1C Homework

ANNAFRIEND

原帖由 babybabymickey 於 11-10-5 15:07 發表
same with you
有現代教育網址
有什麼用???

未曾上過呀, 你都知我環境啦. 上每日一篇都好吃力啦. 又唔可以完全唔比佢地玩. 所以而家都係少少, 少少甘溫默書. 仲邊有時間上其他網o丫.

ANNAFRIEND

原帖由 mvbb2009 於 11-10-6 16:49 發表
今日阿女係學校已經做晒功課..
返到HOME可以同阿妹玩玩又可以做網上功課. 真係開心 !
DINNER 完就可以同佢溫默書...

你個囡囡好乖喎. 阿女剩係做哂數學ja. 好彩今日功課唔多, 佢地兩姊妹而家每逢星期四上I. English, 返到黎開始做功課都差唔多6點. 所以我要佢地逢星期四都盡量做哂功課先返黎. 家姐好乖呀, 完成哂. 個妹就 .

ANNAFRIEND

原帖由 mvbb2009 於 11-10-6 17:30 發表
I. ENGLISH 係學校上OR 出面學架?
我依家都盡量唔會安排阿女干WEEKDAY上興趣班. 一來無人接送, 二來怕唔夠時間做功課.

係出面上架. 其實我都驚佢地唔夠時間做功課. 不過沒辦法, 因為I.E只有星期四開班. 阿女講英文比較差, 我想佢聽多D, 講多D.

ANNAFRIEND

原帖由 wongkaka 於 11-10-6 19:16 發表
芷霖都只剩番英文，想問今日中文有改工嗎？

唔好意思, 一直唔得閒上黎 . 好彩有媽咪答左你.

ANNAFRIEND

原帖由 mvbb2009 於 11-10-7 06:57 發表
吖呀！阿女今早有微燒，今曰無得返學啦。一陣要帶她見醫生&拎醫生紙。
下午的課外活動~~體操是否今日開始呢？？如是的話也不能上了.......

真係要小心囡囡身體呀! 我而家都好驚女女病. 因為唔係再係幼稚園, 課程緊張好多. Take care.

ANNAFRIEND

原帖由 mvbb2009 於 11-10-7 12:37 發表
睇咗醫生，今早嘔了一次，可能連病菌都嘔了出來，反而好了很多！
多謝關心！！

囡囡而家冇事就好啦 , 係唔係腸胃有事? 你要好小心囡囡飲食, 唔好比佢冷親呀.

ANNAFRIEND

網上手冊好似仲未用得喎?

ANNAFRIEND

原帖由 ceciho 於 11-10-7 17:33 發表
not yet ar...did u guy change the password??

轉左啦, 不過唔見有網上手冊姐.

ANNAFRIEND

今日o既閱工好難做呀, 因為我真係要女女佢地自己諗. 巳經做左好耐啦, 見到真係諗唔惦我先幫羅. 見佢地越做越冇心機. 真係中文仲難過英文呀 .

ANNAFRIEND

原帖由 wongkaka 於 11-10-10 08:41 發表
我真係想嬲自己!!!!!! 今日發現自己MARK錯記事簿, 將星期三的英默同下星期一的中默調轉左, 昨日見亞女玩中文字咁興奮, 比佢用多左時間玩中文字, 唔知點解我個女超鍾意中文字, 就好似想到的想字, 佢同我講冇左個心就 ...

kaka,

你個囡囡中文o甘叻, 我又好羨慕喎 . 英文今次真係易過上次, 如果上次都okay, 今次一定比上次好, 放心.

ANNAFRIEND

唉!今日返到黎差唔多4點半, 比女女沖涼出到黎5點多先開始做功課. 今日功課唔多但細女女又唔自動波, 超級勞氣 . 做完一樣唔會自己去搵第二樣功課做, 又一路唱住歌, 一路做功課. 老師叫佢做P.32-34佢無lala做P.10, 仲問我點做?好彩大女女都好肯照我方法去做功課, check功課. 陣間又要同佢地溫默書, 真係日日做到冇停手 .

ANNAFRIEND

仲有黎緊既測驗, 雖然唔計分, 但係我都好緊張.

ANNAFRIEND

kaka:

有一張補紙係點做架? 我見阿女寫住:-

與其他不同

21489

下面寫左3個括號

(                          )

(                          )

(                          )

阿女隨便寫左一d數字, 但我知應該唔岩. 係咪應該寫同呢5個數字不同的數字, 組合??????

ANNAFRIEND

原帖由 wongkaka 於 11-10-10 19:10 發表
ANNAFRIEND,
我個女話隨意寫四個數字, 之後圈出與其他不同的
就如我個女寫了: 2, 8, 4,1 (她圈了1, 因是單數), 做三個

明白哂, 阿女真係亂做, 仍肯定又發夢.

ANNAFRIEND

原本我諗住唔問你點做, 等阿女返去比老師鬧, 佢先會認真上堂. 但係最後我都係做唔出.

ANNAFRIEND

原帖由 wongkaka 於 11-10-10 22:50 發表
ANNAFRIEND,
Hahahaha我都好多時唔忍心, 但我會給她教訓一下
今晚叫在勞氣&努力中溫左D英文默書, 好左DD, 不過仍然一陣間唔記得...OHHHHH
佢地一放學要與時間比賽, 我地立即變哂巫婆.....唉唉!!!! 香港的教育制度令 ...

香港教育制度不嬲都失敗, 填鴨式教育下好多都係高分低能. 學校提倡要多d睇書, 但3點幾放學, 返到屋企都4點多先開始做功課, 又沖涼又食飯又話要早訓, 而家真係冇咩時間睇書. 中英默星期日女女都叫做溫哂, 但係琴晚就冇溫到呀, 因為掛住鬧佢. 唉! 我女女最差係個學習態度, 樣樣求其. 幼稚園既學習模式其實十分關鍵, 學校對小朋友冇要求, 小朋友自然都一樣. 特別我女女, 佢地本身懶散, 讀活動教學的學校就變得更懶散. 所以小學我一定要揀傳統, 仲要好嚴果隻. 我同阿女講, 你做得唔好比老師鬧同罰, 我覺得係抵你o既. 仲有阿女做完功課check完功課袋, 執埋書包會叫我幫佢地檢查. 但我話我只係會檢查埋10月, 11月開始你地要自己攪惦, 我唔會再check, 你帶漏功課書本會比老師當欠交, 10次要見校長同趕出校, 哈哈~嚇死佢地 .

ANNAFRIEND

原帖由 wongkaka 於 11-10-10 22:50 發表
ANNAFRIEND,
Hahahaha我都好多時唔忍心, 但我會給她教訓一下
今晚叫在勞氣&努力中溫左D英文默書, 好左DD, 不過仍然一陣間唔記得...OHHHHH
佢地一放學要與時間比賽, 我地立即變哂巫婆.....唉唉!!!! 香港的教育制度令 ...

同埋kaka, 一有時間就同囡囡多點看英文書. 我自己就買ORT同女女睇. 其實真係要好堅持同辛苦架, 因我女女唔係鐘意睇書既小朋友. 但我會抽時間迫佢地睇羅. 以前幼稚園都仲有時間, 而家真係冇呀. ORT唔知你囡囡有冇睇過, 不過真係幾吸引小朋友興趣. 而且你會發覺小朋友在不知不覺中學到好多基礎字. 呢套書我覺得好值. 對抗拒英文既小朋友可以一試.

ANNAFRIEND

原帖由 wongkaka 於 11-10-11 10:35 發表
[quote]原帖由 ANNAFRIEND 於 11-10-11 09:56 發表

ANNAFRIEND,
其實我個女好鍾意看書, 特別是中文, 佢唔抗拒英文, 只是唔鐘意串字, 我同佢睇sterling的level ...

你囡囡好乖呀 . 小朋友喜歡閱讀係非常好既事. 我都好希望女女變書蟲. 我冇facebook架, 我特登唔開係唔想沉迷. ORT呢套書好common, 你去popular, 商務都會見到, 佢會有個專架放ORT. 不過我通常會直接去青田買, 因為有埋CD. 書價會比書局貴, 因為要計埋隻CD錢. 女女最近都停左睇書啦. 我為左方便佢地拿書, 我放左中英文書o係客廳電視櫃. 佢地放學返黎有時都會即刻拿書睇, 但就比我催佢地做功課或沖涼先, 因為唔想佢地太夜訓. 我覺得我而家都抹殺佢地睇書既興趣呀. 如果佢地真係開始自動波睇書, 我會好後悔唔比機會培養呀 .

ANNAFRIEND

原帖由 QOOGIRLZOE 於 11-10-11 13:33 發表
Wongkaka, Anne

禁日, 夜左少少收工, 返到自己家要8:30, 真係好鬼趕呀!
不過我個係大女, 好你地少少, 如果5係都5知點算, 不過大家要忍耐下,  如果5係除了有怪獸家長, 還有怪獸小孩, 下個月她們可能識用同樣方法發皮 ...

QOOZOEGIRL,

你最近真係好少上黎傾計喎. 唉! 所以我咪要放棄份工羅. 同一時間攪兩個真係死得人, 仲要唔係成熟識得自動波果隻. 講真, 我天生冇耐性, 亦都EQ有限. 我都盡量忍住度氣, 但容忍有限度, 見到女女的做功課態度我真係想......... . 不過當佢地做完我又啖氣過左, 我又好愛好愛佢地. 乖女女, 今日要生生性性, 快D做完功課溫多次英默la.

ANNAFRIEND

原帖由 wongkaka 於 11-10-11 10:35 發表
[quote]原帖由 ANNAFRIEND 於 11-10-11 09:56 發表

ANNAFRIEND,
其實我個女好鍾意看書, 特別是中文, 佢唔抗拒英文, 只是唔鐘意串字, 我同佢睇sterling的level ...

kaka,

唔記得講, ORT即係Oxford Reading Tree.