聖若望英文書院... HOW SAD!!!!

pyeung2010

囡囡本年８月入讀,有點擔心尋求協助

東方日報有半版刊登『師變』比較詳細

看似新校董梁ＸＸ要賣學校地,違背舊校董遺願.

不過無理由咁兒戲,要換就換,話改就改,教署都話佢唔知嘅.

請問有無在就讀的家長給予意見,我當初帶囡囡面試時,

SJC的氣氛是最活潑及老師是最nice,我當日都有見到

舊校長,佢仲送咗個波俾囡囡,言談感覺佢好有經驗,未知

新個果校長係點嘅?

pyeung2010

Hi! 猩猩太

囡囡暫選讀半日班,我老公想囡囡讀全日班,學習自理能力,
我有Ｄ唔捨得,到時再算啦!

校服註冊時有講過,八月頭可在學校購買,昨晚跟老公商量過,當初選sjc是因他家姐嘅仔仔讀緊sjc小學,都幾純品.
囡囡又考到,所以一齊.最弊係無幫囡囡揾後備.
我今日會開始試吓其他申請,買個保險囉!
好唔好打去學校問吓呢?

pyeung2010

囡囡姨媽移民三藩市三十幾年,兩公婆都係會計師,我們幾姊妹感情好好,成日skype講「揍仔經」,咁 "arm " 講起ＢＢ嘅幼稚園,問佢新校長那所「美國加州屋崙國際學校」「美美兒童中心」好唔好,出唔出名?家姐話未聽過,可以幫我查吓.

家姐今日報料話屋崙是灣區入面治安最差嘅,亦是最差的校區,基本上所有差嘅學校都在那裏,會計行業說間學校當年是虧蝕太大而結束.至於另一間美美兒童中心,在屋崙唐人埠,細細間,家姐形容「up up 突突」學生越來越少,賺唔到錢又無蝕啦!送咗俾社區接管.我問教學質素,不過會計只係講「盤數」,其他就唔知啦!  
經此一查,我老公話星期一早上經過學校,去睇睇

pyeung2010

http://news.sina.com/us/singtao/104-103-102-106/2009-07-10/05113988520.html

pyeung2010

可能係我先入為主,我總覺現在的校長太霸道,跟本沒有考慮到我們家長及小朋友.
我的朋友常說,要認識一所學校,見一見校長,看一看她的衣着談吐便能知道學校內涵,我上周與我先生到校查詢,早上可能大家都忙碌吧,一團混亂,校長話我囡囡都未嚟讀,遲D先,遲D會有家長會.想問多句都冇.後來站大門的一位老師話不如你放學再嚟啦,放學冇咁忙.
我同先生放學又再去學校,可能早咗少少,校車仲接緊小朋友,不過又係得個「亂」,校車姨姨好似搶小朋友咁,頻頻說「呢個我嘅,個果唔係」最可怕係連D老師都好似唔知「边個學生係边個」，後來,有人close咗個校門,冇得睇.但有個姨姨又開番門,攬住個書包追叫校車「miss話俾錯咗書包喎,要換番」真攪笑!!!
試想想,即時解僱校長咁嚴重,原來只係為咗話改革學校,但自己連校長註冊資格都未符合,學校連上課老師都在招聘中,真係「害人子弟」.校長越講越唔到題,淨係話遲D家長會會再講清楚,我老公嬲嬲哋就『拜拜』囉.

pyeung2010

請問昨天的開放日情況如何?是否有具体的方向?校長態度如何?好心急?