CCC HEEP WOH PM school principal耍我?

2Tparent

請容我發洩一下今日的經歷.

話說,我家小孩(二年級)告訴我依家數學科MON- THUR係一個代課老師教,FRI就係原本的老師任教.我問小孩何解,佢又講到唔清唔楚.我唯有打去問王校長,

中午12:30打去問,王校長開頭答話係實習老師,(但我知道依個時候係冇實習老師)於是我就語帶疑惑再問佢係實習老師呀?佢就突然話佢開緊會,遲D覆我.我問佢幾點得閒我再打電話問佢,佢話3:30.
跟住我放工再打比佢,佢話完全唔明我問乜.唔明乜野1-4一個老師5又另一個.於是我又再講過.佢話唔明我講乜,因為學校近排冇實習老師冇可能會咁.
跟住佢叫我留電話,我話唔方便留,我問佢幾時可以回應我.佢就叫我留小朋友名,我唔留(因為我以小人之心度君子之福,擔心小朋友係學校之後的生活)跟住王校長就好惡咁話我唔會答,因為証實唔到我係學生家長.佢唔會答我.
於是我同佢講咁我去問教統局,係唔係可以咁.佢就即刻話遲D覆我,我追問佢幾次,佢先叫我明天9:30am再打去問.
點解呢位校長好似唔清楚學校的運作咁,還是佢耍我呀?

講完,發洩完心情好多了

[ 本帖最後由 2Tparent 於 10-1-15 01:01 編輯 ]