校車安排有問題, 學校有無自己校車

bb108

上星期六出席玩聚會後, 去了操場問有關校車事宜, 得知學校有幾間公司接送學生, 佢地話唔會一間公司做晒, 佢地用地區分, 好似大埔同上水粉嶺咁, 係一條線, 就同一間公司, 沙田就另一間公司, 問題係, 校車公司話有機會要轉車 (上學同放學), 要係Kowloon Tong 轉一轉車, 個負責人話好快, 如果落雨, 會逐個學生擔傘, 而且仲話係kowloon tong 個程就全都係音小既學生, 我聽後很愕然, 有無攪錯, 唔係一程車去到學校, 打風落雨咪好  煩, 而且, 我地住得遠, 咁早上車 (7:10), 小朋友當然想一覺, 瞓到學校至落車, 有咩理由要咁安排, 仲要係聯合國, 架車係車埋其他學校既學生 (大家都係kowloon tong), 咁就唔係咁好, 仲要收一千大元, 恕我才識淺, 都未聽過有咁既事, 大家係附近就話姐. 真係離譜.

可唔可以向學校反映?

bb108

agree ar.  有無攪錯. 便係校車就用家啦. 有咩理由要你個仔利咁遠致上車, 行得到都唔爭在自己搭車啦, 離晒譜. 我地住得遠, 又要返工, 根本係局硬la, 我諗住同學校反映, 但唔知有無用.

bb108

原來音小有自己校車, 不過, 最遠去到沙田, 住得遠既同學, 真係要搭街車, 至於要唔要轉車, 就視乎間公司點安排. 如果真係咁, 即係硬食, 我會同學校反映, 有無用我唔知, 但起碼比學者知有呢件事.

bb108

你打算搭的士上學, 好重皮喎. 咁放學有人揍?我仲未諗搭定唔搭校車, 如果唔搭, 要搵人揍返學同放學, 又要轉幾轉車. 但係, 搭校車, 又要係九龍塘轉車.太麻煩同唔方便. 都唔知點算好.

bb108

今朝送阿女上車, 之前褓母話7:00上車, 但差不多等到7:15至有車來. 一見到架車, 嘩車上已經有許多唔同學校既學生, 阿女差d無位坐. 希望架車唔好兜咁耐啦.

bb108

原帖由 88654321 於 10-9-1 11:20 發表


你最後都決定坐褓母車嗱. 係咪温太車呀??

有無家長住粉嶺上水附近想一齊坐Taxi上學呀??

係呀, 無辦法, 自己湊要轉3轉, 温太好似做晒大埔, 粉嶺, 上水區, 我見有紙貼係架褓母車上.
咁你呢?搭的士呀?

bb108

我住大埔, 你住上水, 放學可能係同一架車wor. 我問阿女係車上有無識新同學, 佢話坐佢隔離位同學係住上水wor. 你可以搭一, 咁收得貴唔貴?不過, 如果你早上搭校車, 就可能唔同一架車, 溫太話同路同區至同一架車wor.

[ 本帖最後由 bb108 於 10-9-2 10:14 編輯 ]

bb108

我諗係啦. 之前溫太話要係kln tong轉車. 但開學前再打來話唔使轉. 我問阿女, 佢話見刷哥哥姐姐落車, 我問佢有無落車再搭另一架車, 佢話無, 我諗應該唔使轉車.
你單程好貴呀, 我來回都係$970.

bb108

你指放學要轉車?點解要轉呀?咁咪好耐致返到屋企. 禽日就要差唔多一個鐘至到屋企. 咁你係大埔邊度轉呀?

bb108

原來我都要轉車呀, 阿女話, 係學校上車, 跟住唔知坐到去邊, 然後落車, 再上另一間車返屋企wor. 佢仲話同你女 (唔知係唔係, 佢話個同學住上水, 讀1I班)一起坐, 之後轉車, 大家就唔同車.
我都要成個鐘至返到屋企呀.

[ 本帖最後由 bb108 於 10-9-14 10:51 編輯 ]

bb108

唔係好明呀, 你指你小朋友係搭校車返, 朝早要轉兩轉?咁咪好辛苦. 你大埔邊到上車? 但阿女話佢唔使轉?唔通唔係同一架車?

我禽日接女放學, 架車早左成兩個字. 我岩岩落到去, 已見阿女落左車. 但好奇怪, 架車係寫"英華小學", 起初, 我仲以為係人地架車tim.

bb108

你小朋友都係溫太車. 我都係, 但阿女話返學唔使落車轉車, 咁會唔會返學唔同車, 放學同車?
係呀, 我小朋友姓wong架. 你點知?你小朋友識我女? 但我唔明你小朋友返學要轉兩轉, 連放學都要轉?我問阿女放學係邊度轉, 佢又唔識講.

[ 本帖最後由 bb108 於 10-9-17 09:39 編輯 ]

bb108

唔係呀, 姓wong呀, 你小朋友姓chan ma?讀I班?我阿女只係講識到個住上水叫XXX, 佢話呢位同學朝早唔搭校車, 放學至搭, 我估係你小朋友. 我女話小息都有同你女玩呀.

[ 本帖最後由 bb108 於 10-9-17 09:39 編輯 ]

bb108

係呀. 我阿女又話姓 陳, 等我今晚再問下佢先. 咁你知唔知佢地係咪一同放學坐車呀, 我女成日講個同學姓陳 . 唔通係另一個人. 我要問下先.
我阿女邊係斯文, 只係新地方, 有些怕醜至真.

bb108

原來佢地一齊坐, 阿女又話唔知邊度轉車既, 佢講到一舊舊咁. 你知唔知咁佢地小息係咪一齊玩架?

bb108

原帖由 SFNK 於 10-9-17 20:02 發表
姓陳的, 是我個囡, 同車返學的, 應個有兩個是1M班,

我個囡是IC,

1. 我問過大囡, 是因為H.C是坐2號車, 直出九龍塘,

2, 另有一個車是大旅遊巴的, 是經 大埔頭, 太湖花園,帝
    欣苑,  直出沙田馬場,

3. 我的 ...

你指H.C即係咩呀?係咪行大埔都有幾架車呀?我女係F車, 佢話早上唔使轉車, 我諗我係尾站, 我地架車好似接新峰, 悠然, 盈翠一帶. 阿女話架車由我地厔苑走, 就無人上車, 直去九龍塘, 之後其他人落車, 接住音小學生上車, 去學校. 佢無轉車. 阿女係咁講, 唔知真定假. 至於放學, 阿女話要落車上另一架車, 但佢又講唔出係邊度轉喎. 咁我地小朋友係咪同埋88654321既小朋友一架車返學放學? 但我送阿女上車又唔多覺有音小學生?咁你女識我女架? 哎吔, 有d亂tim.
我地7:08上車, 但阿女唔識講幾點到學校?其實我都覺早, 你地要6:45仲早. 真係難為小朋友要咁早起身.

[ 本帖最後由 bb108 於 10-9-17 21:14 編輯 ]

bb108

哈哈, 原來H.C係指我阿女. 好左你講下搭車既事我知, 我女一向都係自己揍返學, 所以佢係第一次搭校車, 所以我有好多野都唔放心. 問佢又唔識講. 原來你女女同我女一起坐, 咁都好. 想問下, 你知唔知咁我女放學使唔使轉車?

咁你知唔知我女小息有無同你女女一起玩呀, 問佢又係答到一舊舊.

bb108

原本佢地放學係唔同車呀, 好呀, 唔該你幫我問下你大女啦. 原來我女小息無同你女玩, 但我問佢, 佢又話有既., 又話同你女同班
係呀, 呢兩日我女無返學, 佢夾爆手指. 睇怕呢個星期都唔返得學.

bb108

多謝你既祝福. 我都希望阿女快d好番.
咪就係隻手放係門隙度, 我地又無為意, 咪夾到lor. 要連針, 醫生話最快都要成個月至可以彈琴, 今次真煩. 我要同學校講睇下點.

bb108

多謝你既祝福, 希望佢快些好番. 原來放學校車係咁既安排. 我以為係搭梗個架tim. 唔該晒你話我知. 問阿女, 佢都唔識講呀.