poto123

今天我再打去揾老師, 跟她說囡囡的功課, 老師話會同囡囡做, 同埋會聯絡我. 我也跟老師說不好意思, 因為某程度上增加了她們的工作. 老師回了一句," 大家都係想小朋友好". 心裏又感動了.
我會把囡囡的學校PM給你, 其實都唔好擔心有無學校收,  上年我同囡囡報佐好幾間, 就只有這一間收. 知道這一間收後, 我都索性不去其它了.
記緊幼稚園面試都好睇家長表現, 自己做少少準備啦!