培道vs聖母，大家會揀邊間。謝謝！

onepiece

同樣都是有heart 的好學校。
關於聖母，可參看：
http://www.edu-kingdom.com/forum.php?mod=viewthread&tid=2471916&extra=page%3D1
有不明白或關注地方可交流吓意見。

onepiece

選培道的話，原因可以係有heart、有愛心、愉快學習、功課壓力不大，但唔應該係九龍城網，情況就好似貪深水埗網而讀啟基一樣。
九龍城區是九龍及新界區之中最強的區，要到band1，分數比其他區高得多，競爭對手包括41網的九龍塘名校及43、45的有名官津，所以區內無論官津定私小，很多都很谷，學另一家長所講，＂真係爭0.01分都爭崩鼻＂。而培道不屬於那類谷的小學，升中形勢就要有心理準備。

另一個是強區跌band 的問題，擧個例：
學生A有74分
學生B有71分
本應學生A成績好過學生B
但若學生A在強區，band1要75分，而學生B在弱區，band1要求70分，結果學生A只能讀band2中中，但學生B就有得讀band1英中！唔好以為強弱區分數分別無噤大，如果是九龍城同黃大仙比，實際差距會接近呢個數。所以在強區要升band1中學，真係要有谷的心理準備，亦最好是讀谷果D小學。

其實聖母是弱區強校，達band1成績是件輕鬆的事，升英中就近乎是件必然的事。
況且讀華英定保一，有分別嗎?

onepiece

（3G network error)

onepiece

原帖由 kc_united 於 12-11-11 發表
多謝你的分析。甘如果九真vs德雅vs禮賢,你有可分析？

對我來講 德雅、禮賢、SFA無分別，一樣要預咗打6年仗，唔怕谷的話總算是強區強校，不過深水埗區的問題是＂有前無後＂，原因是對band1女仔來講，一定要首志願夠運抽到上智或聖母玫瑰，否則之後band1女仔可以選就只有瑪利諾神父和黃捸珊，但瑪利諾神父是直屬學校，非保留位只有12個，而黃棣珊亦係聯繫中學，非保留只有59個，這裏合共的71個位仲要同男仔分，到時排位排得唔好或唔夠運就隨時跌落band2中學（當然如果唔介意中中都仲可以揀香島）。
至於九真，應該無那3間噤谷，九龍城網，學術可能同聖母相近，但比較關心的是學校太細，1級得2班，甚至得1班，資源運用唔知是否ok.

onepiece

原帖由 papajelly 於 12-11-11 發表
本帖最後由 papajelly 於 12-11-11 22:49 編輯

回復 onepiece 的帖子

啟基是間以學生為本，用心培育孩子的學校，讀啟基的主要認同那啟發學習興趣和思考的教學理念。這個教學理念不錯，但學術程度及語文基礎就很難及得上那些傳統谷校，所以升中呈分亦難免及不上那些傳統學校。另外，深水埗區男生派位也不是太好。話雖如此，啟基亦會有若干band1學生，更有升讀名校的，當然背後那些孩子的資質及補足是怎樣就不知了。

在九龍城區的谷校，有些band1% 可以去到50~65%。就算在校內是中下，在區內是
Band2頭，在全港也可能有band1尾，所以在＂自行＂去考band1C或2A英中還是有機會的。另外，如果家住弱區，到時亦可用屋企地址抽，一來近屋企，二來希望搏升band。

不過，有個因素很難估計，亦因人而異，就是孩子在九龍城谷校會否讀得唔開心，因而無心向學。所以選得谷校，父母的支持、鼓勵和心力都𣎴可小。另外，對怕羞內外的孩子來説，啟基對其性格和人際關係發展應是較好的，但父母就要考慮如何在學術上加以補足。

onepiece

原帖由 kc_united 於 12-11-12 發表
我還有一個問題，我本身是荃灣區，如果幸運地抽中，我是十分開心的。但荃灣區band 1 中學很少。得2間英中！ ...

荃灣區的確比較差，4間英中（包括可風和王少清）在統一乙部非保留位合共只有約340個。唔知係唔係呢個原因，好似好多荃灣人考聖母。
荃灣區校網唔好，出來考私校的確係一個辦法。另一個辦法是等小五、六先搬屋，用住址抽，不過到時亦要考慮會唔會跌band問題，而孩子在＂自行＂最好亦報返住址同區學校，否則萬一＂自行＂又考到另一個區，到時就唔知究竟又搬屋好，還是讓孩子6年日日travel好喇。

onepiece

原帖由 kc_united 於 12-11-12 發表
onepiece, 你所講的. extractly 係我煩惱! 如果top tier小學收, 當然唔洗想, 跑到去讀啦! 但現實不是, 2線 ...

德雅的直屬中學只有一間，就是德雅中學：

http://www.chsc.hk/psp2012/sch_detail1.php?lang_id=2&sch_id=282&return_page=psp_sch_list.php%3Flang_id%3D2%26search_mode%3D%26frmMode%3Dpagebreak%26district_id%3D9%26sch_type%3DPrivate%26page%3D

而德小要用德中的保留位亦必須在統一乙部填首志願。由於聖母玫瑰沒有保留位，所以德雅學生在統一抽聖母玫瑰機會率同區內其他小學如啟基、崇真、嶺小（同學會）等完全一樣。如果真的有＂德小band1直升聖母玫瑰＂的話，就唔駛話有band1德小學生因為抽得差而派到第三志願的德雅中學。

onepiece

- deleted message

onepiece

不要緊，我也delete 了我的message, 請不要介意。

onepiece

原帖由 anan2007 於 12-11-12 發表
可否請問一下,我住覲塘,小兒有陸慶濤及培道選.請問應如何選呢?Thanks in advance.
...

唔好意思，陸慶濤真的不太清楚，知道的只是一條龍，據其他家長所説沒有呈分試，所以如果升中不想讀羅氏的話，可能有點問題。

onepiece

原帖由 eggmama 於 12-11-13 發表
我個係女, 德雅近家, 小班(20+人); 但如打算谷P2/P3插班名津校, 是否SFA較好? SFA是否MATHS較勁?
THANKS ...

聽聞德雅數學都有教快，其實小一、二唔會有實際數字評估到德雅定SFA數學好D，由於以往SFA男多女少，相反德雅就女多男少，好易給人SFA 數學好D的印象，我相信對同一個人，兩間分別不大。如果可以travel少D，我相信對孩子會好D。

onepiece

原帖由 ailimama 於 12-11-13 發表
本人住沙田區的，請問若小學時讀他區小學（eg 深水埗、九龍城），到小六升中時想用屋企地址報番沙田區可以 ...

可以用屋企地址。妳説得對，要考慮跌band問題。如果是九龍城，由於九龍城區很強，所以九龍城轉沙田應該無問題，但深水埗就未必及得上沙田噤強，會有跌band風險。

onepiece

強區定弱區除估估吓外，是有數據可作參考的。方法是利用不同區band1B中學入學的平均Pre-s1 成績作比較，如果是大區，有2至3間的數據，基本上可信性都幾高。根據這些數據，所以相信九龍城和沙田成績接近，都是強區。但深水埗D中學無Pre-s1 成績發佈，所以好難確認實際情況。
唔好意思，今日比較忙，遲D再傾。

onepiece

原帖由 cctung 於 12-11-14 發表
回復 onepiece 的帖子

Hi onepiece,

Pre-S1 成績可參考這裏：
http://www.edu-kingdom.com/home.php?mod=space&uid=35057&do=blog&id=2551
如果compare九龍城vs沙田 ，可參考：開平(75)vs沙官(74.14)
當然只是參考。

onepiece

原帖由 ailimama 於 12-11-13 發表
即係如果小朋友在深水埗讀到間較top小學而自己成績都要好好，否則深水埗的band 1並不等於沙田的band 1, 我 ...

或者可以講如果成績是band1頭或中應該安全，如果是band1尾的邊緣人就有機會跌band。不過坊間對強弱區的估計只是靠可得到的數字粗魯估計，實際情況就只有教育局先知。

onepiece

原帖由 papajelly 於 12-11-13 發表
回復 onepiece 的帖子

多謝你的分析, 真係講哂我對啟基嘅愛慕同保留嘅心聲

官塘應該幾好，男仔可選聖言和瑪利諾兩間男校，就算抽唔到，之後都仲有好幾間band1英中。

onepiece

原帖由 3cats 於 12-11-14 發表
onepiece, 多謝你的解答同分析。我家是沙田區。現在才知道沙田跟九龍城區都一樣咁強。請問培道跟第一城呂明 ...

如果單講學術，相信呂明才會強D。如果住沙田，當然唔駛travel噤多對孩子亦好D。不過國教令我對呂明才（無論那間）的行政態度有D保留，唔明點解要老師簽non-disclosure。我覺得培道校長和老師對教育都好有heart亦衷心關愛孩子。

onepiece

原帖由 3cats 於 12-11-14 發表
謝謝你的意見。我唔係太明中一派位的規則，所以想請問選左培道後，是否很難報讀沙田的band 1中學? 係咪選回 ...

升中分＂自行＂和＂統一派位＂，＂自行＂用30%位，＂統一＂用70%位，"自行＂無分區，所以在這部分讀培道定沙田津校無分別，統一乙部有分區，一般用學校地址，不過亦可轉用屋企地址，所以只要住沙田，就可抽沙田學校。由於九龍城是強區，所以轉到沙田相信唔會跌band 。
比我就會選一呂，因為唔駛travel,學術亦相信強D，仲唔駛錢（哈哈，我好衰，又講錢）。

onepiece

是順利天主教、觀塘官中和蒙民偉，而區內部分女仔會被分流至梁式芝。

onepiece

原帖由 chung222 於 12-11-12 發表
天主教母佑會蕭明中學係band1;聖母小學的姊妹學校，但唔知升中有無l着數

關於母祐會蕭明，其實我都想講下。母祐會在港開辦共有4間學校，除聖幼、聖小、聖母書院外就是蕭明。
在升中收生上＂自行＂部分的30%位，其實很tricky，學校可以自行決定收那個學生，於是我地就會聽到一些説法：聖公會某些中學會在自行prefer聖公會某些小學的學生，而保良局某些中學亦會prefer保良局某些小學的學生。這種隱藏的prefer無需要特別列出，要證實亦很難。
我估如果有人可以去到蕭明的簡介會，私低下問吓校長，可能會知多D。我們現在唯一知道的就只是在聖母那份powerpoint中，學生升讀中學是包括蕭明的。