每晚做功課好夜，好心痛，點教???

littleysh

功課多固然係一個問題，但係會唔會係程度太深，個小朋友已失去自信同興趣呀！
好似我個大仔咁，佢在九龍塘某名校讀二年班時，D英文好差，追極都追唔上，佢越追唔上，我就越俾更多更深的練習佢做，後來都攪唔掂，就去補習，點知個補習老師俾D淺過佢依家讀緊既練習佢做，我緊係同個補習老師傾啦，點知佢話我個仔D英文深到接近人哋中一二嘅程度，深到根本無必要，而且學校日日塞禁多嘢俾佢，淺的都未能消化，深的又何以應付呢？最重要係佢對英文呢一科巳失去興趣及信心。於是佢個補習老師就幫佢溫番一D基本D嘅嘢，然後慢慢加深，到最後佢都無俾一D深到好似學校嗰D禁深嘅練習佢做，反而慢慢我又覺得佢一D都唔抗拒英文，學校成績仲由原本的50幾分，慢慢的去到現在的80幾分，我都好滿足了，所以現在我都無迫佢，等佢循序漸進，令佢在學習上重拾自信同興趣係好重要。

littleysh

中文數學都深，所以都有補，不過英文就最差囉。個補習老師都話D生字深到日常生活根本唔會用，死背咗都無用，反用攪好佢D基本概念，令佢靈活運用，唔好錯D無謂嘢，識少個無謂嘅生字都無所謂啦！