請問可以點教

whywhywhywhy

小兒今年六歲多，情緒不好，時發脾氣。每個教過他的老師都跟我說他很聰明，但每次講完都總有但係....！通常都係話佢唔肯做，明明識又唔肯試，有時覺得無興趣的便自己走埋一邊唔學，平時很多說話但要對大家說話便沒有信心，是信心不足，學校老師都說過他會舉手答問題，但如果你再繼續問他，他便不會再答，有時我問他為何這樣，他說因為自己害羞。其實我是在他小時候常會駡他，因為小時候的他真的很頑皮，到處惹事，但現在我已不停地讚他，有時他好像不信，但有時又很有信心一樣。從他三歲多因為不跟畫班老師合作，常常頑皮令畫班老師無法尊心教其他小朋友最後要離開那個他說喜歡的畫班，我已覺他學習上有問題，但我心想可能是因為他太喜歡畫班那老師，因為見老師不是集中在他身上而頑皮吧！但到後來他跳舞老師也跟我說他每遇自己覺得不好看或奇怪的舞步時，他便不會去跳，不跳是自己走開連看也不看，但當覺得那舞步很好看或有型時，他便會主動去練，並會排最前要第一個表演，而且會跳得很好。那時老師己跟我說他這樣覺東西是不行的，最後我問小兒他說他並不喜歡跳舞，所以也放棄跳了兩年多的舞蹈班！
後來我替他找了另一個畫班，可能信心多了，現在我也不用為他上畫班而煩惱。可惜他上其他班同樣發生老毛病，上英文班老師說他其實很聰明，而且懂很多生字，但總是沒信心說出來，而且也跟之前一樣，喜歡的會很尊心聽，不喜歡的也是自己走開坐一邊。而學打乒乓球就因為老師說了一句打錯了，他便說不想再學了，爸爸很努力買了一套打乒乓球的用具，book好場跟他一起打球，但他也是愛理不理，而且當你要教他，他便會很不開心走開，並說不想學，本來一家人很開心去打球，很多時都因他不發脾氣而不歡，我跟爸爸很努力去跟他說道理，但他每次都一樣，我是一個低eq的人，自從生下他後eq都高了不少，但我都是人，我都有脾氣，對著他我真的有點投降感覺。
他另一個大問題，是當他很開心笑一件事會笑很久，由最初大家覺得好笑好開心，到大家己停止不再笑，但他依然繼續笑，笑到最後令人討厭到底你還笑甚麼，他還不會停止，就是你駡他、打他、教導他、他也不懂停止。有時甚至係你並不知他在笑甚麼，可能在笑一些很無謂的事情，但笑到不能停止，真的令人很頭痛，今天晚上也是如此，笑到好像傻子一樣，完全的控制不了，我真的很難受，但你說他真的控制不到又不是，只要我跟他說一定是吃了雪糕才這樣笑，他便不會笑而說唔係，而且發脾氣駡人，你離開他又繼續再笑，唔知點教，請各家長指點？？

whywhywhywhy

無check過，應該唔係！最重要係想知用咩方法可以教到佢？或者有咩課程可以令佢有進步？有信心同肯面對失敗！

whywhywhywhy

原帖由 swyy_1217 於 10-7-14 14:57 發表

最好帶佢去做評估,因為我亞女都係甘,佢有d野好醒好肯做同去學,但又有d野完全冇興趣時就叫極都唔肯做,我覺得怪怪地,加上老師都話佢甘樣唔多好,佢成日係唔應該講野果陣係甘講,有時人地問佢野佢又一句都唔答,so我就去 ...

其實我之前都以為佢係ADHD，因為我見到ADHD同佢有D似。我重特登去左油麻地個服務中心度買左本有關ADHD的手冊，重有埋VCD睇點樣教呢D小朋友。但後來我在網上找到一個好平的小朋友能力測試，先知我攪錯左，因為ADHD的小朋友的專主力是不足，所以好多時都會唔理其他人，只係自己做自己的事，而且會東攪西攪。但我個仔測試出來的專注力比同年小朋友都要好，連個社工都話見我個仔本來諗住佢專注力會好差，但估唔到佢咁好。所以個次之後我知佢唔係ADHD。而家我重有本有關點教ADHD的書係度。
不過最近佢好似好左D，除左都有小小怕羞，但只針對佢識的人，如果有時有陌生人，反而佢唔會怕羞。而自信心都係 時有時無，畫畫佢最有信心，但其他運動就一般。justin2003講得都啱，呢D小朋友真係要俾好多愛心佢先得。如果我對佢EQ高D佢的確會做得好D。都係大家努力啦。

whywhywhywhy

小兒的自尊心的確很強，而且都有小氣，成日都會計你多d定佢多d，有時會話呢個世界真係唔公平，人地有佢無之類，但其實佢已經好好！之前我試過佢因為我話佢某d事情，後來佢大笑。個次我知佢係因為遮醜。但有時真係無事無幹就大笑，唔知佢做嘜！總之係好奇怪，我問佢佢都答我唔到點解會大笑。只係話佢停唔到！但近期已好了好多！不過一些壞習慣還是存在。我而家都係每日教下佢，同佢講下道理，小d自己發脾氣佢會好d。我都同佢講輸贏唔緊要，最重要係你有參與，但佢自己就好怕輸，有時同佢玩棋，佢輸左都會發脾氣唔開心，但我自問自小就教導他，不知為何他會這樣。所以而家會試下比佢嬴下，又俾佢輸下。

whywhywhywhy

原帖由 samuel89 於 10-7-27 17:07 發表


個人意見....你太早要小朋友"學習"了......所以本來應該出現在升中的反叛期狀況, 提早在升小學前已經出現了.....

多謝咁多位的意見！仔仔唔係阿氏保加症，因為之前都懷疑過，所以睇晒d資料。有好多特徵仔仔都無！
但我想想samuel89講，會唔會我真係太早俾佢學野呢！但我都只係一般父母咁，俾佢學基本野，而且都係興趣班多，學術性的都係今年先開始學英文，其他全部都係玩的課程，所以我唔明點解佢會咁？但好肯定佢好在乎輸贏，因為佢怕輸，所以佢有時唔想學。就算有時做補充練習，佢做錯，我教佢佢都會立刻發脾氣。但其實我無鬧佢，我只係好聲好氣同佢解釋問題一次，然後再引導佢想答案。但每次佢脾氣都好大，然後話佢真係唔識........！發晒脾氣！我都有諗過找社工幫手。但佢有時又好鬼正常！好乖！我諗可能真係我要見社工，係咪我教佢方法有問題呢？？？好煩！！

whywhywhywhy

教仔的確很難，所以有問題的時候真係要對外求助。這個星期我約左心理學家看看有否幫助！我都唔知係我的問題定係阿仔的問題。希望今次見面有用啦！！

whywhywhywhy

我個仔學的課外活動，全部都係佢自己話要去的，也有一些我提議佢去，但如果係我提議的，我會先問佢意見，佢話想去我先報。好似我話乒乓球咁，係佢話想學，所以我幫佢報，但到真正學習時，佢一發覺有困難，佢又會唔想學，有時可能係老師兇惡佢又話唔想學，通常咁我都一定要佢完成整個課程先可以唔學。而家覺得佢問題係好易放棄，但你想教佢佢又唔鐘意，可能係唔想輸，小小挫折就會發脾氣或放棄，我都在網上找了個烔樂社，有d EQ班上，我看看見完心理學家後有咩結果同提議先作決定。我自己EQ又低個仔EQ又低真係慘！

whywhywhywhy

我都盡量刻制自己唔好閙佢，但有時真係好難忍，出街走走走，無尾飛陀，一貶眼唔知去左邊？食飯大部份時間都唔係坐係張椅？成個過度活躍証咁(但佢唔係)！！係自動電梯走玩危險動作，話過好多次，道理講過好多次都無用！手多多，係街見野就掂，試過見到食過香口膠唔知係咩，用手拿來看！見到有警鐘電話唔知係咩又拿來打，好彩個電話係接去保安度！地鐵月台向服務員求救個紅色制都襟過，要即時同人講對唔住！有時真係唔想閙佢，但有d情況真係激到你好嬲！我俾個仔訓練左六年几eq，其實而家都叫高左好多！重有，無咩人肯照顧我個仔，因為佢真係好鬼麻煩！四歲几就試過同個九歲姐姐閙交，當時我唔係度，但朋友同我講番，而且重整爛人地屋企d野！真係唔好意思架！呢d全部都有同佢講唔可以咁，係不對的，但佢又好似無上心咁，下次又再重犯！我都唔知點先可以唔閙佢佢又知！！