官小「家長校師會」會費$100

Cindyjasper

請問小學「家長教師會」會費要$100 一年，好似俾一般學校貴一倍，而且上年俾錢後都唔知用咗喺邊，小學係唔係咁架？？？

Cindyjasper

但大多數學校收$50一年，係唔係學校收完錢唔會講d錢點用？？

Cindyjasper

原帖由 Charlotte_mom 於 15-10-19 發表
我地$100，每年會公開條數。樓主可以去學校睇下有無家教會盤數睇睇

原來係出席一年一度家教會選舉嘅家長先有得睇，我依家問學校攞緊收支表睇！

Cindyjasper

原帖由 siden 於 15-10-21 發表
我佩服你咁有求證精神。

日日忙到嘔泡。

俾得錢就要知佢哋點用，因佢哋只係社團註冊，跟本無人監管佢哋，所有家長都係自動入會，當然要俾會費，如果我哋做會員都唔睇下，亦都唔好一個盡責嘅會員。

Cindyjasper

原帖由 jswailam928 於 15-10-25 發表
100 0者又唔係1000蚊
駛唔駛咁緊張d錢洗去邊呀？
點講都係你賺啦！有免費教育

其實俾錢唔係問題，只係要清楚知道條數點用，呢個先係正確心態；好多時PTA成員就是知道一般家長心理，一百幾十尤如垃圾，唔係好理，將好多錢用喺不正當地方，更甚者，會用家長義工名義，投放大量金錢於家長義工的飲飲食食，其實做得義工亦不望有回報，唔係返工出糧！
再者，我都唔想讀免費學校，只係我仔無本事考直資同私校。

Cindyjasper

原帖由 CrabPincers 於 15-10-25 發表
agree, 學校親子旅行，開班，甚至獎學金都是呢樹出，雖然我要返工，一次都無去過呢d班同旅行，但我都好願意 ...

我問過好多家長，佢哋真係完全唔知收呢d錢做乜，所以先要問係唔係間間學校都係咁。

Cindyjasper

原帖由 silvia_ng 於 15-10-26 發表
我地學校都收開100蚊一年，但今年唔知點解加左價，要比130蚊。照睇以往一直都有盈餘，唔知點解無啦啦要加錢 ...

你可以問學校攞返條數睇，政府及教育局唔會監管PTA, 但唯有靠會員去監管，如果無人問，無人提出問題，真係變唔得架！

Cindyjasper

原帖由 siden 於 15-10-25 發表
本帖最後由 siden 於 15-10-25 23:17 編輯

我同意你講法，而且我都有做義工，義工係不問回報，但我見學校有「聖誕義工聯歡會」係俾所有義工參加，但幾十個義工，平均每人可以攞幾百蚊禮券，呢樣先奇怪，我覺太多了，錢係要應用則用，作為義工，都唔會介意學校會俾返乜我哋，義工唔係返工出糧，所以我先想睇條大數點用！

Cindyjasper

原帖由 charleneng 於 15-10-26 發表
吾傑，照正常會post上網，或者會訊都一定要登

完全無，學校話每年一次PTA選舉果日已貼咗，仲話個份表好大份，平時貼唔到，佢哋嘅答案好奇。我覺得既然唔係每個家長都得閒出席PTA選舉，而每個家長又自動成為會員，應該要將財務表通告發俾每一個家長；但學校話唔會，佢越係逃避交個財務表出黎，我就越覺可疑，除非佢哋驚俾咗個hard copy家長，你哋返屋企慢慢睇會發現好多違規野，所以遲遲唔俾家長睇。

Cindyjasper

原帖由 bartsimpson0317 於 15-10-27 發表
小事。直資。私小  尼啲當比小小 着數咗

直資/私校預咗，因係家長自己揀，所以又唔同。但官校就。。。。。如果考到我請願讀直資/私校。

Cindyjasper

原帖由 hkpapa852 於 15-10-27 發表
官津小學既PTA, 都一定有學校代表, 所以無理由會好似你講到咁混亂, 尤其係官校添.

如果真係咁混亂, 只要攞 ...

你講得好啱，而且係政府核數嘅，只要條數啱，核數當然無問題。

核數員只負責核數，但唔會理內容係唔乜，d 錢點用；一般申請呢d團體，係去警察部團體組申請，申請時只要遞交正確文件，警察部團體組會發牌，但警察部係唔會去做監管，警察部講明每個團體都有會章，有問題會員自己同有關嘅主席或委員講，警察部完全唔理；即係話PTA點花錢真係無人理，如果從來唔會有家長質疑有問題，PTA 就會按佢哋委員嘅想法去做，所以就算PTA有d錢亂用咗，學校會因為保聲譽唔出聲。上年我親身聽到學校有位主任講，有乜事唔好報警，如果要救護車直接打去消防熱線，因驚傳媒會黎，又係聲譽問題囉！

Cindyjasper

原帖由 苗子 於 15-10-27 發表
一般學校幾十蚊

你就好啦！但我都係一般學校咋喎，仲要係好一般嘅官校添！