専注力不足及過度活躍症(ADHD)兒童家長站

小彬女

Cow 仔,

你好呀, 我個小朋友都可能有過度活躍症, 現正排緊期等睇醫生, 我想問一個問題, 小朋友食左藥之後是否真的有改善呢, 我最擔心既就係佢地既脾氣好差, 食左藥胃口已經不好, 會唔會更易發脾氣!

小彬女

esweet,


起初聽見要食藥, 真的比較擔心副作用, 但現階段聽見你們的意見, 都放心起來.  還有, 請問你的小朋友是吃那一隻藥呀, 同埋唔需要返學的日子是否都有食藥呢 ?

小彬女

esweet,

唔該晒你呀，不過我聽人說初初食就要試藥，多數唔會比咁長效果隻，而4個鐘果隻副作用比較大, 是不是呀?

同埋, 食左藥之後會唔會影響佢地既活動, e.g. 去游水等等

小彬女

esweet,

真係唔晒晒你, 我都有d 放心, 但最終都要醫生既決定, 聽說初頭試藥都會比時間短效d 既Ritalin, 如果真係比Ritalin佢食, 都冇得揀. 不過做父母既一定唔想個仔食左藥之後有副作用啦     面對既壓大仲更加大.

還有, 請問你是睇私家醫生還是政府的.

唔好意思, 咁多問題?

小彬女

其實我地真係好辛苦, 呢個病帶比我地呢班媽咪好大壓力, 而家社會既資源又唔足夠, 我地又可以點樣幫佢地呢.

好似我而家咁, 我都唔知點樣可以幫助我仔, 有時我見到我仔發脾氣完全控制唔到自己, 我好心痛, 就算食左藥也未必能完全康復.

      

小彬女

anna_gigi,


其實我想問eye-q 同dha 有乜分別呀

小彬女

anna_gigi/當媽,

其實我想問下你地小朋友既學校接唔接受佢地呢d細佬, 我眼我仔間學校就唔係好接受, 佢比左好多壓力我, 我有時都好痛心, 我仔比老師/校長同樣地傷害佢自尊心, 我都唔知點可以幫到佢.


    

小彬女

Anna_gigi/當媽

學校給予我既壓力都不算問題, 我自己還可以應付, 問題係點解校長/老師帶比小朋友既傷害, 唔通他們都沒有仔女嗎? 換轉個角色睇, 佢地又會點呢?

連呢一點愛心都冇, 又點能辦學呢? 就算沒有愛心都不是用言語來傷害個咁細既小朋友架, 小兒今年先一年級, 其餘五年又將會是怎樣過呢?

        

小彬女

當媽,

精神科醫生寫初頭估計我仔係有ADHD, 但要再跟進, 而學科話果封信唔得, 要求我叫醫生寫COMFIRMED 比佢地去申請撥款jar.

學校方面從來沒有証視呢個問題, 沒有將我仔既問題轉往教育局d 心理醫生.

小彬女

cow 仔,
我係另一個topic 見到你話上網訂eye-q, 可否教我點訂呀.


penants,
我想問下你個囡囡有冇做行為治療或其他, 我都想知點樣可以幫到個仔.

小彬女

當媽,

咁我係咪要打去問下有冇得試呀~~

penants,
咁好彩我仔小一既成績又未去到咁差, 全年佢都係唔記得帶一兩次功課, 只係成日唔見擦膠, 間尺, 上學期測試考試佢都可以攞到到高分, 不過操行就麻麻     希望今次考試唔好太差就得.

其實我好早都懷疑佢係adhd, 不過你地知政府排期有幾快架啦.     

小彬女

anna_gigi,

你都叫做捱左咁多年, 可能已經望到佢好番, 但係我先係剛剛起步, 仲有好慢長既時間. 我仔剛剛食左藥都係1個星期左右, 但係見到我仔食左藥係會定少少, 但d藥力過晒, 好似仲衰過未食, 完全都不能自制, 攪到公公/婆婆完全唔知點好, 個個個都好唔鐘意佢, 就連我自已都係.  

有時唔係想鬧佢, 明知佢有病唔關佢事, 但係睇到佢不受控制, 情緒更加唔駛講, 不停咁破壞, 自已都覺得好無助. (好似長期抗戰咁, 好辛苦)

    

小彬女

露絲
咁睇中醫係咪要日日煲藥架, 因為我唔係全職媽咪, 更加冇咁多時間, 再多問聲你在那裏睇中醫架, 收費貴唔貴, 如果有更好既方法我都盡量想去試.

當媽
你講既發展成對立性反叛行為, 我仔而家就好似咁, 佢d藥力過晒就完全都唔授控, 叫佢做東佢偏係同人作對, 大吵大鬧. 我都唔敢想像如果暑假唔食會有咩後果.


    

小彬女

當媽/露絲

"但提起副作用，就好大壓力了"======>你地可唔可以話我知呀, 睇到我好擔心呀

  

小彬女

anna_gigi


副作用- 消瘦,冇胃口,有時頭痛,嘔心,訓唔到教===>暫時只係見到佢有時話頭痛, 反胃想嘔, 會唔會係越食得耐d副作用就越勁呀???

活躍程度-食左藥過後藥力消失,嚴重過未食藥果陣====>點解會係咁架, 如果係咁, 藥力過晒咪仲辛苦過之前, 心理壓力真係好大.

曾經想過放棄佢, 就連我自己都放棄自己, 但問心又唔可能咁做. 但係佢地呢個病根本好似冇可能好起黎, 點算呀?

小彬女

當媽,

主要是已停藥兩星期，活躍程度嚴重過未食藥果陣。====>呢個就係我最擔心既問題lor, 佢而家d藥力過晒就好似癩左咁四圍攪野, 又同公公婆婆鬧交, 完全都不能自控.

  

小彬女

我仔一發脾氣, 完全唔知到邊個係媽咪, 邊個係爸爸, 大吵大鬧, 樣樣野都冇話自己有錯, 全部錯都係人地.     

最心痛莫過於亞仔叫我去死, 最憎係我, 點解我咁為佢, 佢只係知道我唔岩, 我唔應該, 就算而家大聲d 同佢講野都唔岩, 佢又唔會諗番自己做錯既事.     

咁食藥黎做乜, 佢連自己都唔幫自己.

  

小彬女

當媽

有時見到佢發脾氣完全控制唔到自已, 簡直好似癲左咁, 我都會好嬲, 我既EQ就由高急降到零. 我成日都驚最後連我自己都要食藥.

小彬女

當媽,

我仔暫時係睇私家, 遲差再到政府(因排期問題), 現時食緊Ritaline 短效期既, 而家都仲係較緊藥力.

我最擔心就係會越食越多都冇效.

其實真係好多人誤解左adhd 既小朋友, 唔地唔會明白, 只係覺得佢地好曵唔聽教 (就好似我屋企人咁) 佢地對住我仔一唔聽就鬧.

小彬女

當媽,

我冇乜辦法, 因為此藥係醫生比, 我都知第日返學會好麻煩, 要小朋友自己食藥, 我又驚佢地唔記得食, 到時上堂就變回原形. 不過我仔食唔到一粒藥, 因為我問左醫生, 可能佢既回彈好緊要, 藥力過晒就厲害過未食, 所以而家都係朝早半粒, 午飯後四分一粒, 現階段都仲係試緊藥.