中產不減．焦慮卻增 太重學歷．收窄出路

Parisienne

Thanks for sharing!

文中話真正欣賞音樂嘅人唔多，但考皇家樂器等試嘅人卻增加咗。我覺得都幾可悲，亦可以反映香港人嘅功利心態。

而家好多小朋友在學已經要揀一兩種樂器，但父母卻疏忽咗藝術熏陶往往係從生活中一點一滴啓發出嚟，並唔係靠每星期兩堂，每堂40mins嘅樂器時間所得。

我朋友係綱琴老師，但佢唔鍾意綱琴。
我好突然，佢話教琴只不過係佢嘅職業。細個阿媽話要學，所以學，大個有一技之長容易揾食。佢又細到大都只不過抱住呢種心態。所以放工你叫佢對住個琴都幾難。
我唔知係咪好多教樂器嘅老師都一樣心態，但以上文章都令人心有不安。當然，我朋友絕對唔會被家長懷疑佢對音樂嘅熱誠，就等如我唔會被我老板懷疑我對工作嘅態度。

最近參加一個playgroup(2-3歲)，其中一環節係填顏色。好多家長攞咗張圖畫就開始guide個小朋友：
....樹葉唔係藍色架，用綠色啦....太陽伯伯唔係紫色喎，用黃色好唔好....囡囡妳睇吓老師隻貓咪係啡色喎，點解妳用粉紅色呀??快Ｄ攞技brown color 啦，'Brown" ok ? 嗱This ..is ...brown ....然後就捉住囡囡隻手填，恐防佢填出界。有Ｄ索性幫個小朋友一齊填費事煩。

似乎，好多家長重視個結果多過個過程。

個老師咪咪嘴笑無出聲，好似好滿意咁。

相反，我個囡就鬼五馬六，乜色都填一餐，又出哂界。可以先填紅色，再上藍色然後索性攞枝黑色臘筆大大力塗上面！後來佢發現黑色之後無辦法畫上其它顏色，於是反轉張紙又畫過，不過今次無再揀黑色。

囡囡好開心！係名符其實嘅2.5歲塗鴉。

我無理佢，因為我覺得樹葉點解唔可以係藍色？太陽點解唔可以係紫色呢？
come on，俾Ｄ空間小朋友吧！我哋大人已經失去咗一對可以睇到紫色太陽嘅眼晴。因為，我哋只畫眼中所見，而小朋友卻畫心中所見。

原帖由 mattsmum 於 09-11-1 11:09 發表
焦慮不安的背後
呂大樂：教會要講美好生活
（9月24日消息）


蔡聖龍

從事社會階級研究多年的港大社會學系教授呂大樂，在昨日（九月廿三日）舉行的崇基學院神學院第三屆牧養研討會的第二場專題演講中，以「焦慮不安的背後：對社 ...