十五十六添, 我都好想兒子入讀國際學校, 但....

opakgn

國際學校學生可以經「非聯招」考入本地大學。
以前，本地國際學校學生經「非聯招」考入本地大學率偏低，因為以前傳統中學要讀7年，而家傳統學校改左334，讀6年中學。即是大家讀書年數一樣。情況可能會有轉變。
不過，唯一擔心係要考兩科語文，因為多數人會考中文（中國語文及文化）及英文（Use of English)　如果以國際學校學生嘅中文程度去考可能會差少少。（除非識第三種語文，不過可能仲難）
同埋而家有ｄ讀完副學士嘅學生都會經「非聯招」入番大學。
其實我都有呢個擔心，因為我個女讀緊EFS，雖然都有中文學，不過程度始終比較低，（認字同寫字比較弱）幸好係用普通話教中文。如果將來真係考唔到本地大學，可能試下番中國，再唔得先諗去外國囉。（我都唔想佢去咁遠）

opakgn

我個女係ＲＣ讀緊，其實當初都有考慮讀傳統學校。（因為諗住唔使交學費）幼稚園時幫佢報國際係諗住國際又得，傳統派位又得。
佢Ｐ１果陣我去咗做補習老師，諗住認識ｄ學生再睇下邊間小學好。但係我發覺ｄ學生好慘，勁多功課、默書。最慘係ｄ學生唔鐘意返學！返完學都好似咩都唔識咁。當然亦有小數學生資質好ｄ，或者接受到填鴨式教育，（即是可以迫得果ｄ），通常呢ｄ都係成績好個批。
我覺得小朋友學習首先係佢要有興趣去學，如果連學都唔想返仲講什麼學習呢？我會重視小朋友有求知慾，懂思考，同埋要係生活中學習，而唔係只係一個讀書機器。
不過，有ｄ家長會覺得國際學校ｄ程度（例如數學）比較淺，但我覺得唔可以比較，因為兩者教育方向唔同。傳統教學一定要訓練學生「識考試」，為咗ｋｅｅｐ住收到學生，唔會殺校，佢地都無辦法唔谷學生成績。
對於重視成績嘅定長，可能傳統學校會較適合。

opakgn

原帖由 opakgn 於 09-10-19 19:26 發表
我個女係ＲＣ讀緊，其實當初都有考慮讀傳統學校。（因為諗住唔使交學費）幼稚園時幫佢報國際係諗住國際又得，傳統派位又得。
佢Ｐ１果陣我去咗做補習老師，諗住認識ｄ學生再睇下邊間小學好。但係我發覺ｄ學生好慘，勁多功課、默書。最慘係ｄ學 ...

其實以個人睇法，如果你真係好想佢讀本地大學，傳統嘅小、中學會適合d。因為考入大學始終都係睇成績。
講真個句，國際學校學生唔係程度低，只係「考試技巧」無傳統學校學生好，傳統學校會訓練到d學生識考試。但國際學校就唔注重考試成績，較著重學生個人潛能發展。其實佢地好精靈，不過唔識考試。
(不過，好可惜，通常d家長會以成績作為量度標準)
如何取捨要好睇家長要求。
其實我自己覺得，而家d大學生無以前果d咁叻，可能係教學質素問題。我覺得佢地同10年前嘅中學程度差唔多。(雖然課程深咗，但係d人都唔吸收)

opakgn

Hello. 其實好少會有唔適應國際學校嘅學生，反而多數唔適應嘅係家長。你想像下返學好relax，又少默書，無考試，我諗好少學生會唔適應。
好多時唔適應嘅係家長，有時d家長會覺得唔知d仔女學咗d咩。好似我個女咁，小學係冇textbook，主要用老師d handout，具體上真係唔知佢學咗咩嘢。不過見佢返學都幾開心，同埋係某d事上有自己嘅見解，亦可以表達到出嚟。所以都覺得自己冇安排錯。
之前有聽過有d家長因為經濟問題，要由國際轉返傳統，d學生就真係好難適應。一來workload大咗好多，中文又追唔上，校規又多，好慘。所以真係要考慮清楚、選定，唔好轉來轉去，最後苦了學生。
亦聽過有傳統學校學生頂唔順，轉去國際，反而有好轉變。

我諗住比佢讀到中學後，考到本地大學就最好，否則想佢返中國讀。相信到咗果陣時，中國已經發展得好勁，加上好多外國公司同中國做生意。如果流利英文加普通話都會幾吃香，起碼冇咁擔心一畢業就失業先啦! (好似諗到好遠、好完美，不過據我所知其實北京、上海d大學都唔易入)
如果最後真係唔得嘅話，會送佢去英國囉，因為我地有教育津貼，英國係唯一選擇。

所以真係要努力儲錢!

opakgn

原帖由 msbeauty 於 09-10-21 10:23 發表
真的多謝你的分享.  我估計你應該是公務員家屬, 是嗎?  其實我亦是.  但據我所知, 教育津貼只去到19歲, 那若到時你的女兒會到英國留學, 那筆費用是好大的 (因已沒有津貼). 是嗎?

而且據我所知, 這津貼不是局限於去 ...

淨係英國可以咋，仲一定要寄宿至有。

其實d津貼係供唔到大學嘅，最多讀完高中。因為我同老公一人供緊一份保險，應該夠佢讀大學嘅。

我有d朋友(又係公務員)，一心諗住初中就送子女去英國，高中畢業就返香港考番本地大學。佢地小學就讀傳統學校/直資學校，中一開始去英國。咁樣可以享盡津貼(本地+海外)又用最少錢。但係我又覺得初中去好似太細，仲要我個係女仔呢!

仲有，如果用海外津貼，雖然每個月交嘅學費少咗，但係津貼咗嘅金額要立番稅架，所以其實冇想像中咁平。

今朝睇報紙話香港會起多幾間私立大學，我諗第日會有多d大學學位，希望可以係香港讀啦。(最多比貴d學費，都冇英國咁貴卦)

opakgn

其實去英國係諗住可以比少1年大學錢囉。
因為有年齡限制，正常17歲讀完year 13，最壞打算，佢去英國要repeat 1年year 13(18歲入大學year 1)仲可以用到津貼，當然年齡過咗就要自費。
其實我一直都有過問題，如果公務員子女係天才，例如15歲就考到大學，咁係咪可以全程都有津貼呢? (都係問下，唔知有冇lee d case)

opakgn

如果你對海外升學津貼有興趣，可以查詢下(內部)，每年都有talk講。我同我老公係果女3歲時聽過1次，諗住聽定d資料可以好預算d。

opakgn

Hello, 各位，好開心有相同諗法嘅朋友。

本地大學收生主要經「聯招」同「非聯招」，但係而家「非聯招」嘅競爭都幾大。因為以前冇咁多學生經「非聯招」入大學。以國際學校學生嚟講，以前多數都係諗住出國，又或者係個學生本身唔係本地人，佢地父母嚟香港做嘢，公司包埋未成年子女嘅教育，通常佢地都會返自己國家讀大學。但係而家多咗d本地人因為不相信/頂唔順傳統學制，而選擇讀國際學校嘅學生。(即係我地lee d)其實最終都想入番本地大學。再加埋d副學士畢業生、內地學生等。
我搵到lee段新聞，你可以睇下。
http://hk-pub.com/forum/thread-2386654-1-1.html

RC有中文學，普通話教。但程度就梗係冇傳統學校咁深。例如我個女，佢6歲Year 2，年齡等如傳統小學1年級生，但中文程度嚟講就應該冇。不過我都ｂｕｙ用普通話教中文科嘅。

opakgn

其實我冇認真比較過中文程度，但我有個而家讀緊小學嘅表弟，佢將佢K2時幼稚園(佢讀維多利亞)d中文認字卡比我個女，當時我個女year 1，都識唔到1/3。

我地係屋企講廣東話，其實佢d英文主要係學校學/用。佢幼稚園唔係讀名校(讀沙田好時光-International Class)可能因為咁，佢K1/K2好少同學，（連埋佢在內）K1得10個，K2時，因為出學卷，d同學有d轉去中文班，淨番5個。點知因為少人，佢d英文進步得好快。其實我果時唔知year 1係5歲讀，我報名時已經收哂，佢係第二輪考，又比佢好彩考到。因為當時算係新校，好多家長寧願選SJS（同區），我諗果時ｄ競爭又冇咁大。
佢果時幼稚園個校監都建議我比佢考RC，都係因為SJS競爭好大。（我唔想學校離屋企太遠，所以要選沙田區）

講開SJS－我識一個SJS嘅媽咪，聽佢講SJS都有中文堂（普通話）佢話唯一唔好係學校冇Canteen，要朝朝煮飯比個仔帶。

RC小學學費$6800，雜費係以年計，開學個陣一筆過比，好似千零蚊，至於school lunch就$26餐（都可以自己帶home lunch)。校巴就要睇地區，我地算近，每3個月比一次，拉平均每月約$800。(Service Provider -冠中）

EFS已經係最平嘅國際學校嚟，其他果ｄ（唔係EFS）間間都要成萬蚊一個月。（小學－中學唔止）

lee段新聞，你睇下。　
http://hk.news.yahoo.com/article/091021/4/esbe.html

opakgn

Hi, msbeauty.
其實我都係一個好普通嘅家庭，亦唔係專業人士。我相信任何父母，無論任何職業，大家對子女嘅愛都係一樣。
外國Passport holder & native English speaker係優先。不過唔代表其他無機會嘅。我個女夠兩樣都唔係啦。

如果你想佢入國際小學咁幼稚園就要讀國際。等佢自小適應學習環境/模式。小學可以考國際(5歲)又可以派位(6歲)。(當然如果有可能入傳統小學，就要自己教下中文)
傳統幼稚園就應該好難考到國際小學，我甚至懷疑interview機會都唔知有冇。

就我自己所見，國際學校學生同傳統學校學生係有分別嘅，兩者平日表現亦有唔同。當初亦有考慮直資(培僑)，但係幼稚園校監就話我個女多數考唔到，因為該校嘅target學生唔係類似我個女果d，最後都冇試。

如果佢讀開國際kinder，interview時表現番平時咁就得架啦。我覺得除此就冇咩特別準備。至於英文方面，如果kinder係國際，加上係屋企都要同姐姐講，我諗問題唔大囉。

有一個有趣的情況，我個女以前幼稚園讀國際班，反而隔離中文班有個鬼妹仔。(佢有身份証又有外國passport) 其實原理都係一樣，大家都做兩手準備啫。

opakgn

係呀，學費都係主要原因. That's why we chose ESF. 雖則話有allowence，但係都要自己貼，所以唔可以太貴。

如果你真係好想讀ESF嘅小學，入到佢嘅kinder梗係會大機會ｄ啦。至於國際班，以我個女果間，係全英語教，由一位class teacher（由返學至放學）take care 全班同學。另外，因為唔係名校，冇咩人讀，變咗真正小班教學，咁仲好。其實我個女冇讀PN，一讀就K1，K1前好少接觸英語／外國人。初初返學好唔慣，但係3個月後已經可以class teacher 溝通到。我唔係話international class好好，不過我只係唔想佢要同人死爭爛爭，咪搵間唔使爭。當然要問清楚教學模式，我見佢全程由外籍老師教我至選佢。如果國際幼稚園真係太貴，而又入唔到ESF嘅kinder，你可以睇下有冇其他心儀幼稚園（國際班），了解佢嘅教學模式。同一間學校，中文班同國際班可以係完全唔同。（正如我個女以前果間）
至於小學派位，只要係本地人，就可以參加。派中嘅學校一定要收，（除非你自己唔讀）我個女都有同學讀完year 1經派位轉番傳統小學，佢媽咪話好鍾意果間學校，同埋覺得國際ｄ程度低喎！每人都有自己嘅諗法，但我個人就唔係咁鼓勵，因為正如之前所講，國際轉傳統會好難適應，尤其是中文科會追得好辛苦。至於英文科，因為國際學校不會特別注重grammar，變咗中、英文科都冇優勢，仲衰。

opakgn

呀．．仲有，如果真係5歲冇國際收，咪讀住K3先，再一路考插班囉，如果都真係冇嘅就讀完K3至考year 1。（大其他人一歲，可能機會仲大ｄ）我以前都有擔心呢個問題，我果時仲驚，因為報嘅時候已經全部過哂deadline。（係幼稚園個校監教我嘅）

opakgn

原帖由 msbeauty 於 09-10-22 12:51 發表
是的, 我都有點擔心, 讀國際學校的學生不著重英文grammer, 他們只是講好流利, 但寫方面好弱, 是嗎? 那是否代表中, 英都學得不好?  

而且, 想問國際學校的課程是否比傳統學校淺d? 很少功課和考試嗎? 那怎樣知道他學 ...

佢d英文講同寫都ok，只係寫嘅時候可能有少少grammar上嘅mistake。之前講嘅係果d係只讀咗1年year 1嘅學生。同埋佢地學grammar同我以前學嘅方法亦唔同，佢地主要係用得多、講得多學到。
例如我以前學future tense，係記住will,shall...但我個女因為講得多，佢唔知'future tense'呢過term，但用嘅時候就用得啱。又例如學'past tense'我以前係要背'go、 went、gone'。佢無背過，但係知道發生咗要話went唔係go。我有問過佢知唔知點解，佢話比我聽'總之'係咁講。

如果英文程度就一定高過傳統學校，但中文就低d。很少功課，有時星期五有一份，有時一星期都冇一份。不過，每星期都有labrary堂，每人要借2本英文書加1本中文書。(要寫comments/晝圖畫都得)佢學校好注重d學生要成日reading。英文冇默書，反而中文就默過兩次(開學到而家)。無考試，冇排名次，每年會有2份assessment report，teachers會係每個area評番佢嘅表現，有咩achievement及邊度要improve。唔會同其他同學比較，純粹睇個學生嘅個人表現。

opakgn

原帖由 Yau_Cheung 於 09-10-22 13:44 發表
ESF 有年齡限制，讀完K3 係唔可以考 year 1，只可以申請入 year 2。

原來有限，sorry呀，我之前都唔知。如果係咁，year2 插班都唔係咁大機會喎!

opakgn

原帖由 cuteb 於 09-10-22 15:03 發表
sorry sorry, I got it, Sha Yin Good Time, but I think now there are many students la, not like b4....

OH....有可能我個女出世果年比較小BB。
佢2003年6月出世。
2002年因為「肓年」少咗人結婚，再加上2003年年頭打杖，跟住又有沙士.....(唔知關唔關事呢?) 不過又真係有d年份係特別多bb出世，例如「豬年、龍年」。

但係佢讀國際班果陣(2006)真係好少同學，同埋多人用學卷讀中文班。
估唔到而家咁多人讀呢!

opakgn

原帖由 PearPear 於 09-10-22 16:35 發表
Hi opakgn,

多謝你詳細的資料同分享!

據我知, RC而家已多左好多人報! 以前,boxhill小朋友絕大部份都入到RC, 但係而家聽講比率已少左, 因為RC收多左由外面九龍幼稚園學生!  

其實如果, st. cat, pre-school那些,  ...

其實我唔係好熟d幼稚園，只係將自己知道嘅講出嚟。你可以多d上網搵資料，同埋去d討論區睇下人地嘅意見。不過我覺得有時最準係自己嘅感覺。即是要親身去學校度(幼稚園)。我以前都係咁，係放學時間去果間幼稚園門口，睇下d小朋友係點，小朋友讀得開唔開心學係有樣睇。早少少去同d等湊放學嘅媽咪傾下，例如問下用咩語言，教學方法，功課多少等。多數媽咪都會肯同你講。(雖然多數都會話間學校好)
討論區可以參考，但最緊要自己鐘意囉。好似我報year 1時，都有參考討論區d媽咪意見，果時對RC都有幾多負面評語。但因為我同個女去過校舍，都好鐘意。所以都照報，而家都覺得幾好。

至於「培僑」同「王錦輝」都係直資學校，學費好似二千幾，lee 兩間學校係勁多人爭，好難入。我聽過有個「培僑」媽咪話平時返學、讀書係開心，但係一測驗、考試就辛苦，因為無操開。「王錦輝」果名係「浸會大學附屬小學(類似係咁)」。d家長見到「浸會大學」呢幾個字簡直發哂狂，個個都想入。
同埋其實直資學校都唔係唔睇成績，只不過佢地多元化d，好過傳統學校d。

opakgn

原帖由 PearPear 於 09-10-22 16:35 發表
Hi opakgn,

多謝你詳細的資料同分享!

據我知, RC而家已多左好多人報! 以前,boxhill小朋友絕大部份都入到RC, 但係而家聽講比率已少左, 因為RC收多左由外面九龍幼稚園學生!  

其實如果, st. cat, pre-school那些,  ...

RC好多時會invite家長返去幫手，我就因為要返工，淨係試過一次幫手帶我個女果班參觀科學館。(通常會預先比日子，需要嘅人數，家長如果available就通知class teacher)

RC其實唔係開辦咗好耐，所以唔清楚大學入學。
你可去睇下關於學校嘅history/story -
http://zh.wikipedia.org/wiki/%E5%95%9F%E6%96%B0%E6%9B%B8%E9%99%A2

opakgn

原帖由 PearPear 於 09-10-22 18:36 發表
Hi opakgn,

多謝分享!

其實我唔知係咪我唔係好認識呢2個, 定點？ 我感覺都係一般!  嘩, 原來呢2間都勁多人爭?  救命呀!  因為諗緊, 如果唔讀國際, 或國際唔收, 第日可以讀咩?...

因為我自細到而家都住沙田區，lee兩間學校由起緊開始，已經有好多家長「喉」住。
我有個朋友因為供緊樓，唔可以比仔仔讀國際，佢初初都諗住讀直資。但係我自己就有d疑惑: 雖然直資學校學習模式同傳統有分別，但最終大家都係排同一倏隊(即是同傳統學校學生考同一個公開試) 問題就係lee度。如果間學校真係以國際syllabus教，學生唔識考試，咁點樣同傳統學校學生flight呢?  相反，如果佢谷考試成績，咁又同傳統學校又咩分別? (仲要學費唔係平)
我個朋友最後都係經派位讀傳統學校。
(純粹個人睇法)

opakgn

原帖由 almom 於 09-10-22 19:50 發表



個人覺得, 如果你中意 RC, 你未必會中意培僑 & 王錦輝
相反, 如果你中意培僑 & 王錦輝, 你亦未必中意 RC

RC 課程係 IB, 與大家心目中的活動教學未必一樣 ...

完全同意，果時我都有去過培僑open day，都發覺佢唔係我想搵嘅學校。

opakgn

原帖由 cuteb 於 09-10-23 00:38 發表
其實都係需求問題, Boxhill加多咗中文, 最啱啲家長想要嘅, 2hrsEnglish, 15-30mins中文, 市場需要, 但我唔鍾意用cantonese教, 一係就全用PTH教, 讀IS都係咁, 我有同校長傾過, 佢話會考慮, 但唔知會否改策略?!

Boxhi ...

我都覺得中文(普通話)好重要。而家外國家長都比子女學國語。大家都睇到個勢，中國成為全世界第一強國應該唔會係好耐之後嘅事。到我地d子女大過出嚟做嘢嘅時候，應該更加要識寫、識睇中文、識講國語。雖然自己係中國人，但係母語係廣東話，所以一定要識中文、學好普通話。仲要大家唔好忘記，仲有一班國內學生，由於母語係國語，佢地d英語好流利，唔似我地d港式英語。我以前試過係進修時識過一班同學，佢地係中國人，但唔識廣東話，我地一直都係以英語交談。我開頭唔知佢地嚟自邊度，以為佢地係ABC，後尾至知佢地有d係北京人、有d係上海人，公司比佢地嚟香港上堂。佢地比我嘅impact好大，原來大陸人質素係lee十幾年間已經提升咗好多，(當然農村耕田果d唔計)d人有錢咗，下一代自然教育做得好好。以前就話香港人d英文好d，但係而家連lee個優勢都冇咗。