睇完尋晚既[鏗鏘集]，大家對英華有無改觀？

aryee

原帖由 囝囝爸 於 10-3-17 16:58 發表
英華和鮮魚行, 一間拔尖, 一間補底, 一間想打造成名校, 一間避免殺校.  講到學習愉快, 英華競爭強手環伺, 鮮魚行只自求多褔, 應容易得多.

但如果講崇高教學理念，鮮魚行先真係做到有教無類

aryee

原帖由 October. 於 10-3-17 22:35 發表
不可否認鮮魚行校長為學校做咗好多野, 但是,成效顯然不大, 試想想,什麼人會為了校長送面包和罐頭而將子女送去就讀呢? 好現實,如果粱校長可以將學生教到70%BAND 1,好多人都撲到去架. ...

成效不大，咩成效﹖

英華校長係響2000個學生入面揀150個成績好，品行好，家庭支援又足夠既人入讀，再為佢地打造愉快學習既口號/環境，將學校做到迪士尼咁開心，簡直錦上添花，無懈可擊！

鮮魚行又做緊咩﹖學生黎自基層，基礎唔好，唔好講家庭支援，基本上可能基本家庭收入都成問題，校長為佢地安家，為佢地張羅柴米油鹽，為每個學生預備早餐文具，由學生基本生活開始關心起，就好似當初教會派奶粉一樣。鮮魚行唔係講緊on top of好成績，你仲要愉快學習，佢係講緊點樣幫學生解決生活上既問題，好等佢地建立家庭責任感，從而幫助佢地讀書，希望將來知識改變命運。呢種係雪中送炭既愛既表現，唔係下下只掛住做band 1。

我唔明點樣比較兩間學校，然後話鮮魚行成效顯然不大﹖

將鮮魚行打造成band 1有何難﹖課程改革，請多幾個net，或者好似英華咁，轉做直資，揀成績好既學生，有幾難，問題係梁校過去幾年d時間都用響關心學生基本問題度，過去幾年，佢唔係為學校banding而戰，而係為學生而努力！

但英華係一間好學校，我唔反對，林校長亦係一位稱職有餘既校長！

aryee

原帖由 littlefaith 於 10-4-1 17:52 發表


算吧啦，香港很多家長早已忘掉什麼才是真正的教育。在這些家長的眼中，名校、成績是教育最重要部分，怎樣也改不了他們的觀點。

這是香港教育一直沒有起色的死因。 ...

我都問緊有教無類呢d咁崇高既理念係咪仲適合現今競爭咁強既社會，一方面我好尊重仍然守呢一套既教育人仕，另一方面，我亦明白名校、直資、私校為左保住成績，無法再將呢樣野放入辦學理念，我自己既立場係點揀呢﹖我還在反思。

[ 本帖最後由 aryee 於 10-4-1 18:13 編輯 ]