你會怎樣應對小六TSA？

judy

有時家長會錢俾參加評估例如ICAS，點解唔肯參加免費的TSA

我都咁話，阿仔升中時，我俾錢跟學校報了幾個國際試，如果TSA肯俾個人報名就正啦。

judy

都要睇吓份report既認受性

認受性應非常好。

不過，咁變成一個公開試，想死咩！

judy

其實我依家都唔明點解部分家長一講到TSA就好抗拒？

家長唔係好抗拒啫。

最抗拒嘅係議員啦，未結婚嘅小朋友啦，未使考TSA嘅家長啦。

judy

另外如果校內叻仔叻女少，全體成績在中下的情況下，為了保住學校，校方可能會減少推行校本課程。當年幾乎被殺校的校長，在退休後的訪問中講出，曾經有人同佢講過，唔好以為你收夠學生便會無事。

殺校之標準是收生人數，收夠學生冇可能殺到。討論TSA咁耐，反方一直話TSA和殺校有關，但一直提供不到証據，直至鲜魚行校長話當時保校時，教局向他提出其校水準差劣，要佢跟進。

但實情係唔係咁，我好怀疑，我知道嘅事實是：

1. 鲜魚行收生不足，列入殺校名單。
2. 校長很出名，佢入鲜魚行做校長時(當時未提殺校)，壹周刊和他做人物專訪， 形容為教育放棄教署高薪厚職(督學)。

總之，鲜魚行上了報紙、上了電視，當時政治氣候，殺校變成不可能任務。我自己就更相信是校長向教署求情，教署要求佢俾啲理由。