學好英文

littleysh

我個仔補開一個，唔敢講好到不得了，但我好buy佢嗰套理念，唔知是否適合你。
我個大仔在九龍塘某名校讀二年班時，D英文好差，追極都追唔上，佢越追唔上，我就越俾更多更深的練習佢做，後來都攪唔掂，就去補習，點知個補習老師俾D淺過佢依家讀緊既練習佢做，我緊係同個補習老師傾啦，點知佢話我個仔D英文深到接近人哋中一二嘅程度，深到根本無必要，而且學校日日塞禁多嘢俾佢，淺的都未能消化，深的又何以應付呢？最重要係佢對英文呢一科巳失去興趣及信心。於是個補習老師就幫佢溫番一D基本D嘅嘢，然後慢慢加深，到最後佢都無俾一D深到好似學校嗰D禁深嘅練習佢做，反而慢慢我又覺得佢一D都唔抗拒英文，學校成績仲由原本的50幾分，慢慢的去到現在的80幾分，我都好滿足了，所以現在我都無迫佢，等佢循序漸進，佢令我明白小朋友在學習上重拾自信同興趣係好重要。

littleysh

pm to you all...hope it can help la....

littleysh

pm咗俾你，希望幫倒你啦！

不過都想提一提你哋，呢個老師好有自己嘅一套想法，唔會迎合個客想點就點。好似我開頭咁，見佢俾D禁淺嘅練習個仔做，上咗兩堂，都即刻想投訴佢同退錢，點知後尾同佢傾完，又覺得佢都好有道理，出發點都係為個小朋友好，我又即管試一兩個月，哈出來又ok喎！當然佢無迫我個仔背哂學校教嘅所有超深嘅字，佢係唔會攞倒100分，但係見佢開始有番D自信及興趣，無話次次叫做功課同默書時，都好似想死咁，我巳經好滿足了。希望你哋都成功啦！