英國物理治療系 (更新) ***7/2020***

bp123

好耐都冇上BK了，小女16年經foundation入physio，當時一直都好擔心會畢唔到業，因為聽人講都幾難讀，有人意見經foundation唔應該揀physio呢個系，但無奈地已揀了，真的是揀錯了嗎! 結果……
順利升上yr1，但由小女掛住拍拖(我覺得係)第一，二次考試都有2至3科唔合格，根據呢科既policy可以補考，但都唔合格就要離開，不可repeat。結果補考後還是有一科唔合格……當時我簡直崩潰，都唔知點算好……


https://www.edu-kingdom.com/forum.php?mod=viewthread&tid=3238826&fromuid=554441




＊＊更新 5/2020＊＊

由於疫情影響下最後一次placement取消了, 有關當局決定不用補回便可註冊, 現提供臨時註冊機制給予YR3既同學及退休人士藉以舒緩醫護人手, 小女仲有2次論文成績未公佈待公佈後合格便可在英國正式註冊。

不過最可惜就是畢業禮取消了學校會將畢業證書寄給畢業生，唔知會否補回本來一家人計劃去觀禮見證阿女戴四方帽順道旅遊現在可能要落空了。

***更新 7/2020***

經過咗幾年嘅高低起伏重重波折 小女今天 終於派成績表了  係我哋預計可以攞到最好嘅成績 second honor division one 畢業 我哋一家人都好開心 我簡直係放下咗心頭大石 覺得好似完成咗我人生當中一件大事 慶幸gap year嗰年 大家都冇放棄過先可以行到今日。
雖然將來仲有好長嘅路要行 希望佢可以繼續努力勇敢面對佢嘅人生。

bp123

回覆 bp123 的帖子

bp123

好彩學校仲有一個上訴機制，就係開board如果你有理據或者解釋到有咩原因影響今次既考試，通過的話就可以恩恤地比多最後一次機會再考。
不幸中之大幸，當時佢男朋友係佢考試期間，手受傷要打石膏，因此要照顧佢而影響考試，於是就用呢個理由見board，由於今次唔合格既科目係theory(所以更加覺得佢係懶惰)而practical方面既成績都幾好，所以最後個board都接受佢既上訴，比多一次機會小女，但唔會比佢repeat只係出年考期既時間你返嚟考試，唔會有堂上即係自修。
總可以暫時過關，之後既安排更是費神……

bp123

回覆 cy101 的帖子

額汗仲未完!

bp123

回覆 cy101 的帖子

其實佢都知衰，佢根本冇諗過有咁既結果。就算再考都要等到第二年既7月，對我同佢都係一種折磨。

bp123

接住落嚟就係收拾心情計畫未來既路，當時大家都好傍惶，首先要決定留係英國定返香港，佢好想係英國邊做pt邊自修，但係呢個status visa唔會cover，最後唯有返香港，一面做pt一面自修。
面對失學，失戀(返左香港一個月就分手)，失朋友，佢既人生簡直跌到落谷底，但我反而覺得係一個令佢重生既機會，雖然過程係痛苦。其間我有試探過佢，如果冇信心不如出嚟搵嘢做，冇謂浪費時間，過到一年過唔到第二年，我唔想擔驚受怕，幸好佢冇放棄自己，佢話會痛定思痛，叫我比個機會佢……

bp123

回覆 fung0001 的帖子

其實行到今時今日都未有結果，我都好希望係happy ending

bp123

回覆 fung0001 的帖子

都聽講過，東華好似仲傾緊未正式承認

bp123

回覆 Activehealth 的帖子

Hi,你好，好多謝你之前保貴既意見，都係個女唔爭氣，攪到如此田地!
我淨係知道佢考4科2科theory，2科practical衰左其中一科theory。
佢上年7月已經係香港補考左，好彩地pass左現在讀緊YR2，其實佢果屆foundation有5個overseas 學生全部都升到yr2，得佢failed… 佢上年9月已返英國開學，今次返英國佢比我感覺積極左同認真左，聖誕後考試全部都一take過pass左，最近開始左一連12星期既placement，每日做完placement 搭車返去時都會打電話比我講吓當日做左d咩，做左幾多個patient，佢地有咩問題等等……好似都幾enjoy咁。第一個星期攞3~4分(好彩唔計分)，第二星期攞5~7分，follow佢既物理治療師話佢第二星期嚟講已經算幾好，當然仲有好大進步空間，其中寫notes 部分比左7分佢，佢好開心開始覺得份工真係幫到人，好有使命感，希望佢可以繼續努力!
另外今年暑假佢將會有3個星期不計分既placement，可以留係英國做，但佢揀左去斯理蘭卡，話可以見識多d嘢喎，我都有d 擔心，始終係比較落後既國家嘛！

bp123

回覆 cy101 的帖子

加油哦…!

bp123

回覆 rainbowwall 的帖子

多謝你!

bp123

回覆 Zsokol 的帖子

作為父母完全明白你既感受，尤其聽到佢在學業上遇到困難，自己又幫不上既時候，真係唔知點算好。等考試結果時，又是另一種折磨，想快d知道但又驚接受唔到，真是 虐人。我老公比我睇得開，時常話既來之則安之，盡左自己能力就好了。希望各位家長都一齊加油!在此祝你女兒順利過關，祈盼你既好消息。

bp123

bp123

回覆 yamsui 的帖子

多謝 ！還未正式畢業 尚有兩個論文分數待公佈 。你囡囡返了香港嗎? Yr1主要讀理論 我女背書比較差 所以衰咗 要repeat 希望你囡囡 努力加油

bp123

回覆 yamsui 的帖子

阿女本來6月頭返香港，但Emirates 話6月航班全部取消左，而家要7月頭先返到嚟

bp123

回覆 Activehealth 的帖子

多謝關心，佢而家已經有900小時，英國本身好似要1000小時先可註冊，所以少咗一次都仍然夠時數香港註冊。

bp123

回覆 Activehealth 的帖子

由於疫情影響最後一次placement取消了 有關當局亦 特事特辦 表明可接受時數不足1000小時 的註冊申請 但沒有明確指示最少要多少時數 估計是80％ 而學校亦願意為需要海外註冊 而時數不足的同學 作出特別安排。

要在香港註冊必須要擁有外國認可之物理治療師資格才可在香港申請註冊 因此必須在英國註冊後才可回港申請註冊。

小女上屆有同學回港 大概半年後便在公立醫院上班 因此估計註冊時間大概需要半年 。小女早一兩屆的師兄姐們 共有三個都在香港公立醫院返工 但他們有一個共通點 就是在香港完成dsc後 才到英國讀大學 然後回港工作 但是小女是在英國考GESE同ALevel的 擔心會否影響被取錄機會。

bp123

回覆 Activehealth 的帖子

現在物理治療師在私人市場就業情況如何呢？ 缺人嗎？
不過我想對於初出嚟做事的新人嚟講 做公立醫院比較穩妥 在吸收經驗及入息上都較為穩定， 當累積經驗後再選擇是否投入私人市場 會好些吧！

bp123

回覆 Activehealth 的帖子

我自己之前都讀過物理治療助理既短期證書課程，了解到其實做老人院同特殊教育既物理治療工作真係幾厭惡性，需要好大既耐性同體力，自問真係做不了。不過物理治療師既工作應該會好d掛。

bp123

回覆 yamsui 的帖子

阿女而家都有喺英國同香港搵工， 佢話邊度有offer就去邊度做，畢竟在英國讀了10年書 某程度上已適應那邊生活。