一般人對s位的誤解

babymaggieleung

hinhinmummy,
我撐你呀!  
你真係好勇呀!仲勇個我呀!我有睇果個講"果種幼稚園"個topic呀!又難怪你咁滾既,我睇左都覺得有d滾,不過可能係發表既人d反應同詞句有d過激,所以令我地d同路人睇左覺得有d睇唔過眼吧!
我囡囡(有痒癇既小雪呀!記得冇呀?)返左s位8個月喇,而家叻左好多喇!雖然仲未識行坐爬,同埋講嘢,但係個子已經硬淨左好多,不時有想爬既動機,而且扶住嘢都肯從坐而站起身&企睹一陣,真係好多謝當初我新加入bk時支持我既一班bk媽(包括你呀)既支持同鼓勵,仲要俾d掌聲自己,有勇氣講小雪既事俾大家知,讓大家可以幫我,所以我好認同[唔好收埋自己d仔女];

brenda0505 ,
啱架!真係要學習控制情緒,照顧弱兒需要花好多倍既心機同精神,並唔係一件容易既事,好多時小朋友不自主既行為都會影響照顧者既情緒,同埋要面對家人,長輩,旁人既指責同目光...真係有唔少既壓力,里點我深深體會到,而更興幸既係,我年紀咁細,仲可以撐到而家,實在唔容易,從來冇諗過自己有咁既能耐去打里場長期戰役;其實有時都擔心自己會俾壓力打低,好擔心自己會逼出個精神病,不過只要自己肯開口講出黎,就算實質上幫唔睹,自己個心都會舒服d架!

大家要一齊努力呀!      

babymaggieleung

hinhinmummy,
thx!
曾經我都想過同雪雪去批吓命,改吓名咁,但係諗深d,如果改吓名就會好,咁就唔會有咁多小朋友有事啦!算命既嘢信就有唔信就冇,算左出黎唔好既話,自己又會唔開心,又成日凝住凝住咁,所以唔敢再諗算命既嘢喇!(以前我都會去求吓籤果d架)

啱架,軒軒真係好好運,好幸福,因為生喺你地既家庭,有父母家姐疼愛,唔係每個有病既小朋友都可以得到家人既愛架!所以有你地咁愛軒軒,對佢黎講,佢已經係世上最幸運既人!

你個仔真係幸福, 有個甘有心機的阿媽................

里句說話我中心既導師都同我講過,小朋友最幸福既事情就係得到摯親既愛嘛!我地都唔愛佢,咁仲有邊過愛呢!

唉~~!如果有機會的話,可以同你見吓面,傾吓計,我諗係一件唔錯既事呀!因為其實我對小雪既將來都有d模糊,無論係揀學校同將來既生活都充滿疑惑,而家諗定升小學既事,會唔會快左d呢?因為我對小雪能唔能夠讀返主流學校真係冇乜信心呀!

babymaggieleung

到小雪要揀學校同前路既時候,一定要向你取吓經至得喇!
有次去醫院覆診,同一個18診既弱兒既家長傾計既時候,俾另一個弱兒既家長聽睹小雪讀緊s位,果位媽媽佢教我話,如果小雪5歲評估左萬一係中弱的話,到時配學位時,如果派中度位俾我,叫我千其唔好要,一定要幫亞囡爭取一間輕中既學校,佢話評估中心係就小朋友當時既表現而做出評估,如果小朋友當時唔合作就有可能會被降低左,咁就要同亞囡爭取返一間輕中學校,咁囡囡第日至有機會upgrade返亞囡,同埋中度學既嘢,都係d生活技能既嘢,好似工場咁,冇書讀(果個媽咪係咁講),佢話如果亞囡本身係輕度,但係被評為中度,而又入埋中度學校,咁就一世喇!(佢係咁講)我都唔知係咪真係會咁

但係又諗,仲有3年幾至夠6歲,里段時間唔知亞囡會追返幾多,會唔會太早諗小學既事呢!同埋想問,你軒軒讀s位既初期,有冇去參觀s位既小學架?

babymaggieleung

wmbaba,
     冇諗過你係一位爸爸,而且仲願意為左孩子放棄銀紙同面子,當一個男人,肯為兒女放棄一個男人最重要的東西,好不容易呀!我真係好敬佩你,真心的呀!
[不要當自己是超人]里句話正正講左我既心事呀!我爸爸媽媽年紀大喇,99同62又要返工(而且佢地同囡囡好多"意見")我5個兄弟都不會揍小朋友,佢地D女朋友更加唔識啦!我老公專心搵錢養我地,講到揍女就慚愧喇,個女就黎3歲,爸爸都未識開奶=.="所以其他就更加唔洗指意佢幫睹手,結果我喺冇辦法之下唔可以唔當超人,我都好想休息架,無奈冇人可以幫手揍女,有時自己病左都仲要死頂,同朋友出街食飯,亞囡又唔識坐,攪到好唔好意思,結果就越來越同朋友出街喇!連一家3口出街都好少出去食飯喇!
有時都驚自己會不知不覺收埋自己,仲驚自己會抑"屈"添呀!好在得閒上黎BK傾吓計,唔係我諗我痴左好耐囉!!   

babymaggieleung

軒軒媽,
我參觀過一間輕中,學係話頭[美化左]咁樣,設施好好咁,不過就唔知佢地係咪真係教我好囉!
之後中心攪參觀[松嶺]...我都冇去喇,一黎覺得個女仲細,唔洗咁早,2黎唔希望亞囡有資格入(里樣係自己呃自己既,不過邊個父母唔"車"望小朋友可以喺里幾年進步多D呢),3黎自己了解唔多,睇左都唔知人地講乜,倒不如學係話頭,聽吓人1地讀緊既家長講好過!