轉載: 讓英皇書院負起縮班責任

judy

原帖由 mamimummy 於 11-1-4 02:14 發表
但我很欣賞

再者，英皇書院雖然是「傳統名校」，但不斷強調它能提供「優秀教育」，則令人感到有點那個。我不是說英皇書院的教育不優秀，只是一所學校的價值並不是用「傳統」不「傳統」、「名校」不「名校」來判定 ...

人望高處，每个人都望得到更好的教育。無人可剝奪孩子尋找更好教育的機会。孩子唔係財產。唔可以自己唔够食而將孩子分之共之，揾食行遠啲。

judy

原帖由 annie40 於 11-1-4 15:23 發表
直資中學有更加自主辦學空間, 實際上政府資助完全無減少 ?????

印象中直資中學的資助是比津貼中學少, 如果没分别, 誰也转成直資了,  假如不对, 请指正!

不知您们有否每類中學每个学生的準確資助金额 可提供參考.  ...

Annie，

直資的資助是按人頭計，每个學生得到的資助額等同香港学生受助中位數。如有大筆維修，可向政府申請。可以說，如果香港全轉直資，政府應冇減少投資。

點解學校唔轉直資，最最主要原因是官津乃大飯碗，而直資却受供求影响。

不同的制度，影响了人的行為方式。以学生減少為例，如果現時全港行直資，學校做的不外两樣：1.做好成績以吸引学生，2.俾着數，如上學有錢分。但現在是行官津制，學校会：1. 争取小班，費用市民承担。2. 和政府死過，大家斗內耗。

行直資制，学生減少了，学生更有power選校，差校会淘汰。行官津制，學校会向當局争取，將學生共之分之。

judy

原帖由 October. 於 11-1-5 15:45 發表
八掛雜誌寫，浸大E神，會考4分，讀咗浸大副學士，依家升呢，正式成為浸大YEAR 2大學生。

浸大副學士入學要求咁低？

是否靠特異功能入。

judy

原帖由 mamimummy 於 11-1-6 01:07 發表
揾食行遠啲?!是何所解.

好吧總經理請你把你的薪金跟副總分吧.

這樣下去BAND 1校更不成BAND 1校了. 以前"大學生"已是保証, 現在咁多大學生 ,我倒要看看來自那大學那一學系.

而家D大學生自以為掛住大學生之名就以為 ...

現在升中学位分配方法是這樣的：

讀書好的，或叫band1的，有權先選學校，選剩的，才輸到band2學生。band2選剩的，才輸到band3。到band3生了，由於学位有限，幾差嘅都要去。

依家好了，band1,2,3生都有較多學校選。但有学校就咁講：唔得，冇人選我，我點揾食哎。學生說，求吓你別教我啦，学校說：唔得，冇人選我，我點揾食哎！！！，你話死唔死。

如有人去街市買鱼，因收入有限，長期買死鱼。一天，魚升應多咗，同樣的錢碼，可買到活魚。正當買魚的興冲冲趕去活魚檔口時，賣死魚的却叫街市管理人員把此人捉回來，硬說：死魚適合你多啲！你話死唔死。

我唔信band3生不適合入好一點的学校，也不信好的学校教不了band3生。話band3校更適合band3生的人，和街市賣死魚的話窮人只適合吃死魚，有何分別呢？

judy

原帖由 annie40 於 11-1-7 12:37 發表
Good point:
Choosing a school is no longer based on the fundamental needs but on the social image of the school.
Because the social image of the school leads to rocket up the social image of family.  ...

入到名校應開心，唔開心就假。有名望的學校，也特而且确有她的優點。一家學校，如教師見學生違規即揾路走，好快跌落band3，但如有學校努力經營，好快又會升banding。"the social image of the school leads to rocket up the social image of family"。邊有可能呢？

講返正題。Band1生來說，入華仁的轉入皇仁，關係可能唔大。但band3生說，原本會入band3尾的，如能入到band3頭，可能改变了此孩童一生。

現在学生減少，有些名校巴不得可減少收生，因少收生，オ能保持学生質素，保障其名校的名聲。難得有英皇此等名校，肯照常收生，讓人有多啲機会接受較好的教育，本值得鼓勵，為何硬是不準呢？

難道band3生真的更適合入band3校。

好多人都話支持民主自由，張姓議員更是民主黨高層，為何不支持市民的選校權呢？

唔係有得選先至係老板咩？

judy

原帖由 Sumyeema1 於 11-1-10 11:42 發表


Uncle,
我有去九記， 阿姑姐勁寸，話只識 Alan, 唔識  Judy, 無得食爽腩， 仲要有最低消費。

Sumyeema,

你應該叫Uncle回水。

judy

唔緊要，我撑你。 Judy and stccmc 兩隻嘢專玩負面聯想。邊有賣魚嘅話自己賣死魚？我妻子咁有智慧，我跟佢去街市買魚咁多年都未聽過佢話去買死魚。上個星期，明明條魚都首尾不呼應，佢都認同賣魚嘅芳姐話條魚新鮮，重要成10蚊両。芳姐重話，有條燕星啱啱瞓咗，抵買。睇吓，由頭到尾，何來「死」字？

Uncle,

買鱼，我可自誇為專家，你呢挺久不久跟妻子去一去街市嘅人，同我講行情，得啖笑矣。

買鱼，要講策略，好似我，咁多年來都凈係帮襯一家，貪大家日久生情，有好嘢老板娘会預早單聲。例如，呢絛鱼剛死，抵食。

我買鱼，大部份時間是買死鱼，例如，大眼雞，中馬友，小黃鱼，久不久買條大烟槍。馬友大絛(2斤幾)都可能食得起，斤幾的黃鱼是天價，我認為傻仔才吃。活鱼嗎，最近吃了一两次小黃脚立，一两7元(對我來講己好貴了)。未蒸前，我己叫小朋友準備好，坐定定，先分沁5分鐘口水，然後，幾絛小黃脚立駕着水蒸氣而來，5、6分鐘搶吃幹凈，等下一輪回合。

我雖然同老板娘咁熟，但有時佢都得罪我唔小，佢係我面前對第二个人講：xx生，呢絛鱼生生猛猛，好靚，合你吃。我內心咕咚：何以見得活鱼就唔合我呢？不過咁，我時不時暗自發功，望佢絛打側游嘅魚快死。算是打和！

judy

原帖由 uncleedward 於 11-1-10 16:18 發表
但麥奀雲吞，鏞記燒鵝，蘭芳園奶茶，北海道(澳洲牛奶的upmarket 版本)义燒雞湯意套餐，過少少我呢邊嘅皇后街街市曾記潮洲粿品，生記鹵水鵝......呢？單是中上環，就叫我已經唔敢多諗，驚搞到胃酸倒流。 ...

麥奀雲吞，中環先至係正店，但佢嘅分店水準不錯。先前提及的大利，也開了幾家分店，先前中環、紅湛都有分店，吃過水準一般，回总店再吃，也很失望，己好久未帮襯。

生記鹵水鵝，印象麻麻，反而在灣仔的鹵八，鵝肉鵝肝水準不錯。最近買了一百元一隻的大肝(獅頭鵝肝才15元隻)，走板娘話好食過法國鵝肝，可以一試。對面之潮宛牛肉餅，好食。

流ing口水。

judy

p.s. 希望 edea / 各位網友唔好介意我又離題。

講開食，阿媽都唔認得矣，點会理edea 、 網友介唔介意呢？

judy

發覺原來 Y2KChild, judy, edea, MadonnaHK, uncleedward 原來全是同一人化身，都係約定老友曾繁光飲茶傾傾。

edea是超級版主，Judy無腦級國民，身份低微。看來真要book曾繁光了。

judy

原帖由 wunma 於 11-1-11 11:46 發表
我也是貓托世, 喜歡魚到不得了,  我會把蒸魚後的魚水當海鮮湯飲. 好味!  

我喜歡食住家飯, 呀媽有味叫鹹魚蒸塘魚, 把一小片鹹魚放在一大塊魚腩上再用幾片水豆腐墊底一起蒸, 好吃之餘汁又好餸飯. 兩種截然不同的魚 ...

一貫阿媽教落，蒸魚的步驟都係將鱼擺在碟上，鋪上葱，加幾滴豉油、幾滴油。蒸好魚，碟底的汁才是精華。依家喲人蒸好魚，到掉汁，我百思不得其解。

前面提過鹵八老板娘話佢地嘅鹵水大肝好味過法國鵝肝，好多人都会一笑置之，我却認為有其道理。做法唔同，效果大不同：鹹香鹹香，試問誰吃過香過鹹魚嘅鱼？本地A貨鵝肝，經鹵水一鹵，好味過法國鵝肝未定呀。

judy

原帖由 uncleedward 於 11-1-11 13:51 發表 呢兩日一定要冒死(俾人鬧死)試試。

林行止話鵝肝有益健康。我聽佢話，吃了多次獅頭鵝肝，一副15元，又好好食。

judy

喂，你又話100蚊副，究竟幾錢？食邊樣好呢？天寒地凍，坤記嘅白鱔煲仔飯加豬骨煲好似重吸引，又近啲添。哎哟，諗到頭痛。

嗰隻老板娘叫大肝，比獅鵝肝大3-4倍到。是A貨法國肝。比獅鵝肝軟好多，不過就冇獅鵝肝咁香，擦到面包。

judy

新年果晚，我o地都有買鹵八外賣， 當時個老板娘話佢地嘅鹵水大肝好味過法國鵝肝， 我唔信，買著 HK$15 果o地, 當然唔掂，又硬又無味。 我中意鹵八嘅鴨脷，等我哩排食小 d, 儲返個 quota 食鹵水大肝。

冇錯，獅頭鵝肝水準不穩定。有次有人去新記，我搭人買肝，硬到起沙。我估係鵝肝太小而浸太久之原因。

judy

原帖由 uncleedward 於 11-1-13 01:15 發表
有冇人知今次孫公用了甚麼方法令到新界北咁多校長同佢一齊做呢齣大龍鳳，連鄧顯都死死棄撑縮班。

講飲講食咩好。起碼你係九記排隊，冇變態佬過來押你去十記。

judy

未睇。但似乎評論都係集中喺當中嘅政治含意，咁即係......

昨天看了，幾好看。七分胡鬧，三分正經。買官賣官，土豪作惡，中國一向如是，所以戲之前4/5，雖不缺槍戰死人，但大可看得嘻嘻哈哈。後1/5來料。張麻子和土豪正式决斗。平民百姓寧可關好門窗，張麻子出盡百寶，讓百姓在憤怒中暴發，可惜，都無人肯跟随。最後，張麻子努殺假土豪，百姓才一哄而上，將土豪身家哄搶一番。土豪5代積壘，一夜成空。

這五代5代積壘，一夜成空，耐人尋味。

judy

即系唔睇都無損失， 收到。

以為 judy 喜歡雞有雞味，魚有魚味，葛優有戲味，卻原來是耐人尋味。

最耐人尋味嘅唔係部電影，而係點解係大陸咁賣座。