想搵油尖旺區補習班

camum

仔仔小四 而家係一間補習社做功課 但啲功課比補習社老師對過後 每份功課都有好多錯 如果只錯一至二題 我可以接受 但通常錯三成 有時會錯一半 我知並不是老師唔識 而係佢地睇漏或無睇到 數學12題會錯4-5題 中文二板練習會錯幾題 再加十幾個寫錯字 好多時返到屋企 我要自己跟返啲功課

至於而默書 佢地唔係唔溫 阿囝話我聽老師有同佢溫 但到我返到屋企同佢再溫多次時 發現有好多字佢都唔識得寫
所以 每次不論中英默 都要我自己重頭再溫 先會有90-100 有時放工遲 無時間 淨係係補習社溫 好多時只拿到50-60 有時會唔合格 之前都有試其他補習社 但佢地好多都係請啲大專 HEA住咁教 做唔切就直接比答案我仔抄 呢個我係極度反對 而呢間起碼唔會比答案佢抄 (因為錯得咁多 應該不會吧)

想搵過間 都唔知搵邊間好 有無MAMI 可介紹?
而家呢間收費都唔平 每月接近2500